ହାଇଦ୍ରବାଦ: ବି ଟାଉନରେ ସର୍ବଦା ଫ୍ୟାନ୍ସଙ୍କ ପସନ୍ଦ ବଲିଉଡର ଚର୍ଚ୍ଚିତ ଯୋଡି ସିଦ୍ଧାର୍ଥ ମଲହୋତ୍ରା ଏବଂ କିଆରା ଆଡଭାନୀ । ଆସନ୍ତା 6 ତାରିଖରେ ସିଦ୍ଧାର୍ଥ ଓ କିଆରାଙ୍କ ବିବାହ ହେବା ନେଇ ତାରିଖ ସ୍ଥିର ହୋଇଥିବା ବେଳେ ରବିବାର ରାଜସ୍ଥାନର ଜୈସଲମେରରେ ଉଭୟେ ପହଞ୍ଚିବା ନେଇ ସୂଚନା ରହିଛି । ତେବେ ଆଜି ଉଭୟ ପକ୍ଷର ପରିବାର ଏବଂ ସମ୍ପର୍କୀୟ ପହଞ୍ଚିବା ନେଇ ଜଣାପଡିଛି । ତେବେ ଏହାରି ଭିତରେ ବିବାହରେ ଯୋଗ ଦେବାକୁ ଥିବା ଗେଷ୍ଟ ଲିଷ୍ଟ ସାମ୍ନାକୁ ଆସିଛି । ବଲିଉଡ ସାଉଥ ଇଣ୍ଡ୍ରଷ୍ଟିର ନାମିଦାମି ଷ୍ଟାରମାନେ ମଧ୍ୟ ଯୋଗ ଦେବେ । କାଟ୍ରିନା କେଫ, ଭିକି କୌସଲ, ସୁପରଷ୍ଟାର ସଲମାନଖାନଙ୍କ ସମେତ ୧୫୦ ଅତିଥି ଯୋଗ ଦେବାର କାର୍ଯ୍ୟକ୍ରମ ରହିଛି ।
ରାଜସ୍ଥାନର ଜୈସଲମେର ସୂର୍ଯ୍ୟଗର ମହଲରେ ବାହାଘର ଅନୁଷ୍ଠିତ ହେବ । ଭିଆଇପି ଭିଭିଆଇପିମାନେ ଯୋଗଦାନ କରିବାର କାର୍ଯ୍ୟକ୍ରମ ରହିଥିବାରୁ ସେମାନଙ୍କ ସୁରକ୍ଷା ବ୍ୟବସ୍ଥାକୁ ଦୃଷ୍ଟିରେ ରଖି ସ୍ବତନ୍ତ୍ର ବ୍ୟବସ୍ଥା କରାଯାଇଛି । ମୁମ୍ବାଇର ଏକ ଓ୍ବେଡିଙ୍ଗ ପ୍ଲାନର ଏହି ଦ୍ବାୟିତ୍ବ ନେଇଥିବା ବିଶେଷ ସୁତ୍ରରୁ ଜଣାପଡିଛି ।
ସୂର୍ଯ୍ୟଗର ହୋଟେଲ ଜୈସଲମେର ଠାରୁ ୧୬ କିଲୋମଟିର ଦୂରରେ ରହିଛି । ଆସନ୍ତା 4 ଓ 5 ତାରିଖ ଦିନ ହଳଦୀ ରସମ ଓ ସଙ୍ଗୀତ କାର୍ଯ୍ୟକ୍ରମ ସୂର୍ଯ୍ୟଗଡ ମହଲରେ ଆରମ୍ଭ ହୋଇଯିବ । ଏହାପରେ ଆସନ୍ତା ୬ ତାରିଖରେ ଉଭୟେ ବିବାଦ ବନ୍ଧନରେ ବାନ୍ଧି ହେବେ । ତେବେ ବଲିଉଡ ସୁପରଷ୍ଟାର ଶାହରୁଖ ଖାନଙ୍କ ପୂର୍ବତନ ବଡିଆଡ ୟାସିନଙ୍କୁ ସୁରକ୍ଷା ବ୍ୟବସ୍ଥାର ଦାୟିତ୍ବ ଦିଆଯାଇଥିବା ବେଳେ ହୋଟେଲ କର୍ମଚାରୀମାନେ ମୋବାଇଲ ଫୋନ ବ୍ୟବହାର କରିବାକୁ ବାରଣ କରାଯାଇଛି ।