ହାଇଦ୍ରାବାଦ: ଟାଇଗର ଶ୍ରଫ ଏବଂ କ୍ରିତି ସାନନଙ୍କ ଅଭିନୀତ 'ଗଣପଥ: ଏ ହିରୋ ବନ' ଆଜି ରିଲିଜ ହୋଇଛି । ଏହି ଅବସରରେ ଅଭିନେତା ଫିଲ୍ମର ସଫଳତା ପାଇଁ ସିଦ୍ଧିବିନାୟକ ମନ୍ଦିର ପରିଦର୍ଶନ କରିଛନ୍ତି । ସେପଟେ ଥିଏଟରରେ ଫିଲ୍ମକୁ ନେଇ ପ୍ରବଳ ଭିଡ ଦେଖିବାକୁ ମିଳିଥିବା ବେଳେ ଫିଲ୍ମଟି ଦର୍ଶକଙ୍କୁ ବେଶ ପସନ୍ଦ ଆସିଛି । ବର୍ତ୍ତମାନ ଫିଲ୍ମର ପ୍ରଥମ ଦିନର କଲେକ୍ସନ ସାମ୍ନାକୁ ଆସିଛି ।
ସାକ୍ନିଲ୍କଙ୍କ ପ୍ରାରମ୍ଭିକ ଆକଳନ ଅନୁଯାୟୀ, ଫିଲ୍ମଟି ଏହାର ପ୍ରଥମ ଦିନରେ ପ୍ରାୟ 4 କୋଟି(ଆନୁମାନିକ) ଟଙ୍କା ରୋଜଗାର କରିଛି । ଗଣପଥ ଭାରତର 2,250 ରୁ ଅଧିକ ସ୍କ୍ରିନରେ ରିଲିଜ କରିଛି । 150 କୋଟି ଟଙ୍କା ବଜେଟର ଏହି ଫିଲ୍ମ ଆଗାମୀ ଦିନରେ ରେକର୍ଡ ସୃଷ୍ଟି କରିପାରେ ବୋଲି ଆଶା କରାଯାଉଛି । ସେପଟେ ଫିଲ୍ମ ରିଲିଜ ଅବସରରେ ମୁମ୍ବାଇର ସିଦ୍ଧିବିନାୟକଙ୍କ ମନ୍ଦିର ପରିଦର୍ଶନ କରି ଆଶୀର୍ବାଦ ନେଇଛନ୍ତି ଟାଇଗର । ମନ୍ଦିରରୁ ଅଭିନେତାଙ୍କର ଏକ ଫଟୋ ସାମ୍ନାକୁ ଆସିଛି ଯେଉଁଥିରେ ଟାଇଗର ହ୍ବାଇଟ ସାର୍ଟ, କପାଳରେ ତିଲକ ଏବଂ ବେକରେ ଗଣପତି ଚାଦର ପିନ୍ଧିଥିବାର ନଜର ଆସିଛନ୍ତି । ଫଟୋରେ ମନ୍ଦିର କମିଟି ସିଦ୍ଧବିନାୟକଙ୍କ ଫଟୋ ଟାଇଗରଙ୍କୁ ଦେଉଥିବା ଦେଖିବାକୁ ମିଳିଛି ।