ହାଇଦ୍ରାବାଦ:ବଲିଉଡ କିଙ୍ଗ ଖାନଙ୍କ ବହୁ ପ୍ରତୀକ୍ଷିତ ଫିଲ୍ମ ‘ଜବାନ୍’କୁ ଦର୍ଶକ ଖୁବ୍ ଅଧିକ ଭଲପାଇବା ଅଜାଡ଼ି ଦେଇ ଚାଲିଛନ୍ତି । ଏହି ଫିଲ୍ମଟି ଲକ୍ଷ ଲକ୍ଷ ଲୋକଙ୍କ ମନକୁ ଛୁଇଁଛି । ତେବେ ‘ଜବାନ୍’ ପାଇଁ ଲୋକଙ୍କ କ୍ରେଜ୍ ବଢିବାରେ ଲାଗିଛି । ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହେଉଛି, ଯେଉଁଥିରେ ‘ଜବାନ’ ଦେଖିବା ପାଇଁ ଜେସିବି, ଶଗଡ ଗାଡି ଓ ଟ୍ରାକ୍ଟରରେ ଆସିଥିବାର ଦୃଶ୍ୟମାନ ହୋଇଛି। ନିକଟରେ ରିଲିଜ୍ ହୋଇଥିବା ସନ୍ନି ଦେଓଲ ଏବଂ ଅମିଶା ପଟେଲଙ୍କ ଅଭିନୀତ ଫିଲ୍ମ ଗଦର ୨ ସମୟରେ ଏହି ସମାନ ଦୃଶ୍ୟ ଦେଖିବାକୁ ମିଳିଥିଲା ।
ଏହା ମଧ୍ୟ ପଢନ୍ତୁ: Jawan Collection Day 3: 200 କୋଟି ନିକଟତର 'ଜବାନ୍', ତୃତୀୟ ଦିନର ରୋଜଗାର ଜାଣନ୍ତୁ
ସୂଚନାଯୋଗ୍ୟ ଯେ, ଗତ ଅଗଷ୍ଟ 11 ତାରିଖରେ ରିଲିଜ ହୋଇଥିଲା ଫିଲ୍ମ ଗଦର ୨ । ସାରା ଦେଶରେ ଏହି ଫିଲ୍ମକୁ ନେଇ ଏକ ଆଶ୍ଚର୍ଯ୍ୟଜନକ କ୍ରେଜ୍ ଦେଖିବାକୁ ମିଳିଥିଲା । ଲୋକମାନେ ଫିଲ୍ମ ଦେଖିବା ପାଇଁ ଟ୍ରାକ୍ଟରରେ ଆସିଥିଲେ ଏବଂ ବର୍ତ୍ତମାନ ସେହିଭଳି କ୍ରେଜ ଶାହାରୁଖ ଖାନଙ୍କ ପ୍ରଶଂସକମାନଙ୍କ ପାଖରେ ଦେଖିବାକୁ ମିଳିଛି । ରାଜସ୍ଥାନର ଭିଲୱାରା ଜିଲ୍ଲାର ଶତାଧିକ ଗ୍ରାମବାସୀ ‘ଗଦର ୨’ ଦେଖିବାକୁ ଟ୍ରକ୍ ଓ ଟ୍ରାକ୍ଟରରେ ପ୍ରେକ୍ଷାଳୟକୁ ଆସିଥିଲେ । ଥିଏଟରରେ ପହଞ୍ଚିବା ପୂର୍ବରୁ ଗ୍ରାମବାସୀ ଭିଲୱାରାର ମୁଖ୍ୟ ବଜାରରୁ ଏକ ଟ୍ରାକ୍ଟର ରାଲି ନେଇଥିଲେ। ଟ୍ରାକ୍ଟରରେ ସେମାନେ ‘ଗଦର ୨’ର ପୋଷ୍ଟର୍ ମଧ୍ୟ ଲଗାଇଥିଲେ। ସେହିପରି ଶାହାରୁଖ ଖାନଙ୍କ ଜବାନ ଦେଖିବା ପାଇଁ ପ୍ରଶଂସକମାନେ ଟ୍ରାକ୍ଟର, ଶଗଡ ଗାଡି ଏବଂ ଜେସିବି ବ୍ୟବହାର କରିଛନ୍ତି ।
ଏହା ମଧ୍ୟ ପଢନ୍ତୁ: ରାଜନୀତିରେ ଏଣ୍ଟ୍ରି କରିବେ ସାମନ୍ଥା ! ଏହି ପାର୍ଟିରେ ହୋଇପାରନ୍ତି ସାମିଲ
ସୋସିଆଲ ମିଡିଆରେ ଏହାର ଏକ ଭିଡିଓ ଭାଇରାଲ ହେଉଛି । ଏହି ଭିଡିଓଟି ଜାଲଗାଓଁ (ମହାରାଷ୍ଟ୍ର) ର, ଯେଉଁଥିରେ ଶାହାରୁଖ ଖାନଙ୍କ କୃଷକ ପ୍ରଶଂସକମାନେ ଟ୍ରାକ୍ଟରରେ ବସି ଜବାନ ଫିଲ୍ମ ଦେଖିବାକୁ ବାହାରିଛନ୍ତି । ଭିଡିଓରେ ଏହା ଦେଖିବାକୁ ମିଳିଛି ଯେ ଶାହାରୁଖ ଖାନଙ୍କ କୃଷକ ପ୍ରଶଂସକମାନେ ଜବାନର ପ୍ରଥମ ଦିନର ପ୍ରଥମ ସୋ’ ଦେଖିବାକୁ ଯାଇଥିଲେ । ଗ୍ରାମବାସୀମାନେ ଟ୍ରାକ୍ଟରଗୁଡିକରେ ଥିଏଟରକୁ ଆସିବାବେଳେ ସେମାନଙ୍କ ଉତ୍ସାହ ଏକଦମ ଜବରଦସ୍ତ ଥିଲା । ବର୍ତ୍ତମାନ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି । ଆମେ ଆପଣଙ୍କୁ କହିବୁ, ଚଳଚ୍ଚିତ୍ର ଜବାନ୍ ଆଜି 9 ସେପ୍ଟେମ୍ବରରେ ରିଲିଜ୍ର ତୃତୀୟ ଦିନରେ ପଂହଚିଛି ଏବଂ ଫିଲ୍ମଟି 200 କୋଟି ଆଡକୁ ଗତି କରୁଛି ।
