ମୁମ୍ବାଇ:ସାଉଥ ଫିଲ୍ମ ଇଣ୍ଡଷ୍ଟ୍ରିର ଲୋକପ୍ରିୟ ଅଭିନେତ୍ରୀ ପୂଜା ହେଗଡେ ଆଜିକାଲି ବଲିଉଡ ସୁପରଷ୍ଟାର ସଲମାନ ଖାନଙ୍କ ଫିଲ୍ମ 'କିସି କା ଭାଇ କିସି କି ଜାନ' ପାଇଁ ଶିରୋନାମାରେ ରହିଛନ୍ତି । ଏହି ଫିଲ୍ମରେ ସେ ସଲମାନଙ୍କ ବିପକ୍ଷରେ ମୁଖ୍ୟ ଅଭିନେତ୍ରୀ ଭାବେ ନଜର ଆସିଛନ୍ତି । ତେବେ ଫିଲ୍ମକୁ ନେଇ ସଲମାନ ଖାନଙ୍କ ସହ ଫିଲ୍ମର ପୁରା ଟିମ୍ ପ୍ରମୋସନରେ ବ୍ୟସ୍ତ ଅଛନ୍ତି । ତେବେ ଫିଲ୍ମର ସୁଟିଂ ସମୟରେ ସଲମାନ ଏବଂ ପୂଜା ପରସ୍ପରକୁ ଡେଟିଂ କରୁଥିବା ନେଇ ଚର୍ଚ୍ଚା ହୋଇଛି । ଚାଲିଥିବା ଚର୍ଚ୍ଚାକୁ ଖଣ୍ଡନ କରିଛନ୍ତି ପୂଜା ହେଗଡେ ।
ନିକଟରେ ଏକ ସାକ୍ଷାତକାରରେ ସଲମାନଙ୍କ ସହ ତାଙ୍କ ଡେଟିଂ ରୁମର ନେଇ ମୁହଁ ଖୋଲିଛନ୍ତି ପୂଜା ହେଗଡେ । ଏହି ସବୁକୁ ପ୍ରତ୍ୟାଖ୍ୟାନ କରିଛନ୍ତି ଅଭିନେତ୍ରୀ ଏବଂ ଏହା କେବଳ ରୁମର ବୋଲି କହିଛନ୍ତି । ପୂଜା ଆହୁରି ମଧ୍ୟ କହିଛନ୍ତି ଯେ, ''ମୁଁ ଏହା ଉପରେ କ’ଣ କହିପାରିବି । ସୋସିଆଲ ମିଡିଆରେ ମୋ ବିଷୟରେ ଅନେକ କିଛି କୁହାଯାଉଛି । କିନ୍ତୁ ମୁଁ କହୁଛି, ମୁଁ ସିଙ୍ଗଲ ଅଛି ଏବଂ ମୋତେ ଏକୁଟିଆ ରହିବାକୁ ଭଲ ଲାଗୁଛି । ମୁଁ ବର୍ତ୍ତମାନ ମୋର କ୍ୟାରିୟର ଉପରେ ଧ୍ୟାନ ଦେଉଛି । କାମ ପାଇଁ ମୁଁ ଗୋଟିଏ ସହରରୁ ଅନ୍ୟ ସହରକୁ ଯିବାକୁ ପଡୁଛି । ଏଣୁ ମୁଁ ଏହି ରୁମର ପ୍ରତି ଧ୍ୟାନ ଦେବାକୁ ଚାହୁଁନାହିଁ ।''