ଦୀପିକାଙ୍କୁ ଶର୍ଲିନଙ୍କ ପ୍ରଶ୍ନ ? ଏବେ ତୁମ ସ୍ବାମୀଙ୍କୁ କଣ କହିବ ମାଡାମ୍‌

ଅଭିନେତ୍ରୀ ଶର୍ଲିନ ଚୋପ୍ରା ମଧ୍ୟ ରଣଭୀର ସିଂ ଏବଂ ଦୀପିକା ପାଦୁକୋନଙ୍କୁ ସିଧାସଳଖ ଟାର୍ଗେଟ କରିଛନ୍ତି । ଦୀପିକାଙ୍କୁ ନାନା କଥା କହି ଅପମାନିତ ମଧ୍ୟ କରିଛନ୍ତି । ଅଧିକ ପଢନ୍ତୁ

ହାଇଦ୍ରାବାଦ: ବଲିଉଡ ଅଭିନେତା ରଣଭୀର ସିଂଙ୍କ ପିଛା ଛାଡୁନି ବିବାଦ । ନଗ୍ନ ଫଟୋ ଉଠାଇ ତାହାକୁ ପୋଷ୍ଟ କରିବା ତାଙ୍କ ପାଇଁ ଅଡୁଆ ବଢିବାରେ ଲାଗିଛି । ଏନେଇ ମୁମ୍ବାଇର ଚେମ୍ବୁର ଥାନାରେ ମାମଲା ରୁଜୁ ହୋଇଥିବାବେଳେ ବର୍ତ୍ତମାନ ଅଭିନେତାଙ୍କ ବିରୋଧରେ ମହିଳାମାନେ ସୋସିଆଲ ମିଡିଆରେ ସମାଲୋଚନା କରିବା ଆରମ୍ଭ କରିଦେଇଛନ୍ତି । ଅଭିନେତ୍ରୀ ଶର୍ଲିନ ଚୋପ୍ରା ମଧ୍ୟ ରଣଭୀର ସିଂ ଏବଂ ଦୀପିକା ପାଦୁକୋନଙ୍କୁ ସିଧାସଳଖ ଟାର୍ଗେଟ କରିଛନ୍ତି ।

ଏକ ସାକ୍ଷାତକାରରେ ଶର୍ଲିନ୍ ଦୀପିକା ପାଦୁକୋନଙ୍କୁ ନାନା କଥା କହି ଅପମାନିତ କରିଛନ୍ତି । ଶର୍ଲିନ୍ କହିଛନ୍ତି କି, ‘ଥରେ ଦୀପିକା ତାଙ୍କ ପୋଷାକ ବିଷୟରେ ଏକ ଅଦ୍ଭୁତ କଥା କହିଥିଲେ ।’ ଶର୍ଲିନ୍ ଚୋପ୍ରା କହିଛନ୍ତି, 'ଯେତେବେଳେ ମୁଁ ଏକ ଆନ୍ତର୍ଜାତୀୟ ପତ୍ରିକା ପାଇଁ ବୋଲ୍ଡ ଫଟୋସୁଟ୍‌ କରିଥିଲି, ସେତେବେଳେ ସମାଜ ମୋତେ ଚରିତ୍ରହୀନ ଏବଂ ଅନ୍ୟାନ୍ୟ ନାମରେ ଡାକିଥିଲା । ଏଭଳି ଦୁଇଟି କଥା କ'ଣ ପାଇଁ ? ଏତେ କପଟ କାହିଁକି ?

କେବଳ ଏତିକି ନୁହେଁ, ଶର୍ଲିନ୍ ଚୋପ୍ରା ଆହୁରି କହିଛନ୍ତି, 'ଏହା କହିବ ନାହିଁ ଯେ ଏହା ସବୁ ଚଳେ, ମୋତେ ଗୋଟିଏ କଥା କହିବାକୁ ଦିଅ, ସେହି ସମୟରେ ଦୀପିକା ପାଦୁକୋନ୍ ମୋତେ କେବଳ ଚାହୁଁଥିଲେ, ଏତେ ଛୋଟ ଟପ୍‌...ଏତେ ଛୋଟ ଶର୍ଟସ୍‌ । ଭାଗ୍ୟ ଭଲ କି ମୁଁ ମୋ ଦେହରେ କିଛି ତ ପିନ୍ଧିଥିଲି, ତୁମ ସ୍ୱାମୀଙ୍କ ଶରୀରରେ କ’ଣ ଅଛି, ମ୍ୟାଡାମ୍ ? କିଛି ନାହିଁ ?

ଭାଇରାଲ୍ ନକରନ୍ତୁ ଫଟୋ

ଶର୍ଲିନ ଚୋପ୍ରା

ଶର୍ଲିନ୍ ଏକ ଟ୍ୱିଟ୍ ଜାରି କରି ଲେଖିଛନ୍ତି, ରଣଭୀର ସିଂଙ୍କ ନ୍ୟୁଡ ଫଟୋ ଭାଇରାଲ୍ କରନ୍ତୁ ନାହିଁ । ଏହିଭଳି କରି ଆପଣ ଅନ୍ୟମାନଙ୍କୁ ମାନସିକ ଆଘାତ ଦେଇପାରନ୍ତି । ଏହି କଷ୍ଟ ସମୟରେ ଆମେ ରଣଭୀରଙ୍କ ସହିତ ଛିଡା ହେବା ଉଚିତ୍ ।

ଏହା ପୂର୍ବରୁ ଅର୍ଜୁନ କପୁର, ରାମ ଗୋପାଳ ବର୍ମା ଏବଂ ଜନ୍ ଅବ୍ରହାମଙ୍କ ପରି ଅନେକ ସେଲିବ୍ରିଟି ଏହି ପ୍ରସଙ୍ଗରେ ରଣଭୀର ସିଂଙ୍କୁ ସମର୍ଥନ କରିଛନ୍ତି । ପୂର୍ବରୁ, ଜନ୍ ତାଙ୍କର ନ୍ୟୁଡ ଫଟୋସୁଟ୍ ମଧ୍ୟ ସେୟାର କରିଥିଲେ ।

ବ୍ୟୁରୋ ରିପୋର୍ଟ, ଇଟିଭି ଭାରତ