ହାଇଦ୍ରାବାଦ:ଯଦି ଆମେ ଭାରତର ବିଶିଷ୍ଟ ସମାଜ ସଂସ୍କାରକଙ୍କ ବିଷୟରେ ଆଲୋଚନା କରିବା, ତେବେ ଜ୍ୟୋତିରାଓ ଫୁଲେଙ୍କ ନାମ ନିଶ୍ଚିତ ଭାବରେ ନିଆଯିବ । ଏବେ ଜ୍ୟୋତିରାଓ ଫୁଲେଙ୍କ ଜୀବନୀକୁ ନେଇ ଏକ ଚଳଚ୍ଚିତ୍ର ନିର୍ମାଣ କରିବାକୁ ଘୋଷଣା କରାଯାଇଛି । ଫିଲ୍ମର ଏକ ପୋଷ୍ଟର ରିଲିଜ୍ ହୋଇଛି। ଜ୍ୟୋତିରାଓ ଫୁଲେଙ୍କ ବାୟୋପିକରେ ପ୍ରତୀକ ଗାନ୍ଧୀ ଏବଂ ପତ୍ରଲେଖା ମୁଖ୍ୟ ଭୂମିକାରେ ନଜର ଆସିବେ। 'ଫୁଲେ' ନାମକ ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେବେ ଅନନ୍ତ ନାରାୟଣ ମହାଦେବନ।
2023ରେ ରିଲିଜ୍ ହେବ 'ଫୁଲେ'
ପ୍ରତୀକ ଗାନ୍ଧୀ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଫିଲ୍ମର ଏକ ପୋଷ୍ଟର ସେୟାର କରିଛନ୍ତି। ସେ କହିଛନ୍ତି ଯେ ଜଣେ ଅଭିନେତା ଭାବରେ ମୁଁ ମହାତ୍ମା ଫୁଲେଙ୍କ ବିଷୟରେ ବିଶ୍ବକୁ କହିବାକୁ ଗର୍ବ ଅନୁଭବ କରୁଛି । ପୋଷ୍ଟରରେ ଆପଣ ଦେଖିପାରିବେ ଯେ ପ୍ରତୀକ ଗାନ୍ଧୀ ମହାତ୍ମା ଫୁଲେ ଏବଂ ପତ୍ରଲେଖା ସାବିତ୍ରୀବାଇ ଫୁଲେ ଭୂମିକାରେ ନଜର ଆସିଛନ୍ତି। ମହାତ୍ମା ଫୁଲେଙ୍କ 195 ତମ ବାର୍ଷିକୀ ଅବସରରେ ଏପ୍ରିଲ 11 ରେ ଫିଲ୍ମ 'ଫୁଲେ'ର ପ୍ରଥମ ଲୁକ୍ ମୁକ୍ତିଲାଭ କରିଥିଲା । ଏହି ଚଳଚ୍ଚିତ୍ର 2023 ରେ ମୁକ୍ତିଲାଭ କରିବ ।
ଜ୍ୟୋତିରାଓ ଫୁଲେ-ସାବିତ୍ରୀରାଓ ଫୁଲେ