ହାଇଦ୍ରାବାଦ: ବଲିଉଡର 'ଚକାଚକ ଗର୍ଲ' ସାରା ଅଲି ଖାନ ତାଙ୍କର ନୂଆ ଚଳଚ୍ଚିତ୍ର 'ମେଟ୍ରୋ ଇନ୍ ଦିନୋ' (Metro In Dino) ଘୋଷଣା କରିଛନ୍ତି । ଏହି ଚଳଚ୍ଚିତ୍ର ସହିତ ଜଡିତ ହୋଇ ସାରା ଅଲି ଖାନ ବହୁତ ଖୁସି ଅନୁଭବ କରୁଛନ୍ତି । ଫିଲ୍ମର ସୁଟିଂ ଖୁବ ଶୀଘ୍ର ଆରମ୍ଭ ହେବ ବୋଲି ସାରା କହିଛନ୍ତି । ସାରା ଅଲି ଖାନ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ପ୍ରଶଂସକଙ୍କୁ ଏହି ଖୁସି ଖବର ଦେଇଛନ୍ତି । ଉଲ୍ଲେଖଯୋଗ୍ୟ, ସାରା ଅଲି ଖାନଙ୍କୁ ଅକ୍ଷୟ କୁମାର ଏବଂ ଦକ୍ଷିଣ ଅଭିନେତା ଧନୁଷଙ୍କ ସହ ଫିଲ୍ମ 'ଅତରଙ୍ଗି ରେ'ରେ ଶେଷ ଥର ପାଇଁ ଦେଖିବାକୁ ମିଳିଥିଲା । ଗତ ବର୍ଷ ଏହି ଚଳଚ୍ଚିତ୍ର ମୁକ୍ତିଲାଭ କରିଥିଲା । ସେବେଠାରୁ ସାରାଙ୍କୁ କୌଣସି ଫିଲ୍ମରେ ଦେଖିବାକୁ ମିଳି ନଥିଲା ।
'ମେଟ୍ରୋ ଇନ୍ ଦିନୋ'ଫିଲ୍ମର ଷ୍ଟାରକାଷ୍ଟ
ସାରା ଅଲି ଖାନ ତାଙ୍କ ପୋଷ୍ଟରେ ଫିଲ୍ମ ସହ ଜଡିତ ସମସ୍ତ କଳାକାରଙ୍କ ନାମ ମଧ୍ୟ ସେୟାର କରିଛନ୍ତି । ଆଗାମୀ ଚଳଚ୍ଚିତ୍ର 'ମେଟ୍ରୋ ଇନ୍ ଦିନୋ'ରେ ସାରା ଅଲି ଖାନଙ୍କ ବ୍ୟତୀତ ଅନୁପମ ଖେର, ନୀନା ଗୁପ୍ତା, ପଙ୍କଜ ତ୍ରିପାଠୀ, କୋଙ୍କଣା ସେନ, ଅଲି ଫୈଜଲ ଏବଂ ଫତିମା ସନା ଶେଖ ପ୍ରମୁଖ ଭୂମିକାରେ ନଜର ଆସିବେ । ସାରା ଏହି ପୋଷ୍ଟର କ୍ୟାପସନ୍ ଦେଇଛନ୍ତି, '#MetroInDino ର ଏକ ଅଂଶ ହୋଇଥିବାରୁ ଉତ୍ସାହିତ ଏବଂ କୃତଜ୍ଞ' ।