ହାଇଦ୍ରାବାଦ: ଅଭିନେତା ପ୍ରତୀକ ଗାନ୍ଧୀଙ୍କ ଏକ ଟ୍ୱିଟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଟୁଇଟରେ ଅଭିନେତା ମୁମ୍ବାଇ ପୋଲିସ ଦ୍ୱାରା ଅପମାନିତ ହୋଇଥିବା ପ୍ରକାଶ କରିଛନ୍ତି। ଅଭିନେତା କହିଛନ୍ତି ଯେ, ତାଙ୍କୁ ମୁମ୍ବାଇ ପୋଲିସ ଦ୍ବାରା ଅପମାନିତ କରାଯାଇଛି, କାରଣ ସେ ଭିଭିଆଇପି ମୁଭମେଣ୍ଟ ମଝିରେ ରାସ୍ତାର ଚାଲିି ଚାଲି ଯାଉଥିଲେ। କେବଳ ଏତିକି ନୁହେଁ, ଅଭିନେତା ଏହା ମଧ୍ୟ କହିଛନ୍ତି ଯେ, ପୋଲିସ ଅଧିକାରୀମାନେ ତାଙ୍କୁ ଏକ ଗୋଦାମ ଭିତରକୁ ଠେଲି ଦେଇଥିଲେ। ଅଭିନେତାଙ୍କ ଏହି ଟ୍ୱିଟରେ ପ୍ରଶଂସକମାନେ ମଧ୍ୟ ପ୍ରତିକ୍ରିୟା ଦେଇଛନ୍ତି।
ପ୍ରତୀକ ଗାନ୍ଧୀ ତାଙ୍କ ଟ୍ୱିଟରେ ଲେଖିଛନ୍ତି ଯେ, ଭିଆଇପି ମୁଭମେଣ୍ଟ ହେତୁ ମୁମ୍ବାଇ WEH (ୱେଷ୍ଟର୍ଣ୍ଣ ଏକ୍ସପ୍ରେସ ହାଇୱେ)ରେ ଜାମ୍ ହୋଇଯାଇଥିଲା। ମୁଁ ସୁଟ୍ ଲୋକେସନରେ ପହଞ୍ଚିବା ପାଇଁ ରାସ୍ତାରେ ଚାଲିବା ଆରମ୍ଭ କରିଥିଲି, ସେତେବେଳେ ପୋଲିସ ଅଧିକାରୀ ମୋତେ ଧରି ନେଇଥିଲେ। ମୁଁ ତାଙ୍କୁ କିଛି କହିବା ପୂର୍ବରୁ ସେମାନେ ମୋତେ ଏକ ଗୋଦାମ ଭିତରକୁ ଠେଲି ଦେଇଥିଲେ। ଏହି ଟୁଇଟ୍ ସହିତ ସେ 'ଅପମାନିତ' ହ୍ୟାସଟ୍ୟାଗ୍ ମଧ୍ୟ ଲେଖିଛନ୍ତି।