ମୁମ୍ବାଇ: ବଲିଉଡର ଦେଓଲ ପରିବାରରେ ଖୁସିର ବାତାବରଣ ଦେଖିବାକୁ ମିଳିଛି । ଗୋଟିଏ ପଟେ ଲୋକପ୍ରିୟ ଅଭିନେତା ସନ୍ନି ଦେଓଲଙ୍କ ଫିଲ୍ମ ଗଦର-2 ରିଲିଜ ହେବାକୁ ଯାଉଥିବା ବେଳେ ଅନ୍ୟପଟେ ଜୁନ 18ରେ ସନ୍ନିଙ୍କ ବଡ ପୁଅ କରନ ଦେଓଲଙ୍କ ବିବାହ କରିବାକୁ ଯାଉଛନ୍ତି । କରନ ଦେଓଲ ପ୍ରେମିକା ତଥା ପ୍ରତିଷ୍ଠିତ ବ୍ୟବସାୟୀ ସୁମିତ ଆଚାର୍ଯ୍ୟଙ୍କ ଝିଅ ଦିଶା ଆଚାର୍ଯ୍ୟଙ୍କୁ ବିବାହ କରିବେ । ତେବେ ଗତ ସୋମବାର ରାତିରେ ଏହି କପଲଙ୍କ ପ୍ରି-ୱେଡିଂ ସମାରୋହ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ଗତ ସୋମବାର ରାତିରେ ସଂଗୀତ ସମାରୋହ ଅନୁଷ୍ଠିତ ହୋଇଥିଲା । କାର୍ଯ୍ୟକ୍ରମର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି । ଏଥିରେ ଗୋଟିଏରେ କରନ ତାଙ୍କ ପ୍ରେମିକା ତଥା ଭାବି ସ୍ତ୍ରୀଙ୍କୁ ଦିଶାଙ୍କ ସହ କେକ୍ କାଟୁଥିବାର ନଜର ଆସିଛନ୍ତି ଏବଂ ଦ୍ୱିତୀୟରେ ସନ୍ନି ଦେଓଲ ଜଣେ ସମ୍ପର୍କୀୟଙ୍କ ସହ ନାଚୁଥିବାର ନଜର ଆସିଛନ୍ତି । ଅନ୍ୟଟିରେ ପିତା ସନ୍ନି ଦେଓଲ, ମାମୁଁ ବବି ଦେଓଲ ଏବଂ ଅଭୟ ଦେଓଲ ପ୍ୟାପଙ୍କ ସାମ୍ନାରେ ପୋଜ ଦେଉଥିବାର ନଜର ଆସିଛ ନ୍ତି। କରନ ଏକ ବ୍ଲୁ କୁର୍ତ୍ତାରେ ନଜର ଆସିଥିବା ବେଳେ ଦିଶା ହଳଦିଆ ରଙ୍ଗର ଶାଢୀରେ ଖୁବ ସୁନ୍ଦର ଦେଖାଯାଉଛନ୍ତି । ସନ୍ନି ଦେଓଲ ବ୍ଲାକ ଆଉଟଫିଟରେ ନଜର ଆସିଛନ୍ତି । ବର୍ତ୍ତମାନ ଏହି ସମସ୍ତ ଭିଡିଓ ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି ।