ହାଇଦ୍ରାବାଦ: ସାରା ଦେଶରେ ଆଜିର ଦିନରେ ଶ୍ରୀକୃଷ୍ଣ ଜନମାଷ୍ଟମୀଙ୍କର ଉତ୍ସବକୁ ପାଳନ କରାଯାଇଛି । ଧାର୍ମିକ ବିଶ୍ୱାସ ଅନୁଯାୟୀ, ଏହି ଦିନ ଭଗବାନ ଶ୍ରୀକୃଷ୍ଣଙ୍କର ଜନ୍ମ ହୋଇଥିଲା, ଯାହାକୁ ସମଗ୍ର ଦେଶ କୃଷ୍ଣ ଜନ୍ମାଷ୍ଟମୀ ଭାବରେ ପାଳନ କରନ୍ତି । ତେବେ ଚଳିତବର୍ଷ କୃଷ୍ଣ ଜନ୍ମାଷ୍ଟମୀ 6 ଓ 7 ସେପ୍ଟେମ୍ବରରେ ପାଳନ କରାଯାଉଛି । ଏହି ଅବସରରେ ବଲିଉଡରୁ ଓଲିଉଡ ସମସ୍ତ ତାରକା ସୋସିଆଲ ମିଡିଆରେ ପୋଷ୍ଟ କରି ଜନ୍ମାଷ୍ଟମୀର ଅଭିନନ୍ଦନ ଜଣାଇଛନ୍ତି ।
ଓଲିଉଡ ଅଭିନେତା ସବ୍ୟସାଚୀ ମିଶ୍ର ଫ୍ୟାନ୍ସଙ୍କୁ ଜନ୍ମାଷ୍ଟମୀର ଶୁଭେଚ୍ଛା ଜଣାଇଛନ୍ତି । ସେ ନିଜ ଇନଷ୍ଟା ଷ୍ଟୋରୀରେ ଜଗନ୍ନାଥ ମନ୍ଦିରର ପୋଷ୍ଟ ସେୟାର କରି ଫ୍ୟାନ୍ସଙ୍କୁ ଶୁଭେଚ୍ଛା ଜଣାଇଛନ୍ତି । ଅନ୍ୟଟିରେ ଉତ୍ତରାକାଶୀରେ ଜନ୍ମାଷ୍ଟମୀ ପାଳନର ଏକ ଝଲକ ଦେଖାଇଛନ୍ତି। ଅଭିନେତା ପୁନଉଦ୍ଧାର କରିଥିବା ଉତ୍ତରକାଶୀ ମନ୍ଦିରରେ ଧୁମଧାମରେ ପାଳନ ହୋଇଛି ଜନ୍ମାଷ୍ଟମୀ । ସେହିପରି ଅଭିନେତାଙ୍କ ପତ୍ନୀ ତଥା ଅଭିନେତ୍ରୀ ଅର୍ଚ୍ଚିତା ସାହୁ ଏବଂ ଅଭିନେତ୍ରୀ ଏଲିନା ସାମନ୍ତରାୟ ମଧ୍ୟ ଏକ ପୋଷ୍ଟ ସେୟାର କରି ଫ୍ୟାନ୍ସଙ୍କୁ ଜନ୍ମାଷ୍ଟମୀର ଶୁଭେଚ୍ଛା ଜଣାଇଛନ୍ତି ।
ବଲିଉଡ ମେଗାଷ୍ଟାର ଅମିତାଭ ବଚ୍ଚନ ଫ୍ୟାନ୍ସଙ୍କୁ ଜନ୍ମାଷ୍ଟମୀର ଶୁଭେଚ୍ଛା ଜଣାଇଛନ୍ତି । ଅମିତାଭ ବଚ୍ଚନ ତାଙ୍କ ଏକ୍ସ ହ୍ୟାଣ୍ଡଲରେ ଏହି ପୋଷ୍ଟ ସେୟାର କରି ଜନ୍ମାଷ୍ଟମୀ ପାଇଁ ଲୋକଙ୍କୁ ଅଭିନନ୍ଦନ ଜଣାଇଛନ୍ତି । ମେଗାଷ୍ଟାର ତାଙ୍କ ପୋଷ୍ଟରେ ଲେଖିଛନ୍ତି ଯେ ଜନ୍ମାଷ୍ଟମୀ ପାଇଁ ଅନେକ ଶୁଭେଚ୍ଛା । ସେହିପରି ଅଭିନେତ୍ରୀ ହେମା ମାଲିନୀ ତାଙ୍କ ଘରର ମନ୍ଦିରରେ ରଖାଯାଇଥିବା ଶ୍ରୀକୃଷ୍ଣଙ୍କ ସହ ରାଧାଙ୍କ ଫଟୋ ସେୟାର କରିଛନ୍ତି । ହେମା ମାଲିନି ଏହି ଫଟୋକୁ ନିଜ ଇନଷ୍ଟାଗ୍ରାମରେ ସେୟାର କରି ଲେଖିଛନ୍ତି ମୋତେ ଶ୍ରୀକୃଷ୍ଣଙ୍କୁ ସଜାଇବାରେ ବହୁତ ଭଲ ଲାଗେ । ଏଥିସହ ସେ ସମସ୍ତଙ୍କୁ ଜନ୍ମାଷ୍ଟମୀଙ୍କୁ ଶୁଭେଚ୍ଛା ମଧ୍ୟ ଜଣାଇଛନ୍ତି ।