Pathaan Collection: ଦଙ୍ଗଲ ରେକର୍ଡ ଭାଙ୍ଗିଲା ପଠାନ, ୧୧ ଦିନରେ କଲା ସର୍ବାଧିକ ବ୍ୟବସାୟ

୧୧ ଦିନରେ ୩୯୮ କୋଟି ରୋଜଗାର କରି 'ଦଙ୍ଗଲ' ଫିଲ୍ମର ରେକର୍ଡ ଭାଙ୍ଗିଲା ପଠାନ । ଆଗକୁ KGF 2 ଓ ବାହୁବଳୀ ୨ର ରେକର୍ଡ ଭାଙ୍ଗିବ ବୋଲି ଚର୍ଚ୍ଚା ହେଉଛି । ଅଧିକ ପଢନ୍ତୁ

ମୁମ୍ବାଇ:ବଲିଉଡ ବାଦଶାହ ଶାହାରୁଖ ଖାନଙ୍କ 'ପଠାନ' ବକ୍ସଅଫିସରେ ଧମାଲ କରି ଗୋଟିଏ ପରେ ଗୋଟିଏ ରେକର୍ଡ ଭାଙ୍ଗିଛି । ଫିଲ୍ମ ରିଲିଜକୁ ୧୧ଦିନ ହୋଇଥିବା ବେଳେ ଏହା ହିଟ ଫିଲ୍ମ 'ଦଙ୍ଗଲ'ର ରେକର୍ଡ ଭାଙ୍ଗିଛି । ୧୧ ଦିନ ମଧ୍ୟରେ ସବୁଠୁ ଅଧିକ ବ୍ୟବସାୟ କରିଥିବା ହିନ୍ଦୀ ଫିଲ୍ମ ହୋଇଛି ପଠାନ । ଏଥିରେ ଅନ୍ୟ କଳାକାର ଭାବେ ଡିମ୍ପଲ ଗର୍ଲ ଦୀପିକା ପାଦୁକୋନ ଓ ଜନ ଆବ୍ରାହମ ମଧ୍ୟ ନଜର ଆସିଛନ୍ତି । ୧୧ ଦିନରେ ପଠାନ ୩୯୮ କୋଟି ଟଙ୍କା ରୋଜଗାର କରି ଦଙ୍ଗଲର ରେକର୍ଡ ଭାଙ୍ଗିଛି ।

ଦଙ୍ଗଲ ଫିଲ୍ମ ୧୧ ଦିନରେ ୩୮୭ କୋଟି ଟଙ୍କା ରୋଜଗାର କରିଥିଲା । ଏବେ ପଠାନ ଫିଲ୍ମର ନଜର KGF 2 ଓ ବାହୁବଳୀ ୨ ଉପରେ ରହିଛି । ଫିଲ୍ମ ଉଦ୍ୟୋଗର ବିଶେଷଜ୍ଞଙ୍କ କହିବାନୁସାରେ ପଠାନ ଫିଲ୍ମ ଆସନ୍ତା ୫ଦିନ ମଧ୍ୟରେ KGF2ର ରେକର୍ଡ ଭାଙ୍ଗିବ । ପଠାନ KGF2ର ରେକର୍ଡ ଭାଙ୍ଗିବା ପରେ ବାହୁବଳୀ ୨ର ରେକର୍ଡ ଭାଙ୍ଗିବା ଲାଗି ୫୧୧ କୋଟି ବ୍ୟବସାୟ କରିବାକୁ ପଡ଼ିବ । ଯଦି ପଠାନ ଏହି ଫିଲ୍ମର ରେକର୍ଡ ଭାଙ୍ଗେ ତେବେ ବଲିଉଡର ସବୁଠାରୁ ଅଧିକ ରୋଜଗାର କରିଥିବା ଫିଲ୍ମ ହେବ । ସବୁଠୁ ଖାସ କଥା ହେଉଛି ଶାହାରୁଖ ଦୀର୍ଘ ୧୦ ବର୍ଷ ପରେ ବଲିଉଡକୁ ଏହି ହିଟ୍‌ ଫିଲ୍ମ ଦେଇଛନ୍ତି ।

ଗତ ୨୦୧୩ ମସିହାରେ ଶାହାରୁଖ 'ଚେନ୍ନାଇ ଏକ୍ସପ୍ରେସ' ମାଧ୍ୟମରେ ହିଟ୍‌ ଫିଲ୍ମ ଦର୍ଶକଙ୍କୁ ଭେଟି ଦେଇଥିଲେ । ଏଥିରେ ମଧ୍ୟ ତାଙ୍କ ବିପକ୍ଷରେ ଦୀପିକା ପାଦୁକୋନ ଅଭିନୟ କରିଥିଲେ । ଏହାପରେ ଶାହାରୁଖଙ୍କ ଫିଲ୍ମ ଫ୍ଲପ ହୋଇଥିଲା । ପଠାନ ଫିଲ୍ମକୁ ବଏକଟ କରିବା ଲାଗି ବିବାଦ ଉପୁଜିଥିଲା । ଫିଲ୍ମର ଏକ ଗୀତକୁ ନେଇ ବିବାଦ ଉପୁଜିଥିଲା । ଏହା ସତ୍ତ୍ବେ ଶାହାରୁଖଙ୍କ ଫିଲ୍ମକୁ ଦର୍ଶକ ଖୁବ ପସନ୍ଦ କରିଛନ୍ତି । ଖାଲି ଭାରତରେ ନୁହେଁ ଅନ୍ୟ ଦେଶରେ ମଧ୍ୟ ପଠାନ ଫିଲ୍ମ ରିଲିଜ ହୋଇଛି । ସେଠାରେ ମଧ୍ୟ ଫିଲ୍ମକୁ ଦର୍ଶକ ବେଶ ପସନ୍ଦ କରିଛନ୍ତି ।

ସୂଚନା ଥାଉ କି ଦଙ୍ଗଲ ବିଶ୍ବରେ ମୋଟ ୨୦୨୪ କୋଟି ରୋଜଗାର କରିଥିଲା । ଦ୍ବିତୀୟ ସ୍ଥାନରେ ରହିଛି ଭାଇଜାନ ସଲମାନଙ୍କ ଅଭିନୀତ ବଜରଙ୍ଗୀ ଭାଇଜାନ । ଯିଏକି ମୋଟ ୯୬୯.୦୬ କୋଟି ରୋଜଗାର କରିଥିଲା । ଏବାପରେ ରହିଛି ପଠାନ । ଯାହାକି ଏଯାବତ ସାରା ବିଶ୍ବରେ ୭୨୯ କୋଟି ଟଙ୍କା ରୋଜଗାର କରିଛି । ଫିଲ୍ମର ସଫଳତାକୁ ନେଇ ପୁରା ଟିମ ବେଶ ଖୁସିବ୍ୟକ୍ତ କରିଛନ୍ତି ।