ମୁମ୍ବାଇ: ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍ 2023)ର ଫାଇନାଲ୍ ଗତ ରାତିରେ ଚେନ୍ନାଇ ଓ ଗୁଜୁରାଟ (CSK ବନାମ GT ଫାଇନାଲ୍ 2023) ମଧ୍ୟରେ ଖେଳାଯାଇଥିଲା । ତେବେ ଏମଏସ ଧୋନିଙ୍କ ଟିମ୍ ହାର୍ଦ୍ଦିକ ପାଣ୍ଡ୍ୟାଙ୍କ ଟିମକୁ ପରାସ୍ତ କରି ପୁଣି ଚମ୍ପିଆନ୍ ହୋଇଛି । ଗୁଜୁରାଟର ନରେନ୍ଦ୍ର ମୋଦି ଷ୍ଟାଡିୟମରେ ଏହି ମ୍ୟାଚ ସମୟରେ ବଲିଉଡ ତାରକା ବିକି କୌଶଲ ଏବଂ ସାରା ଅଲି ଖାନ ନଜର ଆସିଥିଲେ । ଏହି ଅବସରରେ ଉଭୟ ଅଭିନେତା ମାହିଙ୍କ ଟିମ୍କୁ ସମର୍ଥନ କରୁଥିବା ଦେଖିବାକୁ ମିଳିଥିଲା । ଧୋନିଙ୍କ ଟିମର ବିଜୟରେ ବିକି ଏବଂ ସାରା ମଧ୍ୟ ଖୁସିରେ ନାଚୁଥିବା ଦେଖିବାକୁ ମିଳିଥିଲା । ଯାହାର ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେଉଛି ।
ବିକି କୌଶଲ ଏବଂ ସାରା ଅଲି ଖାନଙ୍କ ଭିଡିଓ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ଯେଉଁଥିରେ ସେମାନେ ଆଗାମୀ ଚଳଚ୍ଚିତ୍ର 'ଜରା ହଟକେ ଜରା ବଚକେ'ର ପ୍ରମୋସନ କରିବା ପାଇଁ ଆଇପିଏଲ୍ ଫାଇନାଲରେ ପହଞ୍ଚିଥିଲେ । ଏହି ସମୟରେ ବିକି କୌଶଲ ଏବଂ ସାରା ଅଲି ଖାନ ଧୋନିଙ୍କ ଟିମ୍କୁ ସମର୍ଥନ କରୁଥିଲେ । ଯେତେବେଳେ ରବୀନ୍ଦ୍ର ଜାଡେଜାଙ୍କ ୱିିନିଂ ସଟ୍ ପରେ ଦର୍ଶକଙ୍କ ମଧ୍ୟରେ ବିକି କୌଶଲ ଏବଂ ସାରା ଅଲି ଖାନ ମଧ୍ୟ ଖୁସିରେ ନାଚିଛନ୍ତି । ଏହି ସମୟରେ ବିକି ଏକ ବ୍ଲାକ ଟି-ସାର୍ଟ ଉପରେ ବ୍ଲାକ ପ୍ୟାଣ୍ଟ ସହ ଗ୍ରୀନ ଜ୍ୟାକେଟ୍ ପିନ୍ଧିଥିବା ବେଳେ ସାର ବ୍ଲୁ ଜିନ୍ସ ସହ ହ୍ବାଇଟ ଟପ୍ରେ ଖୁବ୍ ସୁନ୍ଦର ଦେଖାଯାଉଥିଲେ । ପଡ଼ିଆରେ ଚେନ୍ନାଇ ବିଜୟରେ ସାରା ଏବଂ ବିକି ଏକ ଖୁସିରେ ପ୍ରତିକ୍ରିୟା ଦେଇଥିଲେ । ଯାହା ସୋସିଆଲ ମିଡିଆରେ ଭାଇରାଲ ହେଉଛି ।