ହାଇଦ୍ରାବାଦ: ସଲମାନ ଖାନ ଏବଂ କ୍ୟାଟ୍ରିନା କୈଫଙ୍କ ବହୁ ପ୍ରତୀକ୍ଷିତ ସ୍ପାଇ ଥ୍ରୀଲର ଫିଲ୍ମ 'ଟାଇଗର ୩' ଆଜି ବଡ ପରଦାରେ ମୁକ୍ତିଲାଭ କରିଛି । ଭାଇଜାନଙ୍କ ଫିଲ୍ମକୁ ନେଇ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଥିବା ବେଳେ ଦିୱାଲୀର ଏହି ବିଶେଷ ଉତ୍ସବରେ ଏହି ଫିଲ୍ମ ମୁକ୍ତିଲାଭ କରିଛି । ବର୍ତ୍ତମାନ ଯେଉଁମାନେ ଫିଲ୍ମ ଦେଖିଛନ୍ତି ସେମାନେ ନିଜର ପ୍ରତିକ୍ରିୟା ଦେଉଛନ୍ତି ଏବଂ ଟ୍ୱିଟର (ଏକ୍ସ) ରେ 'ଟାଇଗର ୩'ର ସମୀକ୍ଷା ସେୟାର କରିଛନ୍ତି । କିଛି ଦର୍ଶକ ଏହି ଫିଲ୍ମକୁ ପ୍ରଶଂସା କରୁଥିବା ବେଳେ କିଛି ଲୋକ ଏହାକୁ ଶାହାରୁଖ ଖାନଙ୍କ ଜବାନ ସହ ତୁଳନା କରୁଛନ୍ତି ।
ଜଣେ ୟୁଜର୍ସ 'ଟାଇଗର ୩' ଦେଖିବା ପରେ ଟ୍ୱିଟର(ଏକ୍ସ)ରେ ନିଜର ମତାମତ ଦେଇଛନ୍ତି । ସେ ଲେଖିଛନ୍ତି, ସଲମାନ ଖାନ ଏବଂ ବିଶେଷକରି କ୍ୟାଟ୍ରିନା କୈଫଙ୍କ ଅବିଶ୍ୱସନୀୟ ଅଭିନୟ ଏବଂ ଆକ୍ସନ ସହ ଟାଇଗର ୩' ହେଉଛି ଶ୍ରେଷ୍ଠ ଆକ୍ସନ୍ ଫିଲ୍ମ । ଟାଇଗର ୩ ପାଇଁ ମୋର ମୂଲ୍ୟାୟନ 5/5 । ଅନ୍ୟ ଜଣେ ବ୍ୟକ୍ତି ଲେଖିଛନ୍ତି, 'ଟାଇଗର ୩' ସ୍ପାଇ ୟୁନିଭର୍ସର ତଥା ସମଗ୍ର ବଲିଉଡର ଶ୍ରେଷ୍ଠ ଆକ୍ସନ୍ ଫିଲ୍ମ । ଦମଦାର ଆକ୍ସନ ସହ ଏପରି ଏକ ଜବରଦସ୍ତ କାହାଣୀ ଯାହା ଆପଣଙ୍କ ହୃଦୟକୁ ସ୍ପର୍ଶ କରିବ । ଫିଲ୍ମର ପ୍ରତ୍ୟେକ ଦୃଶ୍ୟ ଦେଖି କରତାଳି ଦେବାକୁ ଇଚ୍ଛା ହେଉଛି ।'
ସେହିପରି ଆଉ ଜଣେ ଲେଖିଛନ୍ତି- 'ସଲମାନ ଖାନଙ୍କୁ ଏହି ରୂପରେ ଦେଖାଇଥିବାରୁ ମନୀଷ ଶର୍ମାଙ୍କୁ ଧନ୍ୟବାଦ । ଇମ୍ରାନ୍ ହାଶମୀ ବାପ୍ ରେ ବାପ୍, ସେ କି ଖଳନାୟକ ଭୂମିକା ଗ୍ରହଣ କରିଛନ୍ତି, ଏହା ଦେଖିବାକୁ ବେଶ ମଜା ଲାଗିଲା । ଶେଷରେ ମୁଁ କହିବି ଯେ ଟାଇଗର ନିଶ୍ଚିତ ଭାବରେ 3 ହଜାର କୋଟି ଟଙ୍କା ବ୍ୟବସାୟ କରିବ । ଅନ୍ୟ ଜଣେ ଲେଖିଛନ୍ତି - 'ଟାଇଗର ୩' ରେ ଭିନ୍ନ ସ୍ବାଗ୍ ସହ ଚମତ୍କାର ଆକ୍ସନ୍, ଦିୱାଲୀରେ ସଲମାନଙ୍କ ତାଙ୍କ ପ୍ରଶଂସକଙ୍କୁ ଏକ ଚମତ୍କାର ଉପହାର ।'