ମୁମ୍ବାଇ:ଖୁବଶୀଘ୍ର ବାପା ହେବାକୁ ଯାଉଛନ୍ତି ବଲିଉଡ ଅଭିନେତା ବରୁଣ ଧୱନ। ରଣବୀର କପୁର ଏବଂ ଆଲିଆ ଭଟ୍ଟଙ୍କ ପରେ ଏବେ ବରୁଣ ଓ ନତାଶାଙ୍କ ଘରକୁ ଆସିବେ କୁନି ଅତିଥି । ଏନେଇ ଇଶାରା ଦେଇଛନ୍ତି ସଲମାନ ଖାନ୍।
ନିକଟରେ ବିଗ୍ ବସ୍ ସୋ'ରେ ବଲିଉଡ ଅଭିନେତା ବରୁଣ ଧୱନ ଏବଂ କ୍ରିତି ସାନନ୍ ତାଙ୍କର ଅପକମିଂ ଫିଲ୍ମ ‘ଭେଡିଆ’ର ପ୍ରମୋସନ ପାଇଁ ଆସିଥିଲେ । ଏଠାରେ ଏକ ଗେମ ହୋଇଥିଲା । ଏହି ସମୟରେ ବରୁଣ ଖୁବ ଶୀଘ୍ର ବାପା ହେବାକୁ ଯାଉଥିବା ହୋଷ୍ଟ ସଲମାନ ଖାନ କହିଥିଲେ । କିନ୍ତୁ ଏହାକୁ ସଲମାନ ହସ ମଜାରେ କହିଥିଲେ । କିନ୍ତୁ ପ୍ରଶଂସକମାନେ ଏହି ଖବର ଶୁଣି ବେଶ୍ ଉତ୍ସାହିତ ଅଛନ୍ତି ।
ଓ୍ଵିକେଣ୍ଡ ବାରେ ବଲିଉଡ ଷ୍ଟୋର ବରୁଣ ଧଓ୍ଵନ ଏବଂ କ୍ରିତି ସାନନ ଫିଲ୍ମ ‘ଭେଡିୟା’ର ପ୍ରମୋସନ କରିବା ପାଇଁ ଆସିଥିଲେ। ଏହି ସମୟରେ ବରୁଣ ଏବଂ କ୍ରିତି ସଲମାନଙ୍କ ସହିତ ମସ୍ତି କରିବା ସହିତ ଗେମ୍ ଖେଳିଥିଲେ। ଏହି ସମୟରେ ସଲମାନ ବରୁଣଙ୍କ ହାତରେ ଏକ ଖେଳନା ଦେଇ ଧରିବା ପାଇଁ କହିଥିଲେ । ଏହାପରେ ବରୁଣ କହିଥିଲେ, ‘ଭାଇ ଏହାକୁ ନେଇ କ’ଣ କରିବି ’ । ସଲମାନ କହିଥିଲେ, ଏହି ଖେଳନା ନିଜ ପିଲା ପାଇଁ ରଖିଦେବ । ବରୁଣ ହସି କହିଥିଲେ ମୋର ଏବେ ପିଲା ହୋଇନି । ଏହି କଥାରେ ସଲମାନ କହିଛନ୍ତି, ହୋଇନି ଖୁବଶୀଘ୍ର ହେବ । ଯେତେବେଳେ ଆସିବ, ସେତେବେଳେ ଖେଳିବ। ଏହା ଶୁଣିବା ପରେ ବରୁଣ ହସିବାକୁ ଲାଗିଛନ୍ତି । ତେବେ ସଲମାନଙ୍କ ଏପରି କଥାରେ ଆଉ ବରୁଣଙ୍କ ପ୍ରତିକ୍ରିୟା ଦେଖି ଫ୍ୟାନ୍ସ ଭାବୁଛନ୍ତି, ହୁଏତ ଖୁବଶୀଘ୍ର ବରୁଣ ବାପା ହେବାକୁ ଯାଉଛନ୍ତି।
୨୦୨୧ରେ ବରୁଣ ଧୱନ ଏବଂ ନତାଶା ଦଲାଲ ବିବାହ କରିଥିଲେ। ରଣବୀର କପୁର କରଣ ସିଂ ଗ୍ରୋଭର ପରେ ବରୁଣ ମଧ୍ୟ ବାପା ହେବାକୁ ଯାଉଥିବା ଶୁଣିବାକୁ ମିଳିଥିଲା। କିନ୍ତୁ ଏହା ଏକ ଗୁଜବ ବୋଲି ଜଣାପଡିଛି।
