ଓଡିଶା

odisha

ETV Bharat / entertainment

Tum Kya Mile: 'ରକି ଔର ରାନୀ କି ପ୍ରେମ କାହାନୀ'ର ପ୍ରଥମ ଗୀତ ରିଲିଜ - Tum Kya Mile

ପ୍ରସିଦ୍ଧ ଚଳଚ୍ଚିତ୍ର ନିର୍ମାତା କରଣ ଜୋହରଙ୍କ ନିର୍ଦ୍ଦେଶିତ 'ରକି ଔର ରାନୀ କି ପ୍ରେମ କାହାନୀ' ଚଳଚ୍ଚିତ୍ରର ପ୍ରଥମ ଗୀତ 'ତୁମ୍ କ୍ୟା ମିଲେ' ରିଲିଜ କରିଛି । ଏହି ଗୀତରେ ରଣଭୀର ସିଂ ଏବଂ ଆଲିଆ ଭଟ୍ଟଙ୍କ ଭଲପାଇବା ଏବଂ ରୋମାନ୍ସ ଦେଖିବାକୁ ମିଳିଛି । ଅଧିକ ପଢନ୍ତୁ,

'ରକି ଔର ରାନୀ କି ପ୍ରେମ କାହାନୀ'ର ପ୍ରଥମ ଗୀତ 'ତୁମ୍ କ୍ୟା ମିଲେ' ରିଲିଜ
'ରକି ଔର ରାନୀ କି ପ୍ରେମ କାହାନୀ'ର ପ୍ରଥମ ଗୀତ 'ତୁମ୍ କ୍ୟା ମିଲେ' ରିଲିଜ

By

Published : Jun 28, 2023, 1:59 PM IST

ହାଇଦ୍ରାବାଦ: ରଣଭୀର ସିଂ ଏବଂ ଆଲିଆ ଭଟ୍ଟଙ୍କ ଦ୍ୱିତୀୟ ଚଳଚ୍ଚିତ୍ର 'ରକି ଔର ରାନୀ କି ପ୍ରେମ କାହାନୀ' ରିଲିଜ ତାରିଖ ପାଖେଇ ଆସୁଛି । ଏହି ଚଳଚ୍ଚିତ୍ର ଆଜିଠାରୁ ଠିକ୍ ଗୋଟିଏ ମାସ ପରେ ରିଲିଜ ହେବ । ଏହାପୂର୍ବରୁ କରଣ ଜୋହରଙ୍କ ପାରିବାରିକ ଡ୍ରାମା ଏବଂ ରୋମାଣ୍ଟିକ ଚଳଚ୍ଚିତ୍ରର ପ୍ରଥମ ରୋମାଣ୍ଟିକ ଗୀତ 'ତୁମ କ୍ୟା ମିଲେ' ରିଲିଜ ହୋଇଛି । ​​ଏହି ଗୀତରେ ରଣଭୀର ସିଂ ଏବଂ ଆଲିଆ ଭଟ୍ଟଙ୍କ ମଧ୍ୟରେ ଶାହାରୁଖ ଖାନ ଏବଂ କାଜୋଲଙ୍କ ଭଲପାଇବା ଏବଂ ରୋମାନ୍ସ ଦେଖିବାକୁ ମିଳୁଛି । ସୋସିଆଲ ମିଡିଆରେ କରଣ ଏହି ଗୀତକୁ ରିଲିଜ କରିଛନ୍ତି ।

