ହାଇଦ୍ରାବାଦ:ସାଉଥ ଲୋକପ୍ରିୟ ଅଭିନେତ୍ରୀ ସାମନ୍ଥା ରୁଥ ପ୍ରଭୁ ନିକଟରେ ଏକ ଅଳଙ୍କାର ବ୍ରାଣ୍ଡର ପ୍ରମୋସନ ପାଇଁ ଦୁବାଇରେ ଏକ କାର୍ଯ୍ୟକ୍ରମରେ ଯୋଗ ଦେଇଥିଲେ । ଏହି ଇଭେଣ୍ଟରେ ସାମନ୍ଥା ପାରମ୍ପରିକ ଲୁକରେ ନଜର ଆସିଥିବା ବେଳେ ସୋସିଆଲ ମିଡିଆରେ ତାଙ୍କର ଫଟୋ ବେଶ ଭାଇରାଲ ହେବାରେ ଲାଗିଛି । ତେବେ ଏହି ସମୟରେ ସାମନ୍ଥାଙ୍କ ପୂର୍ବତନ ସ୍ୱାମୀ ନାଗା ଚୈତନ୍ୟଙ୍କ ଲାଟେଷ୍ଟ ସୋସିଆଲ ମିଡିଆ ପୋଷ୍ଟ ଏବେ ଚର୍ଚ୍ଚାର ବିଷୟ ପାଲଟିଛି । ପୋଷ୍ଟରୁ ଉଭୟ ମଧ୍ୟରେ ପ୍ୟାଚଅପ୍ ହୋଇଥିବା ନେଇ ଆଲୋଚନା ହେଉଛି ।
ଦୁବାଇ ଇଭେଣ୍ଟରେ ସାମନ୍ଥାଙ୍କ ଅନେକ ଭିଡିଓ ଏବଂ ଫଟୋ ଭାଇରାଲ ହେଉଛି । ପ୍ରମୋସନାଲ୍ ଇଭେଣ୍ଟ ପାଇଁ ସାମନ୍ଥା ଏକ ପିଙ୍କ ରଙ୍ଗର ଶାଢୀରେ ପାରମ୍ପରିକ ଲୁକରେ ନଜର ଆସିଥିବା ବେଳେ ନିଜ ଲାଟେଷ୍ଟ ଲୁକର ଫଟୋ ଅଭିନେତ୍ରୀ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି । ଏଥିସହ ଏହି ଇଭେଣ୍ଟରୁ ଭାଇରାଲ୍ ଏକ ଭିଡିଓରେ ସାମନ୍ଥା ତାଙ୍କ ପ୍ରଶଂସକଙ୍କୁ ସମ୍ବୋଧିତ କରୁଥିବା ମଧ୍ୟ ଦେଖିବାକୁ ମିଳିଛି । ସେ କହିଛନ୍ତି, ଏକ ଦଶନ୍ଧିରୁ ଅଧିକ ସମୟ ଧରି ଦେଇଥିବା ସମର୍ଥନ ଏବଂ ଭଲପାଇବା ପାଇଁ ଫ୍ୟାନ୍ସଙ୍କୁ ସେ ଧନ୍ୟବାଦ ଜଣାଇଛନ୍ତି ।
ଅନ୍ୟପଟେ, ନାଗା ଚୈତନ୍ୟଙ୍କ ଇନଷ୍ଟାଗ୍ରାମରେ ଏକ ପେଷ୍ଟ ସେୟାର କରିଛନ୍ତି । ଯେଉଁଥିରେ ସେ ସାମନ୍ଥାଙ୍କ କୁକୁର ହଶଙ୍କୁ ଦେଖିବାକୁ ମିଳିଛି । ଏହି ପୋଷ୍ଟ ସେୟାର କରି ନାଗା ଲେଖିଛନ୍ତି, ଭାଇବ୍ । ତେବେ ପୋଷ୍ଟରୁ ନାଗା ହଶଙ୍କ ସହ ସମୟ ଅତିବାହିତ କରୁଥିବା ଜଣାପଡିଛି । ଏହି ପୋଷ୍ଟକୁ ଦେଖି ଫ୍ୟାନ୍ସ ଉଭୟ ମଧ୍ୟରେ ପୁଣି ପ୍ୟାଚଅପ୍ ହୋଇଥିବା ନେଇ ଅନୁମାନ କରିଛନ୍ତି । ଏହାକୁ ଲାଇକ କରିବା ସହ ପ୍ରତିକ୍ରିୟା ଦେଇଛନ୍ତି । ଜଣେ ଫ୍ୟାନ୍ସ ପ୍ରତିକ୍ରିୟା ଦେଇ ଲେଖିଛନ୍ତି, ତୁମେ ସାମନ୍ଥାଙ୍କ ସହ ପ୍ୟାଚଅପ୍ କରିଦେଲ କି? ଆଉ ଜଣେ ଲେଖିଛନ୍ତି, ପ୍ୟାଚଅପ୍ ।
ଏହା ମଧ୍ୟ ପଢନ୍ତୁ:ସାମନ୍ଥାଙ୍କୁ ନେଇ ପରୋକ୍ଷରେ ପ୍ରତିକ୍ରିୟା: ଜୀବନରେ କେବେ ଅନୁତାପ କରିନି, ସବୁବେଳେ ଶିଖିଛି : ନାଗା
ସୂଚନା ଥାଉ କି, ସାମନ୍ଥା ଏବଂ ନାଗା ଚୈତନ୍ୟ 2021ରେ ଅଲଗା ହୋଇଥିଲେ । ଏହା ଉଭୟଙ୍କ ଫ୍ୟାନ୍ସଙ୍କୁ ଚକିତ କରିଥିଲା । ସାମନ୍ଥା ଏବଂ ନାଗା ପ୍ରଥମ ଥର ପାଇଁ 2010ରେ ଗୌତମ ମେନନଙ୍କ ୟେ ମାୟା ଚେସାଭଙ୍କ ସେଟରେ ସାକ୍ଷାତ ହୋଇଥିଲେ। ଯାହା ପରେ ଦୁହେଁ ପ୍ରେମରେ ପଡ଼ି ଅକ୍ଟୋବର 2017ରେ ବିବାହ କରିଥିଲେ । କିନ୍ତୁ 4 ବର୍ଷ ପରେ ଏହି କପଲ ଛାଡପତ୍ର ହୋଇଥିଲେ। ସେପଟେ ନାଗା ଚୈତନ୍ୟଙ୍କ ଶୋଭିତା ଧୁଲିପାଲାଙ୍କ ସହ ଡେଟିଂ ନେଇ ରୁମର ଚର୍ଚ୍ଚା ବି ଜୋର ଧରିଛି । କିନ୍ତୁ ଦୁଇଜଣ ଏନେଇ କୌଣସି ପ୍ରତିକ୍ରିୟା ଦେଇନାହାନ୍ତି ।
