ହାଇଦ୍ରାବାଦ: 2022 ବର୍ଷ ଅଭିନୟ ଜଗତ ପାଇଁ ଖୁସିରେ ପରିପୂର୍ଣ୍ଣ । କେତେବେଳେ ସେଲିବ୍ରେଟଙ୍କ ବିବାହ ଖବର ଆସୁଛି ତ ପୁଣି କେତେବେଳେ ଅଭିନେତ୍ରୀ ମାଆ ହେବା ଖବର ପ୍ରଶଂସକଙ୍କ ମୁହଁରେ ହସ ଫୁଟାଇ ଦେଉଛି । ଏସବୁ ମଧ୍ୟରେ ଆଉ ଏକ ଗୁଡ ନ୍ୟୁଜ ହେଉଛି ଯେ, ଦକ୍ଷିଣର ସୁନ୍ଦରୀ ଅଭିନେତ୍ରୀ ପ୍ରଣିତା ସୁଭାଷ ଖୁବ୍ ଶୀଘ୍ର ମାଆ ହେବାକୁ ଯାଉଛନ୍ତି । ଅଭିନେତ୍ରୀ ତାଙ୍କ ସ୍ୱାମୀଙ୍କ ସହ ଫଟୋ ସେୟାର କରି ଏହି ଖୁସି ଖବର ଦେଇଛନ୍ତି ।
'ହଙ୍ଗାମା-୨' ଚଳଚ୍ଚିତ୍ରରେ ନଜର ଆସିଥିବା ଅଭିନେତ୍ରୀ ପ୍ରଣିତା ସୁଭାଷ ସୋମବାର ସକାଳେ ତାଙ୍କ ପ୍ରଶଂସକଙ୍କୁ ଏହି ଖୁସି ଖବର ଦେଇ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଅନେକ ରୋମାଣ୍ଟିକ ଫଟୋ ସେୟାର କରିଛନ୍ତି। ଏହି ରୋମାଣ୍ଟିକ ଫଟୋରେ ପ୍ରଣିତା ତାଙ୍କ ସ୍ୱାମୀଙ୍କ କୋଳରେ ବସି ଗର୍ଭଧାରଣ କିଟ୍ ଦେଖାଇଛନ୍ତି, ଯେଉଁଥିରେ ତାଙ୍କର ଗର୍ଭଧାରଣ ରିପୋର୍ଟ ପଜିଟିଭ୍ ନଜର ଆସିଛି ।