ମୁମ୍ବାଇ: 2ଟି ଭିଡିଓ ପାଇଁ ଏବେ ବେଶ ଚର୍ଚ୍ଚାରେ ରହିଛନ୍ତି ବଲିଉଡ ଅଭିନେତା ରଣଭୀର ସିଂ । ନିକଟରେ ରଣଭୀର ଏକ ଇଭେଣ୍ଟରେ ଯୋଗ ଦେଇଥିଲେ । ଏହି ଇଭେଣ୍ଟରେ ରଣଭୀର ସିଂ ଏପରି ଦୁଇଟି କାର୍ଯ୍ୟ କରିଥିଲେ । ଯାହାର ଭିଡିଓ ଏବେ ଭାଇରାଲ ହେବା ସହ ରାତାରାତି ତାଙ୍କୁ ଲାଇମଲାଇଟରେ ଆଣିଛି । ଏହି ଭିଡିଓ ଭାଇରାଲ ପରେ ରଣଭୀର ସିଂଙ୍କୁ କଡ଼ା ସମାଲୋଚନା କରାଯାଉଥିବା ବେଳେ ଅନେକ ଫ୍ୟାନ୍ସ ମଜାଳିଆ ଢଙ୍ଗରେ ପ୍ରତିକ୍ରିୟା ଦେଇଛନ୍ତି ।
ଏକ ସେଲୁନର ଉଦଘାଟନୀ କାର୍ଯ୍ୟକ୍ରମରେ ଅଭିନେତା ରଣଭୀର ସିଂଙ୍କ ସମେତ ଅନେକ ତାରକା ନଜର ଆସିଥିଲେ । ଏଥିସହ ବଲିଉଡ ଅଭିନେତ୍ରୀ ଶ୍ରଦ୍ଧା କପୁରଙ୍କ ପୂର୍ବତନ ପ୍ରେମିକ ତଥା ପ୍ରସିଦ୍ଧ ଫଟୋଗ୍ରାଫର ରୋହନ ଶ୍ରେଷ୍ଟା ମଧ୍ୟ ସେଠାରେ ସାମିଲ ହୋଇଥିଲେ । ଏହି ସମୟର ରଣଭୀର ସିଂଙ୍କ 2ଟି ଭିଡିଓ ବେଶ ଭାଇରାଲ ହେବାରେ ଲାଗିଛି ।
କାର୍ଯ୍ୟକ୍ରମରେ ଯେତେବେଳେ ଶ୍ରଦ୍ଧାଙ୍କ ପୂର୍ବତନ ପ୍ରେମିକ ରୋହନ ମଞ୍ଚରେ ପାପାରାଜି ପାଇଁ ପୋଜ୍ ଦେଉଥିଲେ । ସେତେବେଳେ ରଣଭୀର ସିଂ ଥଟ୍ଟା କରି ତାଙ୍କୁ ମଞ୍ଚ ପଛରୁ କିକ ମାରିଥିବାର ନଜର ଆସିଥିଲେ । ଏଥିସହ ଅଭିନେତା ମଞ୍ଚରୁ ଅଳିଆ ଉଠାଇ ଏକ ଗ୍ଲାସରେ ରଖି ଏହାକୁ ଫେରାଇ ନେଇଥିବାର ନଜର ଆସିଛନ୍ତି । ବର୍ତ୍ତମାନ ଏହି ଉଭୟ ଭିଡିଓ ସୋସିଆଲ ମିଡିଆରେ ଜୋରଦାର ଭାଇରାଲ ହେବାରେ ଲାଗିଛି । ବର୍ତ୍ତମାନ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ପରେ ଫ୍ୟାନ୍ସମାନେ ଅଭିନେତା ବିଷୟରେ ବିଭିନ୍ନ ପ୍ରତିକ୍ରିୟା ଦେଉଛନ୍ତି । ଅନେକ ପ୍ରଶଂସକ ଏହାକୁ ଏକ ମଜାଳିଆ ଢଙ୍ଗରେ ନେଉଥିବାବେଳେ ଅନେକ ରଣଭୀର ସିଂଙ୍କ ଏହି କାର୍ଯ୍ୟକୁ ଶସ୍ତା ବୋଲି କହିଛନ୍ତି ।
ଜଣେ ପ୍ରଶଂସକ ଅଳିଆ ଉଠାଇବା ଭିଡିଓରେ ଲେଖିଛନ୍ତି, 'ଏହା କେଉଁ କଥାର ଢଙ୍ଗ, ବଲିଉଡର ଲୋକମାନେ ସମାଜରେ ସବୁଠାରୁ ଅଧିକ ଅଳିଆ କରୁଛନ୍ତି' । ଅନ୍ୟ ଜଣେ ଲେଖିଛନ୍ତି, ଅତ୍ୟଧିକ ଆକ୍ଟିଙ୍ଗ ପାଇଁ 50 ଟଙ୍କା କାଟି ଦିଅନ୍ତୁ । ଏଥିସହିତ ଅଭିନେତା ରଣଭୀର ସିଂଙ୍କ ଏହି କାର୍ଯ୍ୟକୁ ଫଟୋଗ୍ରାଫରଙ୍କୁ କିକ୍ କରୁଥିବା ଭିଡିଓ ନେଇ କଡ଼ା ସମାଲୋଚନା କରାଯାଉଥିବା ଦେଖିବାକୁ ମିଳିଛି ।
ସୂଚନା ଥାଉ କି, 2010ରେ ବ୍ୟାଣ୍ଡ ବାଜା ବାରାତରୁ ବଲିଉଡ କ୍ୟାରିୟର ଆରମ୍ଭ କରିଥିଲେ ରଣଭୀର । ପରେ ଏନେକ ହିଟ ଫିଲ୍ମ ଦେଇ ସଫଳ ଅଭିନେତା ଭାବେ ନିଜ ପରିଚୟ ସୃଷ୍ଟି କରିପାରିଛନ୍ତି ରଣଭୀର । ପରେ 2018 ନଭେମ୍ବର 14ରେ ରଣଭୀର ବଲିଉଡ ମସ୍ତାନୀ ଦୀପିକା ପାଦୁକୋନଙ୍କୁ ବିବାହ କରିଥିଲେ । ତେବେ କରଣ ଜୋହରଙ୍କ ନିର୍ଦ୍ଦେଶିତ ଫିଲ୍ମ 'ରକି ଅର ରାନୀ କି ପ୍ରେମ କାହାନି' ରେ ନଜର ଆସିବାକୁ ଯାଉଛନ୍ତି ରଣଭୀର । ଏହି ଫିଲ୍ମରେ ରଣଭୀରଙ୍କ ବିପକ୍ଷରେ ଅଭିନେତ୍ରୀ ଆଲିଆ ଭଟ୍ଟ ନଜର ଆସିବେ । ରକି ଏବଂ ରାନୀଙ୍କ ପ୍ରେମ କାହାଣୀ ଉପରେ ଆଧାରିତ ଏହି ଫିଲ୍ମ 2023 ଜୁଲାଇ 28ରେ ସିନେମାହଲରେ ରିଲିଜ ହେବ ।
