ନୂଆଦିଲ୍ଲୀ: ଅଭିନୟ ଜଗତରୁ ଗୋଟିଏ ପରେ ଗୋଟିଏ ଦୁଃଖଦ ଖବର ଶୁଣିବାକୁ ମିଳୁଛି। ଗତ ଶୁକ୍ରବାର ଦିନ, ପ୍ରସିଦ୍ଧ ଟିଭି ଅଭିନେତା ସିଦ୍ଧାନ୍ତ ବୀର ସୂର୍ଯ୍ୟବଂଶୀଙ୍କର ଦେହାନ୍ତ ହୋଇଥିଲା । ଜିମରେ ୱାର୍କଆଉଟ୍ କରୁଥିବା ସମୟରେ ହୃଦଘାତରେ ତାଙ୍କର ମୃତ୍ୟୁ ଘଟିଥିବା ସୂଚନା ମିଳିଥିଲା । ବର୍ତ୍ତମାନ ହଲିଉଡ କରିଡରରୁ ଏହି ଦୁଃଖଦ ଖବର ଆସିଛି । ହଲିଉଡ ଅଭିନେତା ତଥା ଭଏସ୍ ଓଭର ଆର୍ଟିଷ୍ଟ କେଭିନ୍ କନ୍ରୋଏଙ୍କ(Kevin Conroy) ଦେହାନ୍ତ ହୋଇଛି । 66 ବର୍ଷୀୟ ଅଭିନେତା ଦୀର୍ଘ ଦିନ ଧରି ସେ କର୍କଟ ରୋଗରେ ପୀଡତ ଥିଲେ । ଏହି ସୂଚନା ବ୍ୟାଟମ୍ୟାନ୍: ଆନିମେଟେଡ୍ ସିରିଜ୍ରେ କାମ କରୁଥିବା କୋ-ଷ୍ଟାର ଡାଏନେ ପର୍ସିଂ ଦେଇଛନ୍ତି ।
ବ୍ୟାଟ୍ସମ୍ୟାନ୍ ଆନିମେଟେଡ୍ ସିରିଜ୍ କାମ ପାଇଁ ବେଶ୍ ଜଣାଶୁଣା କେଭିନ୍ । ତାଙ୍କ ସ୍ୱର ସହିତ ବ୍ୟାଟମ୍ୟାନ୍ଙ୍କ ଚରିତ୍ର ଜୀବନ୍ତ ଥିଲା । କହିବାକୁ ଗଲେ କେଭିନ ୮୦ ଦଶକରେ ତାଙ୍କ କ୍ୟାରିଅର୍ ଆରମ୍ଭ କରିଥିଲେ । ୧୯୯୨ ମସିହାରେ, ସେ ଥିଏଟରରେ ନିଜର ଦକ୍ଷତା ପ୍ରଦର୍ଶିତ କରିବା ପରେ ପ୍ରଥମ ଥର ପାଇଁ ବ୍ୟାଟ୍ସମ୍ୟାନର ଚରିତ୍ରରେ ସ୍ୱର ଦେଇଥିଲେ । ଏହି ସିରିଜ୍ ବହୁତ ଲୋକପ୍ରିୟ କରିଥିଲା । ଆନିମେଟେଡ୍ ସିରିଜ୍ରେ ତାଙ୍କ ସ୍ୱର ଲକ୍ଷ ଲକ୍ଷ ଲୋକଙ୍କୁ ଆକର୍ଷିତ କରିଥିଲା ।