ହାଇଦ୍ରାବାଦ: 'ଶେରଶାହା'ରେ ଜଣେ ସୈନିକ ଭୂମିକାରେ ଅଭିନୟ କରି ଲୋକଙ୍କ ହୃଦୟ ଜିତିବା ପରେ ବର୍ତ୍ତମାନ ଅଭିନେତା ସିଦ୍ଧାର୍ଥ ମଲହୋତ୍ରା ତାଙ୍କର ନୂଆ ପ୍ରୋଜେକ୍ଟ ଘୋଷଣା କରିଛନ୍ତି । ସେ ରୋହିତ ସେଟ୍ଟୀଙ୍କ ସହ କାମ କରିବେ ଏବଂ ଏହି ପ୍ରୋଜେକ୍ଟରୁ ସେ ତାଙ୍କର ପ୍ରଥମ ସିନ୍ ମଧ୍ୟ ସେୟାର କରିଛନ୍ତି । ଏଥର ସିଦ୍ଧାର୍ଥ ମଲହୋତ୍ରାଙ୍କୁ ପରଦାରେ ପୋଲିସ୍ ଭୂମିକାରେ ଦେଖିବାକୁ ମିଳିବ । ଏହା ସହିତ ରୋହିତ ସେଟ୍ଟୀଙ୍କ ବିଷୟରେ ଏହା ମଧ୍ୟ ଏକ ବଡ଼ ଘୋଷଣା ହୋଇଛି ଯେ, ସେ ଏହି ପ୍ରୋଜେକ୍ଟ ସହିତ OTTରେ ଡେବ୍ୟୁ କରିବାକୁ ଯାଉଛନ୍ତି ।
ବଲିଉଡର ଫେମସ ନିର୍ଦ୍ଦେଶକ, ଯାହାର ଚଳଚ୍ଚିତ୍ରରେ ଆକ୍ସନ ଭରି ହୋଇରହିଥାଏ, ସେ ବର୍ତ୍ତମାନ OTTରେ ପାଦ ଥାପିବାକୁ ଯାଉଛନ୍ତି । 'ସୂର୍ଯ୍ୟବଂଶୀ' ପରେ ଏହା ହେଉଛି ତାଙ୍କର ଦ୍ୱିତୀୟ ପ୍ରୋଜେକ୍ଟ । ଏହା ସହିତ ପ୍ରଥମ ଫଟୋ ମଧ୍ୟ ସାମ୍ନାକୁ ଆସିଛି, ଯେଉଁଥିରେ ସିଦ୍ଧାର୍ଥ ପୋଲିସ୍ ୟୁନିଫର୍ମରେ ନଜର ଆସିଛନ୍ତି । ସିଦ୍ଧାର୍ଥ ତାଙ୍କ ସୋସିଆଲ ମିଡିଆରେ ଏହି ପୋଷ୍ଟ ସେୟାର କରିବା ମାତ୍ରେ ଅଭିନନ୍ଦନ ସୁଅ ଛୁଟୁଛି । କରଣ ଜୋହର ଠାରୁ ଆରମ୍ଭ କରି ଅନ୍ୟାନ୍ୟ ସେଲିବ୍ରିଟିମାନେ ତାଙ୍କୁ ଶୁଭେଚ୍ଛା ଜଣାଉଛନ୍ତି ।