ମୁମ୍ବାଇ: ଆଜିକାଲି ସଲମାନ ଖାନ ନିଜ ବାଲ୍ଡ ଲୁକ ପାଇଁ ଚର୍ଚ୍ଚାରେ ରହିଛନ୍ତି । ବର୍ତ୍ତମାନ ଭାଇଜାନଙ୍କ ଆଉ ଏକ ନୂଆ ଲୁକର ଫଟୋ ଭାଇରାଲ ହେବାରେ ଲାଗିଛି । ଯେଉଁଥିରେ ଅଭିନେତା ମରାଠୀ ପାରମ୍ପରିକ ଲୁକରେ ଦେଖିବାକୁ ମିଳିଛି। ଏହା 'ବିଗ୍ ବସ୍ 17' ପ୍ରମୋ ସୁଟ୍ ପୂର୍ବରୁ ଭାଇଜାନଙ୍କ ନୂଆ ଲୁକ୍ ବୋଲି କୁହାଯାଉଛି ।
ରିଆଲିଟି ଟିଭି ଶୋ' 'ବିଗ୍ ବସ୍ 17'ରେ ନଜର ଆସିବେ ସଲମାନ । ଯାହାର ସୁଟିଂରେ ବର୍ତ୍ତମାନ ବ୍ୟସ୍ତ ଅଛନ୍ତି ସଲମାନ ଖାନ । ଏହି ସମୟରେ ସେଟ୍ରୁ ଭାଇରାଲ ଫଟୋରେ ଅଭିନେତା ମରାଠୀ ପାରମ୍ପରିକ ଲୁକ୍ରେ ନଜର ଆସିଛନ୍ତି । ଶୋ’ର ପ୍ରମୋ ପାଇଁ ଭାଇଜାନ 'ଭାଉ'ର ଲୁକ୍ ଆପଣାଇଥିବା କୁହାଯାଉଛି । ଫଟୋରେ ସଲମାନଙ୍କୁ ଓରେଞ୍ଜ୍ ରଙ୍ଗର କୁର୍ତ୍ତା-ପାଇଜାମା ସହ କ୍ରିମ ରଙ୍ଗର ଜ୍ୟାକେଟ ଏବଂ ଟୋପି ପିନ୍ଧିଥିବା ବେଳେ ସେ ବହୁତ ସୁନ୍ଦର ଦେଖା ଯାଉଛନ୍ତି । ଅଭିନେତାଙ୍କ ଏହି ନୂଆ ଲୁକ୍ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।
ସୋସିଆଲ ମିଡିଆରେ ସଲମାନ ଖାନ୍ଙ୍କ ଭାଇରାଲ ଫଟୋକୁ ପ୍ରଶଂସକମାନେ ପସନ୍ଦ କରୁଛନ୍ତି । ସୁପରଷ୍ଟାରଙ୍କ ଫଟୋ ସେୟାର କରି ଜଣେ ପ୍ରଶଂସକ ଲେଖିଛନ୍ତି, 'ଲାଗୁଛି କିଛି ବଡ଼ ଘଟଣା ଘଟିବାକୁ ଯାଉଛି ।' ଅନ୍ୟ ଜଣେ ପ୍ରଶଂସକ ଲେଖିଛନ୍ତି, 'ସଲମାନ ଖାନଙ୍କ ସର୍ବଶ୍ରେଷ୍ଠ ମରାଠୀ ପାରମ୍ପରିକ ଲୁକ୍।' ଆଉ ଜଣେ ଲେଖିଛନ୍ତି, ଆଉ ଏକ ଫିଲ୍ମ ପାଇଁ ନୂଆ ଲୁକ। ଅନ୍ୟ ପ୍ରଶଂସକମାନେ ମଧ୍ୟ ସଲମାନଙ୍କ ନୂଆ ଲୁକକୁ ପ୍ରଶଂସା କରିଛନ୍ତି।
ଏହା ମଧ୍ୟ ପଢନ୍ତୁ:ଡବିଂ ଷ୍ଟୁଡିଓରେ ନଜର ଆସିଲେ ସଲମାନ ଖାନ, ବାଲ୍ଡ ଲୁକରେ ଭାଇଜାନଙ୍କୁ ଦେଖି ଫ୍ୟାନ୍ସ କହିଲେ ଏମିତି