ନୂଆଦିଲ୍ଲୀ: ପ୍ରସିଦ୍ଧ ହାସ୍ୟ ଅଭିନେତା ରାଜୁ ଶ୍ରୀବାସ୍ତବଙ୍କ ପ୍ରଶଂସକଙ୍କ ପାଇଁ ଏକ ବଡ଼ ଖବର ଆସିଛି । 15 ଦିନ ହସ୍ପିଟାଲରେ ଭର୍ତ୍ତି ହୋଇଥିବା ରାଜୁଙ୍କର ଶେଷରେ ଚେତା ଫେରିଛି । ବର୍ତ୍ତମାନ ତାଙ୍କ ସ୍ୱାସ୍ଥ୍ୟରେ ଉନ୍ନତି ଆସୁଛି । ରାଜୁଙ୍କ ପର୍ସନାଲ ସେକ୍ରେଟେରୀ କହିଛନ୍ତି ଯେ, ‘ରାଜୁ ଶ୍ରୀବାସ୍ତବଙ୍କର ସକାଳ 8.10 ସମୟରେ ଚେତା ଫେରିଛି । ଏହା ପରେ ଡାକ୍ତରଙ୍କ ଟିମ୍ 9 ଟାରେ ମଧ୍ୟ ରାଜୁଙ୍କ ଅବସ୍ଥା ଯାଞ୍ଚ କରିଥିଲେ । ୧୦ ଅଗଷ୍ଟରେ ହୃଦଘାତ ହୋଇଥିଲା ଏବଂ ସେବେଠାରୁ ତାଙ୍କୁ ଦିଲ୍ଲୀର AIIMS ହସ୍ପିଟାଲରେ ଭର୍ତ୍ତି କରାଯାଇଥିଲା । ରାଜୁ ପ୍ରାୟ ୧୫ ଦିନ ଚେତାଶୂନ୍ୟ ହୋଇପଡିଥିଲେ ଏବଂ ତାଙ୍କ ଅବସ୍ଥା ଗୁରୁତର ରହିଥିଲା । ବର୍ତ୍ତମାନ ସଦ୍ୟତମ ରିପୋର୍ଟ ଅନୁଯାୟୀ ତାଙ୍କ ସ୍ୱାସ୍ଥ୍ୟରେ ଉନ୍ନତି ଆସିଛି । ଏଠାରେ ପ୍ରଶଂସକମାନେ ଆଶୁ ଆରୋଗ୍ୟ ପାଇଁ ପ୍ରାର୍ଥନା କରୁଛନ୍ତି ।’
ଏହା ପୂର୍ବରୁ କୁହାଯାଉଥିଲା କି, ରାଜୁ ଶ୍ରୀବାସ୍ତବଙ୍କ ସ୍ୱାସ୍ଥ୍ୟରେ କୌଣସି ସୁଧାର ନ ଦେଖିବାରୁ ଡାକ୍ତରମାନେ ତାଙ୍କ ଚିକିତ୍ସା ପାଇଁ ନ୍ୟୁରୋଫିସିଓଥେରାପି ବ୍ୟବହାର କରିବା ଆରମ୍ଭ କରିଛନ୍ତି । ନ୍ୟୁରୋଫିସିଓଥେରାପି ଅର୍ଥ ହେଉଛି ରୋଗୀଙ୍କୁ ସେମାନଙ୍କ ହୃଦୟର ଅତି ନିକଟତର ଲୋକଙ୍କ ସ୍ୱର ଶୁଣାଇବା । ସେମାନଙ୍କ ସ୍ୱରରୁ ଶୀଘ୍ର ଚେତା ଫେରିବାର ସମ୍ଭାବନା ବଢିବାକୁ ଲାଗେ । ବର୍ତ୍ତମାନ ଆପଣ ନିଶ୍ଚିତ ଭାବରେ ଭାବୁଥିବେ ଡାକ୍ତର ରାଜୁ ଶ୍ରୀବାସ୍ତବଙ୍କୁ କାହାର ସ୍ୱର ଶୁଣାଉଛନ୍ତି । ଏହି ସ୍ୱର ତାଙ୍କ ପରିବାର କିମ୍ବା କୌଣସି ଘନିଷ୍ଠ ବ୍ୟକ୍ତିଙ୍କଠାରୁ ନୁହେଁ, ବରଂ ଏହି ସ୍ୱର ବଲିଉଡ ସମ୍ରାଟ ଅମିତାଭ ବଚ୍ଚନଙ୍କର ।
ଏହା ବି ପଢନ୍ତୁ: 9ଦିନ ପରେ ବି ଫେରିନି ରାଜୁ ଶ୍ରୀବାସ୍ତବଙ୍କ ଚେତା, ପ୍ରାର୍ଥନା କରିବାକୁ କହିଲେ ଶେଖର ସୁମନ