କରଣ ଜୋହର ପୂର୍ବରୁ ଫିଲ୍ମର ଟିଜର ରିଲିଜ କରିଥିବା ବେଳେ ବର୍ତ୍ତମାନ ଫିଲ୍ମର ପ୍ରଥମ ଗୀତ 'ତୁମ କ୍ୟା ମିଲେ' ରିଲିଜ କରିଛନ୍ତି । ନିଜ ଇନଷ୍ଟାଗ୍ରାମରେ କରଣ ଗୀତକୁ ରିଲିଜ କରିଛନ୍ତି । ଗୀତ 'ତୁମ କ୍ୟା ମିଲେ' ଅମିତାଭ ଭଟ୍ଟାଚାର୍ଯ୍ୟଙ୍କ ଦ୍ୱାରା ଲିଖିତ ଏବଂ ଲୋକପ୍ରିୟ ଗାୟକ ଅର୍ଜିତ ସିଂ ଏହାକୁ ସ୍ବର ଦେଇଛନ୍ତି । ଗୀତ 'ତୁମ କ୍ୟା ମିଲେ' ଅର୍ଜିତଙ୍କ ପ୍ରଶଂସକଙ୍କୁ ବେଶ ପସନ୍ଦ ଆସିଛି ।

କେବେ ରିଲିଜ ହେବ ରକି ଔର ରାନୀ କି ପ୍ରେମ କାହାନୀ: ଚାରି ବର୍ଷ ପରେ କରଣ ଜୋହର 'ରକି ଔର ରାନୀ କି ପ୍ରେମ କାହାନୀ' ନିର୍ଦ୍ଦେଶନାକୁ ଫେରିଛନ୍ତି । ସେପଟେ ଗଲି ବୟ ପରେ ଆଲିଆ ଭଟ୍ଟ ଏବଂ ରଣଭୀର ସିଂ ଏହି ଫିଲ୍ମରେ ପୁଣି ଥରେ ଏକାଠି ନଜର ଆସିବେ । ରଣଭୀର ସିଂ ଏବଂ ଆଲିଆ ଭଟ୍ଟଙ୍କ ବ୍ୟତୀତ ଭେଟେରାନ୍ ଅଭିନେତା ଧର୍ମେନ୍ଦ୍ର, ଜୟା ବଚ୍ଚନ ଏବଂ ଶବାନା ଆଜମୀ ମଧ୍ୟ ଏହି ଫିଲ୍ମରେ ନଜର ଆସିବେ । ଏହି ଚଳଚ୍ଚିତ୍ର ହିନ୍ଦୀ ସିନେମାର ପ୍ରଥମ ଚଳଚ୍ଚିତ୍ର, ଯାହା ଦିଲ୍ଲୀ ଏବଂ କାଶ୍ମୀର ସମେତ ଦେଶର ଅଧିକାଂଶ ସହରରେ ସୁଟିଂ କରାଯାଇଛି। ଫିଲ୍ମଟି ଜୁଲାଇ 28 ରେ ସିନେମାହଲରେ ରିଲିଜ କରିବ ।

ଏହା ମଧ୍ୟ ପଢନ୍ତୁ: ଟିଜର ଆଉଟ୍, ପୁଣି ସ୍କ୍ରିନ୍‌ରେ ଜଲୱା ଦେଖାଇବେ ଆଲିଆ ରଣଭୀର

ଫିଲ୍ମର କାହାଣୀ ବିଷୟରେ କହିବାକୁ ଗଲେ, ଜଟ ପଞ୍ଜାବୀ ଏବଂ ବଙ୍ଗାଳୀ ପରିବାର ଉପରେ ଆଧାରିତ ଏହି ଚଳଚ୍ଚିତ୍ରରେ ରଣବୀର ସିଂ ଜଟ ପଞ୍ଜାବୀ ପରିବାର ଏବଂ ଆଲିଆଙ୍କ ଚରିତ୍ର ଜଣେ ବଙ୍ଗାଳୀ ପରିବାରର ରହିଛନ୍ତି । ଉଭୟ ପରିବାରର ଭିନ୍ନ ରୀତିନୀତି ହେତୁ ସେମାନଙ୍କର ପ୍ରେମ କାହାଣୀ ଏତେ ସହଜ ହେବ ନାହିଁ ବୋଲି ଜଣାପଡିଛି । ତେବେ ଏହି ଚଳଚ୍ଚିତ୍ର ଦେଖିବା ପାଇଁ ପ୍ରଶଂସକମାନଙ୍କୁ ବେଶ ଉତ୍ସାହର ସହ ଅପେକ୍ଷା କରିଛନ୍ତି ।

ABOUT THE AUTHOR

...view details