ନୂଆଦିଲ୍ଲୀ:ବ୍ୟକ୍ତିଗତ ହେଉ କି ବୃତ୍ତିଗତ ଜୀବନ ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ସବୁବେଳେ ତାଙ୍କ ସ୍ୱାମୀ ବିରାଟ କୋହଲିଙ୍କୁ ସମର୍ଥନ କରି ଆସିଛନ୍ତି । ଗତ ରବିବାର ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ପାଇଁ ଏକ ଗୁରୁତ୍ୱପୂର୍ଣ୍ଣ ଦିନ ରହିଥିଲା । ଶେଷ ଲିଗ୍ ମ୍ୟାଚ୍ ଗୁଜୁରାଟ ଟାଇଟନ୍ସ ମାତ ଦେଇଥିଲେ ପ୍ଲେ ଅଫ୍ ପାଇଁ ଯୋଗ୍ୟତା ହାସଲ କରି ଥାଆନ୍ତା RCB । ଏଥିପାଇଁ ଗତକାଲି ବାଙ୍ଗାଲୋରରେ ପହଞ୍ଚିଥିଲେ ଅନୁଷ୍କା ଶର୍ମା । ଏହି ମ୍ୟାଚ୍ରେ କୋହଲି ଗୁଜୁରାଟ ଟାଇଟାନ୍ସ ବିପକ୍ଷ ଆଇପିଏଲ ଟୁର୍ଣ୍ଣାମେଣ୍ଟରେ ସର୍ବାଧିକ ଶତକ ହାସଲ କରିବାର ରେକର୍ଡ କରିଛନ୍ତି । ବିରାଟ ଶତକ ପୂରଣ କରିବା ମାତ୍ରେ ଅନୁଷ୍କା ତାଙ୍କୁ ଉତ୍ସାହିତ କରି ଫ୍ଲାଇଂ କିସ୍ ଦେଇଥିଲେ । ଯାହାକୁ ଫ୍ୟାନ୍ସ, ପ୍ରଶଂସା କରିଛନ୍ତି । ତେବେ RCB ପରାଜିତ ହେବାପରେ ଏହି ସେଲିବ୍ରିଟି ଦମ୍ପତି ଆଜି ମୁମ୍ବାଇ ପ୍ରତ୍ୟାବର୍ତ୍ତନ କରିଛନ୍ତି । ଯେଉଁଠି ତାଙ୍କୁ ପାପାରାଜି ନିଜ କ୍ୟାମେରାରେ କଏଦ କରିଛନ୍ତି । ଉଭୟଙ୍କ ଭିଡିଓ ଏବଂ ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେଉଛି ।
ପୂର୍ବରୁ ମଧ୍ୟ ଏହି ଦମ୍ପତିଙ୍କ ମ୍ୟାଚ ସମୟର ରୋମାଣ୍ଟିକ ଭିଡିଓ ଏବଂ ଫଟୋ ଭାଇରାଲ ହୋଇଥିବା ବେଳେ ଏବେ ପୁଣି ଏମାନଙ୍କ ଭିଡିଓ ଫ୍ୟାନ୍ସଙ୍କ ମନ ଜିତିଛି । ସେପଟେ ଏୟାରପୋର୍ଟରେ ଉଭୟଙ୍କ ଭିଡିଓ ମଧ୍ୟ ସୋସିଆଲ ମିଡିଆରେ ଖୁବ ଭାଇରାଲ ହେଉଛି । ଏହି ସମୟରେ ଅନୁଷ୍କା ଏକ ହ୍ବାଇଟ ସାର୍ଟ ସହ ବ୍ଲୁ ଜିନ୍ସ ପ୍ୟାଣ୍ଟ, ଗଗଲ୍ସରେ ନଜର ଆସିଥିବା ବେଳେ ବିରାଟ ଏକ ଧୂସର ଟି-ସାର୍ଟ ବ୍ଲାକ୍ ଟ୍ରାଉଜର ସହ ହ୍ବାଇଟ କ୍ୟାପ୍ ପିନ୍ଧିଥିବାର ନଜର ଆସିଛନ୍ତି । ଉଭୟଙ୍କ ଏହି ଭିଡିଓ ସେୟାର ହେବା ମାତ୍ରେ ଫ୍ୟାନ୍ସ ଏହାକୁ ଲାଇକ୍ କରିବା ସହ ପ୍ରତିକ୍ରିୟା ଦେଇଛନ୍ତି । ଭିଡିଓ ଉପରେ ପ୍ରତିକ୍ରିୟା ପ୍ରକାଶ କରି ଜଣେ ଲେଖିଛନ୍ତି: 'ପରଫେକ୍ଟ ଦମ୍ପତି।' ଅନ୍ୟ ଜଣେ ଲେଖିଛନ୍ତି: 'ସ୍ୱର୍ଗରେ ତିଆରି ମ୍ୟାଚ୍ ।'