ହାଇଦ୍ରାବାଦ:ସାଉଥ ସିନେମାର ସୁପରହିଟ୍ ଅଭିନେତ୍ରୀ ସାମନ୍ଥା ରୁଥ ପ୍ରଭୁଙ୍କ ଆଗାମୀ ଚଳଚ୍ଚିତ୍ର 'ଯଶୋଦା'ର ଟ୍ରେଲର ମୁକ୍ତିଲାଭ କରିଛି । ଅଭିନେତ୍ରୀଙ୍କ ଏହି ଚଳଚ୍ଚିତ୍ର ଦୀର୍ଘ ସମୟ ଧରି ଚର୍ଚ୍ଚାରେ ଥିଲା । ଟ୍ରେଲର ପୂର୍ବରୁ ଫିଲ୍ମର ଅନେକ ପୋଷ୍ଟର ଏବଂ ଟିଜର ମୁକ୍ତିଲାଭ କରିଥିଲା । ଏହି ସମୟରେ, ବର୍ତ୍ତମାନ ଏହି ଚଳଚ୍ଚିତ୍ରର ଶାନଜାର ଟ୍ରେଲର ମୁକ୍ତିଲାଭ କରିଛି । 'ଯଶୋଦା'ର ଟ୍ରେଲର 5ଟି ଭାଷାରେ ମୁକ୍ତିଲାଭ କରିଛି ଯାହା ଦେଖିବା ପରେ ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି ।
2.21 ମିନିଟର ଟ୍ରେଲରରେ ସାମନ୍ଥା ପୁଣିଥରେ ତାଙ୍କର ଅଭିନୟ ଦକ୍ଷତା ପ୍ରମାଣ କରିଛନ୍ତି । ଟ୍ରେଲରରେ ସାମନ୍ଥା ଜଣେ ଗର୍ଭବତୀ ମହିଳାଙ୍କ ଭୂମିକାରେ ଫୁଲ୍ ଅଫ୍ ଆକ୍ସନରେ ନଜର ଆସିଛନ୍ତି । ଡାକ୍ତର ତାଙ୍କୁ କହିଥିଲେ କି ସେ 3 ମାସ ଗର୍ଭବତୀ ଅଛନ୍ତି, କିନ୍ତୁ ଏହାରି ମଧ୍ୟରେ ସାମନ୍ଥାଙ୍କୁ ମଝିରେ ମଝିରେ ଅନେକ କଥା ମନେ ପଡିବା ଆରମ୍ଭ କରେ । ଅଭିନେତ୍ରୀଙ୍କୁ ଲାଗୁଛି କି, କେହି ତାଙ୍କୁ ଫଲୋ କରୁଛନ୍ତି । ଏଥିରେ କୌଣସି ସନ୍ଦେହ ନାହିଁ ଯେ, ଯଶୋଦାର ଟ୍ରେଲର ସସପେନ୍ସରେ ପରିପୂର୍ଣ୍ଣ । ଟ୍ରେଲର ଦେଖିବା ପରେ ଦର୍ଶକ ସାମନ୍ଥା ରୁଥ ପ୍ରଭୁଙ୍କର ପ୍ରଶଂସା କରୁଛନ୍ତି । ଏହା ସହିତ ପ୍ରଶଂସକମାନେ ଏହି ଚଳଚ୍ଚିତ୍ରକୁ ଥିଏଟରରେ ଦେଖିବାକୁ ଉତ୍ସାହର ସହିତ ଅପେକ୍ଷା କରିଛନ୍ତି ।