ୱାଶିଂଟନ୍: ଆରପାରିରେ 'ଦ ଗଡଫାଦର' (The Godfather ) ଚଳଚ୍ଚିତ୍ରର ପ୍ରଖ୍ୟାତ ଅଭିନେତା ଜେମ୍ସ କନ୍ (James Caan) । ଜେମ୍ସଙ୍କର 82 ବର୍ଷ ବୟସରେ ଦେହାନ୍ତ ହୋଇଛି । ସେ ଦ ଗଡଫାଦର ଫିଲ୍ମରେ ମାର୍ଲନ ବ୍ରାଣ୍ଡୋ (Marlon Brando)ଙ୍କ ମାଫିଆ ଡନ୍ଙ୍କ ପୁଅ ସନ୍ନି କେରଲିଓନ ଭୂମିକାରେ ଅଭିନୟ କରିଥିଲେ । ଦ ଗଡଫାଦର ଓ ବ୍ରେନ୍’ଓ ସଙ୍ଗ ଭଳି ଫିଲ୍ମ ଦ୍ୱାରା ଦର୍ଶକଙ୍କ ହୃଦୟ ଜିଣିପାରିଥିବା ଅଭିନେତା ଜେମ୍ସ ହଲିଉଡରେ ଅନେକ ଦଶନ୍ଧି ଧରି ରାଜ୍ କରିଥିଲେ । ତାଙ୍କର ପରଲୋକରେ ପୂରା ହଲିଉଡ ସ୍ତବ୍ଧ ହୋଇଯାଇଛିି ।
କନ୍ଙ୍କ ପରିବାର ସଦସ୍ୟ ଗୁରୁବାର ତାଙ୍କ ମୃତ୍ୟୁ ସମ୍ପର୍କରେ ସୂଚନା ଦେଇଛନ୍ତି । କନ୍ଙ୍କ ଟ୍ୱିଟର ପେଜ୍ରେ ଟ୍ୱିଟ୍ କରି ଏହା ଲେଖାଯାଇଛି ଯେ, ଜୁଲାଇ 6 ସନ୍ଧ୍ୟାରେ ଜିମିଙ୍କର ଦେହାନ୍ତ ହୋଇଛି । ଏହି ଦୁଃଖଦ ସମୟରେ ପରିବାରର ଗୋପନୀୟତା ପ୍ରତି ସମସ୍ତେ ଧ୍ୟାନ ଦିଅନ୍ତୁ । ତାଙ୍କ ଦେହାନ୍ତରେ ହଲିଉଡ ସହ ଜଡିତ ଅନେକ ସେଲିବ୍ରିଟି ଦୁଃଖ ପ୍ରକାଶ କରିଛନ୍ତି।