ହାଇଦ୍ରାବାଦ: 'ସତ୍ୟପ୍ରେମ କି କଥା' ଫିଲ୍ମ ସହ ବଲିଉଡ ଅଭିନେତା କାର୍ତ୍ତିକ ଆର୍ଯ୍ୟନ ଏବଂ କିଆରା ଆଡଭାନୀ ପୁଣିଥରେ ସ୍କ୍ରିନ ସେୟାର କରିଛନ୍ତି । ଇଦ୍ ଅବସରରେ କିଆରା ଏବଂ କାର୍ତ୍ତିକଙ୍କ ଫିଲ୍ମ 'ସତ୍ୟପ୍ରେମ କି କଥା' ରିଲିଜ ହୋଇଛି । ରୋମାଣ୍ଟିକ୍-ମ୍ୟୁଜିକାଲ୍-ଡ୍ରାମା ଫିଲ୍ମ ପ୍ରଥମ ଦିନରେ ଦର୍ଶକଙ୍କ ମନ ଜିତିବାରେ ସଫଳ ହୋଇଛି । ଫିଲ୍ମ ଓପନିଂ ଦିନ 9 କୋଟି ରୋଜଗାର କରିଛି ।
'ସତ୍ୟପ୍ରେମ କି କଥା' ରିଲିଜ ହେବାର ପ୍ରଥମ ଦିନରେ ଆନୁମାନିକ 9 କୋଟି ଟଙ୍କା ଆୟ କରିଛି । କାର୍ତ୍ତିକ ଆର୍ଯ୍ୟନ୍ ଏବଂ କିଆରା ଆଡଭାନୀ ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି । କାର୍ତ୍ତିକ-କିଆରାଙ୍କ ଯୋଡି ପୂର୍ବରୁ ସୁପରହିଟ ଚଳଚ୍ଚିତ୍ର 'ଭୁଲ ଭୁଲେୟା ୨'ରେ ଦେଖିବାକୁ ମିଳିଥିଲା । 2022 ମସିହାରେ ରିଲିଜ ହୋଇଥିବା ଏହି ଫିଲ୍ମ ଦର୍ଶକଙ୍କୁ ବେଶ ମନୋରଞ୍ଜନ କରିଥିଲା ଏବଂ ଏହା ବ୍ଲକବଷ୍ଟର ହୋଥିଲା । ଅନ୍ୟପକ୍ଷରେ, 'ସତ୍ୟପ୍ରେମ କି କଥା'ରେ କାର୍ତ୍ତିକ ଏବଂ କିଆରାଙ୍କ ରୋମାନ୍ସ ପୁଣି ଥରେ ଫ୍ୟାନ୍ସଙ୍କ ମନ ଜିତିଛି । ହେଲେ ଏହି ଚଳଚ୍ଚିତ୍ରଟି ଓପନିଂ 'ଭୁଲ ଭୁଲିଆ 2'ରୁ କମ ଅଟେ । କିନ୍ତୁ ବର୍ତ୍ତମାନ ନିର୍ମାତାମାନେ ଶନିବାର ଏବଂ ରବିବାରର ଛୁଟିଦିନ ଥିବାରୁ ଫିଲ୍ମର ଅଧିକ ଆୟ କରିବ ବୋଲି ଆଶା ରଖିଛନ୍ତି ନିର୍ମାତା ।
ଏହା ମଧ୍ୟ ପଢନ୍ତୁ: 'ସତ୍ୟପ୍ରେମ କି କଥା' ରିଲିଜ ପରେ ସିଦ୍ଧିବିନାୟକଙ୍କ ଶରଣରେ କାର୍ତ୍ତିକ
ବକ୍ରି ଇଦ ଛୁଟିଦିନକୁ ଦୃଷ୍ଟିରେ ରଖି ନିର୍ମାତାମାନେ 'ସତ୍ୟପ୍ରେମ କି କଥା' ରିଲିଜ କରିଥିଲେ । ତେବେ ଛୁଟିଦିନ ଫିଲ୍ମକୁ ଅଧିକ ଲାଭ ଦେଇନାହିଁ । ଏଥି ସହିତ ନିର୍ମାତାମାନେ ଆଶା କରୁଛନ୍ତି ଯେ ଫିଲ୍ମଟି ସପ୍ତାହ ଶେଷରେ ବକ୍ସ ଅଫିସରେ ବେଶ ଭଲ ରୋଜଗାର କରିବ । ଆଗାମୀ ଶନିବାର ଏବଂ ରବିବାର 2ଦିନ ଛୁଟିଦିନ ଥିବାରୁ ଫିଲ୍ମର ଅଧିକ ଆୟ କରିବ ବୋଲି ଆଶା ରଖିଛନ୍ତି ନିର୍ମାତା ।
କାର୍ତ୍ତିକ ଆର୍ଯ୍ୟନ୍ 'ସତ୍ୟପ୍ରେମ କି କଥା'ରେ ସତ୍ୟପ୍ରେମ ଅଗ୍ରୱାଲ ଭୂମିକାରେ ଅଭିନୟ କରିଛନ୍ତି । ଏଥି ସହିତ କିଆରା ଆଡଭାନୀ ଏହି ଫିଲ୍ମରେ କଥା କପାଡିଆ ଭୂମିକାରେ ଅଭିନୟ କରିଛନ୍ତି । ଏହି ଚଳଚ୍ଚିତ୍ର ସତ୍ୟପ୍ରେମ ଏବଂ କଥାର ଅନନ୍ୟ ପ୍ରେମ କାହାଣୀ ଉପରେ ଆଧାରିତ । ନିର୍ଦ୍ଦେଶକ ସମୀର ବିଦ୍ବାନ୍ସ ଏହି ଫିଲ୍ମର ନିର୍ଦ୍ଦେଶନା ଦେଇଥିବା ବେଳେ ଫିଲ୍ମର ନିର୍ମାତାତ ହେଉଛନ୍ତି ସାଜିଦ ନାଦିଆୱାଲା । କାର୍ତ୍ତିକ ଏବଂ କିଆରା ବ୍ୟତୀତ ଏହି ଫିଲ୍ମରେ ରାଜପାଲ ଯାଦବ, ଗଜରାଜ ରାଓ, ସୁପ୍ରିୟା ପାଠକ୍, ଅନୁରାଧା ପଟେଲ, ଶିଖା ତସ୍ଲାନିଆଙ୍କ ସମେତ ବହୁ ଅଭିନେତା ମୁଖ୍ୟ ଭୂମିକାରେ ନଜର ଆସିଛନ୍ତି । ଫିଲ୍ମର ନସିବ ସେ, ଆଜ କେ ବାଦ, ପାସୁରୀ ନୁ ଏବଂ ଗୁଜ୍ଜୁ ପଟାକା ଭଳି ଗୀତକୁ ବେଶ ପସନ୍ଦ କରିଛନ୍ତି ଲୋକେ ।
