ହାଇଦ୍ରାବାଦ: କେଜିଏଫ୍ର ଦମଦାର ସଫଳତା ପରେ ବର୍ତ୍ତମାନ 'ସାଲାର' ସହ କମବ୍ୟାକ୍ କରିଛନ୍ତି ନିର୍ଦ୍ଦେଶକ ପ୍ରଶାନ୍ତ ନୀଲ । ଏହି ଫିଲ୍ମରେ ସାଉଥ୍ ସୁପରଷ୍ଟାର ପ୍ରଭାସ ଏବଂ ପୃଥ୍ବୀରାଜ ସୁକୁମାରନ ନଜର ଆସିଥିବା ବେଳେ ଫିଲ୍ମକୁ ନେଇ ଫ୍ୟାନ୍ସଙ୍କ ମଧ୍ୟରେ ଜବରଦସ୍ତ କ୍ରେଜ୍ ଦେଖିବାକୁ ମିଳିଛି । ତେବେ ଆଜି ଏହି ଫିଲ୍ମ ମୁକ୍ତିଲାଭ କରିଥିବା ବେଳେ ପ୍ରଥମ ଦିନ ପାଇଁ ଫିଲ୍ମର ଆଡଭାନ୍ସ ବୁକିଂ ଏବଂ ରିଭ୍ୟୁ ନେଇ ବର୍ତ୍ତମାନ ଫିଲ୍ମ ଦମଦାର ଓପନିଂ କରିବ ବୋଲି କୁହାଯାଉଛି । ପ୍ରଥମ ଦିନରେ ଫିଲ୍ମ ପ୍ରାୟ ୧୦୦କୋଟି ଆୟ କରିପାରେ ବୋଲି ଅନୁମାନ କରାଯାଉଛି ।
ଇଣ୍ଡଷ୍ଟ୍ରି ଟ୍ରାକର ସାକ୍ନିକ୍ଙ୍କ ରିପୋର୍ଟ ଅନୁଯାୟୀ, ପ୍ରଥମ ଦିନ ପାଇଁ ଦମଦାର ଟିକେଟ୍ ବୁକ୍ କରିଛି ଫିଲ୍ମ । ସମସ୍ତ ଭାଷାରେ ୨୨ଲକ୍ଷ ୩୮ହଜାର ୩୪୬ ଟିକେଟ ବୁକ କରିସାରିଥିବା ବେଳେ ମୋଟ ୪୮.୯୪ କୋଟି ଆୟ କରିସାରିଲାଣି । ଫିଲ୍ମ ରିଲିଜ ପୂର୍ବରୁ ହିଁ ୫୦ କୋଟି ପାଖାପାଖି ଆୟ କରିଥିବା ବେଳେ ଓପନିଂ ଡେରେ ବମ୍ପର କଲେକ୍ସନ କରିବ ବୋଲି କୁହାଯାଉଛି । ସେପଟେ ପ୍ରଭାସଙ୍କ କ୍ରେଜ ବି ରହିଥିବା ବେଳେ ଫିଲ୍ମ ପ୍ରଥମ ଦିନରେ ୧୦୦କୋଟିରୁ ଅଧିକ ଆୟ କରି ଅନେକ ଫିଲ୍ମର ରେକର୍ଡ ଭାଙ୍ଗିବ ବୋଲି ଅନୁମାନ କରାଯାଉଛି । ଆନ୍ଧ୍ରପ୍ରଦେଶ ଏବଂ ତେଲେଙ୍ଗାନାର ତେଲୁଗୁ ରାଜ୍ୟଗୁଡ଼ିକ ଏଥିରେ ଉଲ୍ଲେଖନୀୟ ଯୋଗଦାନ ଦେବ ବୋଲି ଆଶା କରାଯାଉଥିବା ବେଳେ ପ୍ରାୟ ୭୦କୋଟି ଆୟ କରିପାରେ ।