ମୁମ୍ବାଇ:ଅଜୟ ଦେବଗନ୍, ଅକ୍ଷୟ କୁମାର ଏବଂ ରଜନୀକାନ୍ତଙ୍କ ପରେ ବର୍ତ୍ତମାନ ଅଭିନେତା ରଣବୀର ସିଂଙ୍କୁ ବିଅର ଗ୍ରୀଲ୍ସ (Bear Grylls) ଇଣ୍ଟରାକ୍ଟିଭ୍ ଆଡଭେଞ୍ଚର୍ ସୋ’ରେ ଦେଖିବାକୁ ମିଳିବ । ସୋ’ର ରୋମାଞ୍ଚକାରୀ ଟିଜର ରିଲିଜ୍ ହୋଇଛି। ଯେଉଁଥିରେ ରଣବୀର ଜଙ୍ଗଲରେ ମଙ୍ଗଲ କରୁଥିବା ନଜର ଆସିଛନ୍ତି । ଏହି ଟିଜରରେ ରଣବୀର କେତେବେଳେ ପର୍ବତ ଉପରକୁ ଚଢିଥିବାର ଦେଖାଯାଏ ତ କେତେବେଳେ ଜଙ୍ଗଲରେ ନାଚି ନାଚି ଦୌଡୁଥିବାର ଦେଖାଯାଏ, କାରଣ ଏକ ବଣୁଆ ଭାଲୁ ତାଙ୍କ ପିଛା ଛାଡୁନି। ଟିଜର ସହିତ ରଣବୀର ଏହାର ରିଲିଜ୍ ତାରିଖ ଘୋଷଣା କରିଛନ୍ତି।
ରଣବୀର ଏହି ସୋ’ର ଟିଜରକୁ ତାଙ୍କ ସୋସିଆଲ ହ୍ୟାଣ୍ଡେଲରେ ସେୟାର କରି କ୍ୟାପସନରେ ଲେଖିଛନ୍ତି - “ଜଙ୍ଗଲରେ ମଙ୍ଗଲ” ମୁଁ Ranveer vs wild with bear grylls, ରୋମାଞ୍ଚରେ ଭରପୂର ଏକ ଇଣ୍ଟରାକ୍ଟିଭ୍ ସ୍ପେଶାଲ ସୋ' ନେଟଫ୍ଲିକ୍ସ ( Netflix )ରେ ଖୁବ ଶୀଘ୍ର ଆସୁଅଛି । ରଣବୀରଙ୍କ ଆଡଭେଞ୍ଚର୍ ସୋ’ Ranveer vs wild with bear grylls ଆସନ୍ତା ମାସରେ ଜୁଲାଇ 8 ରେ ନେଟଫ୍ଲିକ୍ସରେ ମୁକ୍ତିଲାଭ କରିବ।