ହାଇଦ୍ରାବାଦ: ଭାରତରେ ଅଧିକାଂଶ ଲୋକ ଟ୍ୟାନ୍ ହଟାଇବା ପାଇଁ ବିଭିନ୍ନ ପଦ୍ଧତି ଆପଣାଇଥାନ୍ତି । ଟ୍ୟାନ୍ ଦ୍ବାରା ସ୍କିନ୍ର ଟୋନ୍ ଗାଢ ହୋଇଯାଏ । ଯେହେତୁ ଭାରତର ଅଧିକାଂଶ ଲୋକ ଗୋରା ରଙ୍ଗକୁ ପସନ୍ଦ କରନ୍ତି, ସେଥିପାଇଁ ଟ୍ୟାନ୍ ହଟାଇବା ପାଇଁ ଅନେକ ପଦ୍ଧତି ବ୍ୟବହୃତ କରିଥାନ୍ତି । ଯେତେବେଳେ କି, ବିଦେଶରେ ଏହାର କନ୍ସେପ୍ଟ ସମ୍ପୂର୍ଣ୍ଣ ଭିନ୍ନ । ସେଠାରେ ଲୋକମାନେ ଟଙ୍କା ଖର୍ଚ୍ଚ କରି କୃତ୍ରିମ ଟ୍ୟାନିଂ (Artificial Tanning ) କରନ୍ତି । ଅନେକ ଲୋକ ସମୁଦ୍ର କୂଳରେ ଶୋଇ ଟ୍ୟାନିଂର ମଜା ନିଅନ୍ତି । କିନ୍ତୁ ବ୍ରିଟେନ (Britain)ରେ ରହୁଥିବା 25 ବର୍ଷୀୟା ସିରିନ୍ ମୁରାଦଙ୍କୁ ଏହିଭଳି କରିବା ଅତ୍ୟନ୍ତ ମହଙ୍ଗା (Side Effects Of Tanning) ପଡ଼ିଛି ।
ସିରିନ୍ ଛୁଟିରେ ବୁଲଗେରିଆ ଯାଇଥିଲେ । ସେଠାରେ ସେ ନିଜ ପରିବାର ସହିତ ସନ୍ନି ବିଚ୍ ବୁଲିବାକୁ ଯୋଜନା କରିଥିଲେ । ସକାଳେ 21 ଡିଗ୍ରୀ ସେଲସିୟସ୍ ତାପମାତ୍ରାରେ, ସେ ସନ୍ସ୍କ୍ରିନ୍ (SUNSCREEN ) ନଲଗାଇ ଖରାରେ ଶୋଇଥିଲେ । ସେ ଭାବିଥିଲେ ଯେ ପାଞ୍ଚ ମିନିଟ୍ ପରେ ସେଠାରୁ ଉଠି ଚାଲିଯିବେ ବୋଲି । କିନ୍ତୁ ଶୋଇବାର କିଛି ସମୟ ପରେ ତାଙ୍କୁ ଜୋରରେ ନିଦ ଆସିଯାଇଥିଲା । ଅଧ ଘଣ୍ଟା ପରେ ତାଙ୍କ ଆଖି ଖୋଲିଲା । କିନ୍ତୁ ସେତେବେଳକୁ ବହୁତ ଡେରି ହୋଇଯାଇଥିଲା ।