ହାଇଦ୍ରାବାଦ: ରଣବୀର କପୁର ଶମଶେରା ଫିଲ୍ମ ସହିତ ଚାରି ବର୍ଷ ପରେ ବଡ ପରଦାକୁ ଫେରିଥିଲେ। ତେଣୁ ପ୍ରଶଂସକଙ୍କର ମଧ୍ୟ ରଣବୀରଙ୍କ ଉପରେ ପୂରା ଭରସା ଥିଲା କି, ଏଥର ପରଦାରେ ଫିଲ୍ମଟି ଧମାଲ ମଚାଇବ। କିନ୍ତୁ 'ଶମଶେରା'ର ପ୍ରଥମ ଦିନର କଲେକ୍ସନ ଦେଖିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ । ଗତକାଲି 5000ରୁ ଊର୍ଦ୍ଧ୍ବ ହଲ୍ରେ ରିଲିଜ୍ ହୋଇଥିଲା ରଣବୀରଙ୍କ ଅଭିନୀତ ଶମଶେରା ।
ଟ୍ରେଡ଼୍ ଆନାଲିଷ୍ଟ ତରଣ ଆଦର୍ଶ ପ୍ରଥମ ଦିନ 'ଶମଶେରା'ର ଆୟ ଆକଳନ କରି ସୋସିଆଲ ମିଡିଆରେ ସେୟାର କରିଛନ୍ତି। ତରଣଙ୍କ ଅନୁଯାୟୀ ଏହି ଚଳଚ୍ଚିତ୍ର ଉଦଘାଟନୀ ଦିନ 10.25 କୋଟି ଟଙ୍କା ନିରାଶାଜନକ ଆୟ କରିଛି। ଅନୁମାନ କରାଯାଉଥିଲା ଯେ ଫିଲ୍ମ ରିଲିଜ୍ ହେବାର ପ୍ରଥମ ଦିନରେ 12 ରୁ 15 କୋଟି ଟଙ୍କା ରୋଜଗାର କରିବ, କିନ୍ତୁ ଫିଲ୍ମ 11 ଅଙ୍କ ମଧ୍ୟ ଧରିପାରି ନାହିଁ।