ଅମରାବତୀ: ଆନ୍ଧ୍ରପ୍ରଦେଶର ଏକ ଥିଏଟରରେ ଲାଗିଲା ନିଆଁ । ରବିବାର ଦିନ ସାଉଥ ସୁପରଷ୍ଟାର ପ୍ରଭାସଙ୍କ ପ୍ରଶଂସକମାନେ ତାଙ୍କ ଫିଲ୍ମର ସ୍କ୍ରିନିଂ ସମୟରେ ବାଣ ଫୁଟାଇବାରୁ ଏହି ନିଆଁ ଲାଗିଛି । ପଶ୍ଚିମ ଗୋଦାବରୀ ଜିଲ୍ଲାର ତାଡେପଲ୍ଲିଗୁଡେମ ସହରରେ ଏହି ଘଟଣା ଘଟିଛି। ଭେଙ୍କଟରମଣ ଥିଏଟରରେ ତାଙ୍କ ଫିଲ୍ମ 'ବିଲ୍ଲା' (Film Billa)ର ସ୍କ୍ରିନିଂ ସମୟରେ ପ୍ରଭାସ ପ୍ରଶଂସକମାନେ ଅତ୍ୟନ୍ତ ଖୁସି ହୋଇ ବାଣ ଫୁଟାଇଥିଲେ । ପ୍ରଭାସଙ୍କ ଜନ୍ମଦିନକୁ (Prabha Birthday) ଧୁମ୍ଧାମ୍ରେ ପାଳନ କରିବା ପାଇଁ ସେମାନେ ଏପରି କରିଥିଲେ।
ତେବେ ଥିଏଟରରେ ନିଆଁ ଦ୍ରୁତ ଗତିରେ ବ୍ୟାପି ଯିବାରୁ ଦର୍ଶକମାନେ ବାହାରକୁ ଚାଲି ଆସିଥିଲେ । ଏଥିରେ କାହାରି କୌଣସି କ୍ଷୟକ୍ଷତି ହୋଇନାହିଁ । ଥିଏଟର କର୍ମଚାରୀମାନେ ଫିଲ୍ମ ଦେଖୁଥିବା କିଛି ଲୋକଙ୍କ ସାହାଯ୍ୟରେ ନିଆଁକୁ ଆୟତ୍ତ କରିଥିଲେ।