ଲକ୍ଷ୍ନୌ: ପାକିସ୍ତାନରୁ ଭାରତୀୟ ପ୍ରେମିକ ସଚିନ ପାଇଁ ଦୌଡ଼ି ଆସିଥିବା ସୀମା ହାଇଦରଙ୍କୁ କିଏ ବା ନଜାଣେ । ପ୍ରେମ ପାଇଁ ନିଜ ସ୍ବାମୀଙ୍କୁ ଛାଡ଼ି ୪ ଜଣ ପିଲାଙ୍କୁ ସାଥୀରେ ଧରି ସୀମା ପାର୍ କରି ଭାରତ ପ୍ରବେଶ କରିଥିବା ସୀମା ଲଗାତର ଭାବେ ଚର୍ଚ୍ଚାରେ ରହିଛନ୍ତି । ନିକଟରେ ସେ ଫିଲ୍ମରେ ଅଭିନୟ କରିବେ ବୋଲି ଏକ ଖବର ପ୍ରକାଶ ପାଇଥିବା ବେଳେ ଏବେ ତାଙ୍କ ଉପରେ ଏକ ସିନେମା ନିର୍ମାଣ ହେବାକୁ ଯାଉଛି । ବର୍ତ୍ତମାନ ଏହି ଚଳଚ୍ଚିତ୍ରର ପୋଷ୍ଟର ମଧ୍ୟ ରିଲିଜ ହୋଇଛି । ସିନେମାର ନାମ ରହିବ ‘କରାଚି ଟୁ ନୋଇଡା’। ସଚିନ ଓ ସୀମାଙ୍କ ପ୍ରେମ କାହାଣୀ ଉପରେ ଏହି ସିନେମା ନିର୍ମାଣ ହେବ ।
ଏହି ଚଳଚ୍ଚିତ୍ର ପାଇଁ ଅଡିସନ୍ ମଧ୍ୟ ନିଆଯାଇଛି । ଏଥିରେ ସୀମା ହାଇଦରଙ୍କ ଭୂମିକା ପାଇଁ ଅଭିନେତ୍ରୀ ଚୟନ ହୋଇସାରିଛି । ଫିଲ୍ମର ନିର୍ମାତା ନିର୍ଦ୍ଦେଶକ ଅମିତ ଜାନୀ କହିଛନ୍ତି କି, ଜାନି ଫାୟାର ଫକ୍ସ ଫିଲ୍ମ ପ୍ରଡକ୍ସନ୍ ଦ୍ବାରା ଫିଲ୍ମର ନାମ ବଛାଯାଇଛି । ଏହି ଚଳଚ୍ଚିତ୍ରର ନାମ ‘କରାଚି ଟୁ ନୋଇଡା’ ରହିବ । ଏହାର ଟାଇଟଲ୍ ବୁକ୍ ହୋଇସାରିଛି । ଏହି ଚଳଚ୍ଚିତ୍ର ଆସନ୍ତା ବର୍ଷ ପ୍ରେକ୍ଷାଳୟରେ ମୁକ୍ତିଲାଭ କରିବ । ଅମିତ ଆହୁରି କହିଛନ୍ତି ଯେ ସଚିନଙ୍କ ବ୍ୟତୀତ ଭାରତରୁ ପାକିସ୍ତାନ ଯାଇଥିବା ଅଞ୍ଜୁଙ୍କ କାହାଣୀ ଉପରେ ଏକ ଫିଲ୍ମ ମଧ୍ୟ ନିର୍ମାଣ କରାଯିବ । ସେହି ଚଳଚ୍ଚିତ୍ରର ଟାଇଟଲ୍ ମେରା ଅବଦୁଲ୍ ଏସା ନେହି ରଖାଯିବ ।
ଏହା ମଧ୍ୟ ପଢନ୍ତୁ: ସୀମା ହାଇଦରକୁ ଏହି ୧୩ଟି ପ୍ରଶ୍ନ ପଚାରିଲା ଏଟିଏସ: ଉତ୍ତର ଶୁଣି ଆଶ୍ଚର୍ଯ୍ୟ ଅଫିସର