ୱାସିଂଟନ୍: ଟ୍ରମ୍ପ ଯୁଗର ପରିସମାପ୍ତି ଘଟାଇ ବିଜୟ ମୁକୁଟ ପିନ୍ଧିଲେ ବାଇଡେନ । ମ୍ୟାଜିକ୍ ନମ୍ବର ଠାରୁ ସର୍ବାଧିକ ଭୋଟ ପାଇଁ ଏପରି ସଫଳତା ହାସଲ କରିବାରେ ବାଇଡେନ୍ ପ୍ରଥମ । ଏହାସହିତ ଭାରତୀୟ ବଂଶୋଦ୍ଭବ କମଳା ହାରିସ ଉପରାଷ୍ଟ୍ରପତି ହେବାକୁ ଯାଉଛନ୍ତି । ଏହି ପଦବୀ ଗ୍ରହଣ କରିବାରେ ସେ ହେବେ ଆମେରିକାର ପ୍ରଥମ ମହିଳା । ତେବେ ପୂର୍ବରୁ 2 ଥର ଓବାମାଙ୍କ କାର୍ଯ୍ୟକାଳରେ ଉପରାଷ୍ଟ୍ରପତି ରହିଥିବା ବାଇଡେନ୍ ସଫଳତାର ସହ ନିଜର କାର୍ଯ୍ୟ ସମାପ୍ତ କରିଛନ୍ତି ।
ଆମେରିକା ରାଜନୀତିର ବୟସ୍କ ରାଜନେତା ଭାବେ ପରିଚିତ ବାଇଡେନଙ୍କ ରାଜନୈତିକ ଯାତ୍ରା ବେଶ ଲମ୍ବା । ଦୀର୍ଘ ରାଜନୈତିକ ଗଡାଣି ଉଠାଣି ଭିତରେ ସେ ଆମେରିକାର ପ୍ରଥମ ନାଗରିକ ଭାବେ ନିର୍ବାଚିତ ହୋଇଛନ୍ତି । ସେ ମାତ୍ର 30 ବର୍ଷ ବୟସରୁ ସିନେଟର ଭାବେ ନିର୍ବାଚିତ ହୋଇଥିଲେ । 1942 ମସିହାରେ ଜନ୍ମଗ୍ରହଣ କରିଥିବା ବାଇଡେନଙ୍କ ବର୍ତ୍ତମାନ ବୟସମ 77 ବର୍ଷ ।
1988 ରେ, ବାଇଡେନ ପ୍ରଥମ ଥର ପାଇଁ ରାଷ୍ଟ୍ରପତି ପ୍ରାର୍ଥୀ ପାଇଁ ଲଢିଥିଲେ ଏବଂ ପରେ 2008ରେ ସେ ପୁଣି ଥରେ ହ୍ବାଇଟ ହାଉସରେ ପ୍ରବେଶ କରିବାକୁ ଚେଷ୍ଟା କରିଥିଲେ । ସେ ଓବାମା ପ୍ରଶାସନରେ 8 ବର୍ଷ ପର୍ଯ୍ୟନ୍ତ ଉପରାଷ୍ଟ୍ରପତି ଭାବରେ କାର୍ଯ୍ୟ କରିଥିଲେ ।
ତେବେ ଜାଣନ୍ତୁ ବାଇଡେନଙ୍କ ବିଷୟରେ କିଛି କଥା...
1. ବାଇଡେନ ତାଙ୍କ ହାଇସ୍କୁଲ ଫୁଟବଲ ଦଳରେ ଉଭୟ ୱାଇଡ୍ ରିସିଭର ଏବଂ ଦଳରେ ହାପ୍ ବ୍ୟାକ୍ ଭାବରେ ଖେଳୁଥିଲେ |
2. ତାଙ୍କର ଦୁଇ ଜର୍ମାନ ସିପ୍ ଆର୍ଡସ(କୁକୁର) ଅଛନ୍ତି, ଯାହାର ନାମ ଚାମ୍ପ ଏବଂ ମେଜର |
3. ବିଡେନ ଜଣେ କାର୍ ପ୍ରେମୀ ଏବଂ ସେ ତାଙ୍କ ପିତାଙ୍କଠାରୁ ପାଇଥିବା '67 କର୍ଭେଟ୍ ଷ୍ଟିଙ୍ଗ୍ରେ'ର ମାଲିକ ଅଟନ୍ତି |