ମୁମ୍ବାଇ: ଅଭିନେତା ଅନୁ କପୁର ଅନଲାଇନ ଠକେଇର ଶିକାର ହୋଇଛନ୍ତି । ତାଙ୍କ ଆକାଉଣ୍ଟରୁ ଉଡି ଯାଇଛି 4ଲକ୍ଷ 36 ହଜାର ଟଙ୍କା । କେୱାଇସି ଅପଡେଟ କରିବା ନାଁରେ ଅନୁ କପୁରଙ୍କୁ 4 ଲକ୍ଷ 36 ହଜାର ଟଙ୍କାର ଚୁନ ଲଗାଇଛି ଅନଲାଇନ ଲୁଟେରା । ଠିକ ସମୟରେ ପୋଲିସର କାର୍ଯ୍ୟାନଷ୍ଠାନ ଫଳରେ 3 ଲକ୍ଷ 8 ହଜାର ଟଙ୍କା ଫେରି ପାଇଛନ୍ତି ଅନୁ କପୁର ।
ଅନୁ କପୁରଙ୍କ ଏକ ଫୋନ କଲ ଆସିଥିଲା । ସେ କଲ୍ ରିସିଭ କରିବା ପରେ ତାଙ୍କୁ ଜଣେ ବ୍ୟାଙ୍କ କର୍ମଚାରୀ ହୋଇଥିବା ପରିଚୟ ଦେଇଥିବା ଠକ ଜଣକ । ଏହା ସହ କେୱାଇସି ଅପଡେଟ କରିବାକୁ କହିଥିଲା । ଏହାପରେ ଅନୁ କପୁର ତାଙ୍କ ବ୍ୟାଙ୍କ ତଥ୍ୟ ଦେବା ପରେ ୱାନ ଟାଇମ ପାସୱାର୍ଡ (otp) କହିଥିଲେ । ଏହାପରେ ତାଙ୍କ ଆକାଉଣ୍ଟରୁ 4ଲକ୍ଷ 36 ହଜାର ଟଙ୍କା ଗାଏବ ହୋଇଥିଲା । ଠକ ଜଣକ ଦୁଇଟି ଦଫାରେ ଆକାଉଣ୍ଟରୁ ଟାଙ୍କ ହଡପ କରିଥିଲା । ଏହା ପରେ ବ୍ୟାଙ୍କରୁ ଅନୁ କପୁରଙ୍କ ଫୋନ ଆସିଥିଲା । ଟଙ୍କା ଟ୍ରାନ୍ସଫର ନେଇ ବ୍ୟାଙ୍କ ପଚାରିବାକୁ ସେ ଅନଲାଇନ ଠକେଇର ଶିକାର ହୋଇଥିବା ଜାଣିବାକୁ ପାଇଥିଲେ । ଏହାପରେ ସେ ତୁରନ୍ତ ଥାନାରେ ଅଭିଯୋଗ କରିଥିଲେ।