ମୁମ୍ବାଇ:ସାହିଦ କପୁରଙ୍କ ଭାଇ ତଥା ଅଭିନେତା ଇଶାନ ଖଟ୍ଟର ତାଙ୍କ ତଥାକଥିତ ଗର୍ଲଫ୍ରେଣ୍ଡ ଚାନ୍ଦନୀ ବେଞ୍ଜଙ୍କ ସହ ନଜର ଆସିଛନ୍ତି। ଶୁକ୍ରବାର ରାତିରେ ମୁମ୍ବାଇରେ ଏକ କାର୍ଯ୍ୟକ୍ରମରେ ଅଭିନେତା ଇଶାନ ଖଟ୍ଟର ଚାନ୍ଦନୀ ବେଞ୍ଜଙ୍କ ସହ ନଜର ଆସିଥିଲେ । ଦୁହେଁ ଏହି କାର୍ଯ୍ୟକ୍ରମରୁ ହାତ ଧରାଧରି ହୋଇ ବାହାରୁଥିବାବେଳେ କ୍ୟାମେରାରେ କଏଦ ହୋଇଥିଲେ । ଇଶାନଙ୍କୁ ତାଙ୍କ ପିଢିର ଅନ୍ୟତମ ପ୍ରତିଭାବାନ ଅଭିନେତା ଭାବରେ ବିବେଚନା କରାଯାଏ । ସେ ତାଙ୍କ ବ୍ୟାକ୍ ଟୁ ବ୍ୟାକ୍ ଫିଲ୍ମ ମାଧ୍ୟମରେ ଇଣ୍ଡଷ୍ଟ୍ରିରେ ଏକ ସ୍ବତନ୍ତ୍ର ସ୍ଥାନ ସୃଷ୍ଟି କରିଛନ୍ତି । ତେବେ ୱାର୍କ ଫ୍ରଣ୍ଟ ସହିତ ଇଶାନ ଖଟ୍ଟର ତାଙ୍କ ପ୍ରେମ ଜୀବନ ପାଇଁ ମଧ୍ୟ ଅନେକ ଚର୍ଚ୍ଚାରେ ଅଛନ୍ତି ।
ନିକଟରେ ଚର୍ଚ୍ଚା ଜୋର ଧରିଥିଲା ଯେ, ଇଶାନ ଖଟ୍ଟର ପୁଣିଥରେ ପ୍ରେମ ପଡିଛନ୍ତି ଏବଂ ସେ ଚାନ୍ଦନୀ ବେଞ୍ଜଙ୍କୁ ଡେଟ କରୁଛନ୍ତି । ଯଦିଓ ଦୁହେଁ ନିଜ ସମ୍ପର୍କକୁ ଗୁପ୍ତ ରଖିଛନ୍ତି, କିନ୍ତୁ ବର୍ତ୍ତମାନ ଏହି କପଲ ପ୍ରଥମ ଥର ପାଇଁ ଏକ କାର୍ଯ୍ୟକ୍ରମରେ ଏକାଠି ନଜର ଆସିଛନ୍ତି । କୌତୁହଳର ବିଷୟ, ଧଡକ ଅଭିନେତା ଚାନ୍ଦନୀ ବେଞ୍ଜଙ୍କ ହାତ ଧରିଥିବାବେଳେ କ୍ୟାମେରା ଆଗରେ ସ୍ପଟ୍ ହୋଇଥିଲେ । ସେମାନେ ନିଜ ବନ୍ଧୁ ଓଜସ ଦେଶାଇଙ୍କ ପାର୍ଟିରେ ଯୋଗଦେବା ପାଇଁ ଏକାଠି ବାହାରିଥିଲେ ଏବଂ ଯିବାବେଳେ ସେମାନେ ହାତ ଧରାଧରି ଚାଲୁଥିବାର ଦେଖାଯାଇଥିଲା । ସବୁଠୁ ଖାସ୍ କଥା ହେଉଛି, ଇଶାନ ଖଟ୍ଟରଙ୍କ ବଡ ଭାଇ ସହିଦ କପୁରଙ୍କୁ ମଧ୍ୟ ଏହି ଇଭେଣ୍ଟରେ ଦେଖିବାକୁ ମିଳିଥିଲା।
ଏହା ମଧ୍ୟ ପଢନ୍ତୁ: Ananya Pandey Affair: ଇଶାନଙ୍କୁ ଛାଡି ଆଦିତ୍ୟ କପୁରଙ୍କ ପ୍ରେମରେ ଉବୁଟୁବୁ ଅନନ୍ୟା