ମୁମ୍ବାଇ: 'ବଲିଉଡର ପଙ୍ଗା କୁଇନ୍' କଙ୍ଗନା ରଣାୱତଙ୍କ ଆଗାମୀ ଚଳଚ୍ଚିତ୍ର 'ଧାକଡ'ର ଟ୍ରେଲର ଭାଇଜାନ ସଲମାନ ଖାନ ସେୟାର କରିଛନ୍ତି। କେବଳ ଏତିକି ନୁହେଁ, ଏହି ଟ୍ରେଲର ସେୟାର କରିବାବେଳେ 'ବଜରଙ୍ଗୀ ଭାଇଜାନ' ତାଙ୍କୁ ଏବଂ ତାଙ୍କ ପୁରା ଦଳକୁ ଅଭିନନ୍ଦନ ଜଣାଇଛନ୍ତି। ଏଥିସହିତ କଙ୍ଗନା ସଲମାନ ଖାନଙ୍କୁ ଏକ ଖାସ ଅନ୍ଦାଜରେ 'ଧନ୍ୟବାଦ' କହିଛନ୍ତି । ତେବେ ସଲମାନ ଖାନ ଏହି ଟ୍ରେଲର ସେୟାର କରିବା ଗୋଟିଏ ପଟେ କଙ୍ଗନା ପାଇଁ ବହୁତ ଲାଭଦାୟକ ହୋଇପାରେ ।
ଉଲ୍ଲେଖନୀୟ ଯେ, ମେଗାଷ୍ଟାର ଅମିତାଭ ବଚ୍ଚନ ଟ୍ୱିଟରରେ 'ଧାକଡ'ର ଟ୍ରେଲରକୁ ସେୟାର କରି କିଛି ସମୟ ପରେ ଏହାକୁ ଡିଲିଟ କରିଥିଲେ। ଏହାପରେ ସୋସିଆଲ ମିଡିଆରେ କଙ୍ଗନାଙ୍କ ପ୍ରତିକ୍ରିୟା ସାମ୍ନାକୁ ଆସିଥିଲା ।