ମୁମ୍ବାଇ:ବକ୍ସ ଅଫିସରେ ଧମାଲ କରିବାରେ ଲାଗିଛି ବଲିଉଡ ବାଦଶାହ ଶାହାରୁଖ ଖାନଙ୍କ ଫିଲ୍ମ 'ପଠାନ' । ଖୁବଶୀଘ୍ର ଫିଲ୍ମ ୬୦୦ କୋଟି କ୍ଲବରେ ସାମିଲ ହେବାକୁ ଯାଉଛି । ୬ ଦିନରେ ୫୯୧ କୋଟି ଟଙ୍କା ରୋଜଗାର କରିସାରିଲାଣି ଏହି ଫିଲ୍ମ । ୟଶ ରାଜ ଫିଲ୍ମ (YRF)ର ସୂଚନା ଅନୁସାରେ ଷଷ୍ଠ ଦିନରେ ଭାରତରେ ଫିଲ୍ମ ୨୬.୫୦ କୋଟି ନେଟ୍ ବ୍ୟବସାୟ କରିଛି । ଏହି ଫିଲ୍ମରେ ଶାହାରୁଖଙ୍କ ସହିତ ଅଭିନେତ୍ରୀ ଦୀପିକା ପାଦୁକୋନ ମଧ୍ୟ ନଜର ଆସିଛନ୍ତି । ଫିଲ୍ମ ସଙ୍ଗ୍ ରିଲିଜ ଆରମ୍ଭରୁ ଏହା ବିବାଦରେ ଫସିଥିବା ବେଳେ ଏବେ ଫିଲ୍ମକୁ ଦର୍ଶକ ବେଶ ପସନ୍ଦ କରିଛନ୍ତି ।
ଚଳିତ ମାସ ୨୫ ତାରିଖରେ ରିଲିଜ ହୋଇଛି ଫିଲ୍ମ ପଠାନ । ଏହି ଫିଲ୍ମ ସିଦ୍ଧାର୍ଥ ଆନନ୍ଦ ନିର୍ଦ୍ଦେଶନା ଦେଇଛନ୍ତି । ବଲିଉଡ ଅଭିନେତା ଜନ୍ ଆବ୍ରାହମ ମଧ୍ୟ ଅଭିନୟ କରିଛନ୍ତି । ରିଲିଜର ପ୍ରଥମ ଦିନରେ ଫିଲ୍ମ ୧୦୬ କୋଟି ରୋଜଗାର କରିଥିବା ବେଳେ ଦ୍ବିତୀୟ ଦିନରେ ୧୧୩.୬ କୋଟି, ୩ୟ ଦିନରେ ୯୦ କୋଟି, ଚତୁର୍ଥ ଦିନରେ ୧୧୬ କୋଟି ଓ ପଞ୍ଚମ ଦିନରେ ୧୧୨ କୋଟି ବ୍ୟବସାୟ କରିଛି । ଗତ ୪ ବର୍ଷ ପରେ ଶାହାରୁଖ ଲିଡ୍ ଭୂମିକାରେ ନଜର ଆସିଛନ୍ତି । ଏହାସହ ୧୦ ବର୍ଷ ପରେ ଶାହାରୁଖ ଏପରି ବିଗ୍ ହିଟ୍ ଦେଇଛନ୍ତି । ଏହି ଫିଲ୍ମଟି ହିନ୍ଦୀ ସହ ତେଲୁଗୁ, ତାମିଲ ଭାଷାରେ ରିଲିଜ ହୋଇଛି । ଏହାକୁ ବିଦେଶରେ ମଧ୍ୟ ରିଲିଜ କରାଯାଇଛି ।