ମାଲକାନଗିରି: ଜିଲ୍ଲାର ଆନ୍ଧ୍ର ସୀମାନ୍ତବର୍ତ୍ତୀ ସିଲେରୁ ନଦୀରେ ଡଙ୍ଗା ବୁଡିଯିବାରୁ ଜଣେ ଶିଶୁର ମୃତ୍ୟୁ ଘଟିଥିବାବେଳେ ଦୁଇ ଜଣ ନିଖୋଜ ଅଛନ୍ତି । ଡଙ୍ଗାରେ ସମୁଦାୟ 5 ଜଣ ଯାତ୍ରୀ ଥିବାବେଳେ ଝଡତୋଫାନ ହେବା ଯୋଗୁଁ ଡଙ୍ଗାଟି ଭାରସାମ୍ୟ ହରାଇ ଓଲଟିପଡିଥିଲା । ସମସ୍ତ ଯାତ୍ରୀ ପାଙ୍ଗମପଡୁ ବଙ୍ଗଳା କ୍ୟାମ୍ପରୁ ବଚଳୁରୁ ଗାଁକୁ ଯାଉଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ମାଲକାନଗିରି
ସୂଚନାନୁଯାୟୀ, ଆନ୍ଧ୍ର ସିଲେରୁ ସହରରେ ହାଟ କରିବା ପରେ ସତୀ ବାବୁ ନାମକ ଜଣେ ବ୍ୟକ୍ତି ତାଙ୍କ ପତ୍ନୀ ପାର୍ବତୀ ଓ ଦୁଇ ବର୍ଷର ଝିଅ ଦିବ୍ୟଶ୍ରୀ ସହ ଉକ୍ତ ଡଙ୍ଗାରେ ଥିଲେ । ସେମାନଙ୍କ ସହ ଅନ୍ୟ ଦୁଇ ଜଣ ମହିଳା ପି.ବୁଲମା ଓ ବି.କ୍ରୀଷ୍ଣା ବେଣୀ ମଧ୍ୟ ଥିଲେ । ଝଡ ତୋଫାନ ଆସିବାରୁ ଡଙ୍ଗାଟି ଭାରସାମ୍ୟ ହରାଇ ବୁଡି ଯାଇଥିଲା । ଫଳରେ 2 ବର୍ଷର ଝିଅ ଦିବ୍ୟଶ୍ରୀର ମୃତ୍ୟୁ ହୋଇଥିବାବେଳେ ପି.ବୁଲମା ଓ ବି.କ୍ରୀଷ୍ଣା ବେଣୀ ନାମକ 2 ମହିଳା ନିଖୋଜ ଅଛନ୍ତି ।