ହାଇଦ୍ରାବାଦ:ବଲିଉଡ କୁଇନ କଙ୍ଗନା ରାଣାୱତଙ୍କ ଫିଲ୍ମ ତେଜସ ଆଜି ଅର୍ଥାତ୍ ଅକ୍ଟୋବର ୨୭ରେ ରିଲିଜ ହୋଇଛି । ଫିଲ୍ମରେ କଙ୍ଗନା ବାୟୁସେନା ପାଇଲଟ ଭୂମିକାରେ ନଜର ଆସିଛନ୍ତି । ତେବେ ଫିଲ୍ମକୁ ନେଇ ଲୋକେ ସୋସିଆଲ ମିଡିଆରେ ପ୍ରତିକ୍ରିୟା ଦେଇଛନ୍ତି । ଦେଶଭକ୍ତି ଭରା ଏହି ଫିଲ୍ମର ଆକ୍ସନ ଅନେକ ଜଣଙ୍କୁ ପସନ୍ଦ ଆସିଥିବା ବେଳେ ଅନେକ ଜଣଙ୍କୁ ପସନ୍ଦ ଆସୁନାହିଁ । ସେପଟେ ପ୍ରଥମ ଦିନରେ ବକ୍ସ ଅଫିସରେ ଫିଲ୍ମ ୨କୋଟି ଆୟ କରିବାରେ ବି ଅସମର୍ଥ ରହିଛି । ଯାହାକୁ ଦେଖି ଅନୁମାନ କରାଯାଉଛି ଯେ, ତେଜସ ଭଲ ପ୍ରଦର୍ଶନ କରିନାହିଁ ।
ତେଜସ ଏକ୍ସ ସମୀକ୍ଷା:
ସୋସିଆଲ ମିଡିଆରେ ଏକ୍ସରେ ଅନେକ ଦର୍ଶକ ଫିଲ୍ମକୁ ନେଇ ନିଜ ପ୍ରତିକ୍ରିୟା ଦେଉଛନ୍ତି । ଅନେକ ଜଣ କଙ୍ଗନାଙ୍କ ଲୁକ ଏବଂ ଆକ୍ସନକୁ ପସନ୍ଦ କରିଛନ୍ତି । ସେହିପରି ଅନେକ ତାଙ୍କ ପରଫରର୍ମାନ୍ସକୁ ଏବଂ ଫିଲ୍ମର ଭିଏଫଏକ୍ସକୁ ନେଇ ସମାଲୋଚନା କରିଛନ୍ତି । ଜଣେ ଲେଖିଛନ୍ତି, ମୁଁ କେବେ ଭାବି ନଥିଲି ଯେ ଏପରି ଏକ ଚଳଚ୍ଚିତ୍ର ଆସିବ ଯେଉଁଥିରେ ଆଦିପୁରୁଷ ଅପେକ୍ଷା ସବୁଠାରୁ ଖରାପ VFX ରହିବ କିନ୍ତୁ କଙ୍ଗନା ରାଣାୱତଙ୍କ ତେଜସ ଏହା ସମ୍ଭବ ବୋଲି ପ୍ରମାଣ କରିଛି । ବଲିଉଡ ଚଳଚ୍ଚିତ୍ରରେ ସବୁଠାରୁ ଖରାପ VFX । ଏହା ସେତେବେଳେ ହେଉଛି ଯେତେବେଳେ ଆପଣ କାହାଣୀ ଛାଡି ଦେଶଭକ୍ତି ଉପରେ ଲକ୍ଷ୍ୟ ରଖିବେ ।
ଆଉ ଜଣେ ଲେଖିଛନ୍ତି, ମୁଁ ଆଜି ତେଜସ ଦେଖିଲି । ମୁଁ ଜାଣିପାରିଲି ନାହିଁ କଙ୍ଗନା କାହିଁକି ଏହି ମୁଭି କଲେ । VFX ବହୁତ ଖରାପ । କୌଣସି ସଂଳାପ ସମୟ ସହ ମେଳ ଖାଉ ନାହିଁ । ମୁଁ କହିବି, ଏହି ଚଳଚ୍ଚିତ୍ରରୁ ଦୂରେଇ ରୁହ । ଅନ୍ୟ ଜଣେ ଲେଖିଛନ୍ତି, ମୁଁ କଙ୍ଗନାଙ୍କୁ ଯେତିକି ପସନ୍ଦ କରେ । ଫିଲ୍ମ ତେଜସ ଦେଖି ସେତିକି ମୋତେ କଷ୍ଟ ଅନୁଭବ ହୋଇଛି । ତେଜସ୍ ଆଉ ଏକ ନିରାଶାଜନକ ଫିଲ୍ମ । ଅନ୍ୟ କେତେକ ଫିଲ୍ମ ଏବଂ କଙ୍ଗନାଙ୍କ ପ୍ରଶଂସାରେ କହିଛନ୍ତି, କଙ୍ଗନାଙ୍କ କ୍ୟାରିଅରର ସବୁଠାରୁ ଭଲ ଫିଲ୍ମ । ସଂଳାପ, ଆକ୍ସନ ବହୁତ ସୁନ୍ଦର ।