ମୁମ୍ବାଇ:ସୁପରଷ୍ଟାର ରଣବୀର କପୁରଙ୍କ ଫିଲ୍ମ ‘ଆନିମଲ’ର ଫାଷ୍ଟ ଲୁକ୍ ପୋଷ୍ଟର ରିଲିଜ ହୋଇଯାଇଛି । ନୂଆବର୍ଷରେ ଫିଲ୍ମର ଫାଷ୍ଟ ଲୁକ୍ ପୋଷ୍ଟର ସେୟାର ହେବା ପରେ ସିନେ ପ୍ରେମୀ ଫିଲ୍ମ ଦେଖିବା ପାଇଁ ଏବେଠୁ ଉତ୍ସାହ ବଢିଗଲାଣି । ଆନିମଲ ପୋଷ୍ଟରରେ ରଣବୀର କପୁରଙ୍କ ଭୟଙ୍କର ଓ ଭିନ୍ନ ଲୁକ୍ ଦେଖିବାକୁ ମିଳିଛି ।
ସିନେ ସମୀକ୍ଷକ ତରଣ ଆଦର୍ଶ ଏହାକୁ ନିଜ ଇନଷ୍ଟାଗ୍ରାମ ପେଜରେ ସେୟାର କରିଥିଲେ । ଏହି ପୋଷ୍ଟରରେ ଦେଖିବାକୁ ମିଳିଛି ଯେ ରଣବୀର ହାତରେ ଏକ କୁରାଢୀ, ମୁହଁରେ ସିଗାରେଟ ଏବଂ ରକ୍ତରେ ଜୁଡୁବୁଡୁ ହୋଇଥିବାର ଦେଖିବାକୁ ମିଳିଛି । ଫିଲ୍ମର ଫାଷ୍ଟ ଲୁକ୍ ଦେଖି ଫ୍ୟାନ୍ସମାନେ କହିଛନ୍ତି ଫିଲ୍ମ ଶମଶେରା ଠାରୁ ଏହା ନିଶ୍ଚିନ୍ତ ଭଲ ହେବ। ସୋସିଆଲ ମିଡିଆରେ ଏହାର ପୋଷ୍ଟରକୁ ବହୁତ ପସନ୍ଦ କରାଯାଉଛି ।