ମୁମ୍ବାଇ :ବକ୍ସ ଅଫିସରେ କମାଲ କରୁଛି ପଠାନ । ରେକର୍ଡ ଭାଙ୍ଗିଲା ସୁପର ଡୁପର ହିଟ ପଠାନ । ହଲ ସାମ୍ନାରେ ଜମୁଛି ଦର୍ଶକଙ୍କ ଖଚାଖଚ ଭିଡ଼। ସିନେ ପ୍ରେମୀଙ୍କ ପ୍ରିୟ ଅଭିନେତା ଶାହାରୁଖଙ୍କ ଦମଦାର ଅଭିନୟକୁ ଦର୍ଶକ ଭୂରିଭୂରି ପ୍ରଶଂସା କରିଛନ୍ତି । ଏହାରି ଭିତରେ ୫ ଦିନରେ ୫୪୨ କୋଟିରୁ ଅଧିକ କଲେକ୍ସନ କରିଛି ଏହି ଫିଲ୍ମ। ଏହି ଫିଲ୍ମ ମାଧ୍ୟମରେ ଶାହାରୁଖଙ୍କ କ୍ୟାରିଅରରେ ମଧ୍ୟ ଏକ ବଡ ସଫଳତା ଦେଖିବାକୁ ମିଳିଛି । ତେବେ ପଠାନର ଟିଜର ଓ ବେଶରମ୍ ରଙ୍ଗ ଗୀତ ରିଲିଜ ପରେ ଦେଶବ୍ୟାପୀ ବିବାଦ ମୁଣ୍ଡ ଟେକିଥିଲା । ବିଭିନ୍ନ ସ୍ଥାନରେ ଫିଲ୍ମ ବ୍ୟାନ କରିବାକୁ ଦାବି ହୋଇଥିଲା । କିନ୍ତୁ ରିଲିଜ ପରେ ବକ୍ସ ଅଫିସରେ ରେକର୍ଡ ପରେ ରେକର୍ଡ ହାସଲ କରିଚାଲିଛି ପଠାନ ।
୨୫୦ କୋଟି ଟଙ୍କା ବଜେଟରେ 'ପଠାନ' ଫିଲ୍ମ ନିର୍ମାଣ କରାଯାଇଥିବା ବେଳେ ଏବେ ଏହା ୫୪୨ କୋଟିରୁ ଅଧିକ କଲେକ୍ସନ କରିଛି । ୟସ୍ରାଜ ପ୍ରଡକ୍ସନ ବ୍ୟାନରରେ ନିର୍ମିତ ଏହି ସ୍ପାଏ ଥ୍ରୀଲର ମୁଭି ବକ୍ସ ଅଫିସରେ ୨୧ଟି ରେକର୍ଡ ଭାଙ୍ଗିଛି । ଏହି ଫିଲ୍ମର ଏକ ସିନରେ ଶାହାରୁଖଙ୍କ ସହ ନଜର ଆସିଥିଲେ ସଲମନ ଖାନ । ଫିଲ୍ମର ଏହି ଦୃଶ୍ୟକୁ ଦର୍ଶକ ବେଶ ପ୍ରଶଂସା କରିଛନ୍ତି । ଏହି ସିନ ସୋସିଆଲ ମିଡିଆରେ ଭାଇରାଲ ହେବାପରେ ଅନେକ ଦର୍ଶକ କେବଳ ଏଇ ସିନ ଦେଖିବା ପାଇଁ ହିଁ ଫିଲ୍ମ ଦେଖିବାକୁ ଯାଇଥିଲେ । ଏଥିସହ ଶାହାରୁଖ ଖାନ ଏବଂ ଦୀପିକା ପାଦୁକୋନଙ୍କ କେମେଷ୍ଟ୍ରୀକୁ ଲୋକେ ବେଶ ତାରିଫ କରିଥିଲେ । ଗତ ବୁଧବାର ଦିନ ଏହା ତାମିଲ ତେଲଗୁ ଏବଂ ହିନ୍ଦୀ ଭାଷାରେ ରିଲିଜ ହୋଇଛି । ଅଭିନେତା ଶାହାରୁଖଙ୍କ ଫିଲ୍ମ ପଠାନ ବକ୍ସ ଅଫିସରେ ସଂଗ୍ରହର ପ୍ରାରମ୍ଭିକ ଆକଳନ ସାମ୍ନାକୁ ଆସିଛି । ମୋଟ ୫୪୨ କୋଟି ଟଙ୍କା ଆୟ କରି ବଲିଉଡରେ ରେକର୍ଡ କରିଛି । ତେବେ ଏହାପୂର୍ବରୁ କୌଣସି ବଲିଉଡ ଫିଲ୍ମ ପ୍ରଶଂସକଙ୍କ ଠାରୁ ଏତେ ଭଲ ପାଇବା ପାଇନାହିଁ ।
ୟଶ ରାଜ ଫିଲ୍ମସ (YRF) ଅନୁଯାୟୀ, ପଠାନ ଗଣତନ୍ତ୍ର ଦିବସ ପାଇଁ ପାଞ୍ଚ ଦିନିଆ ବର୍ଦ୍ଧିତ ସପ୍ତାହ ଶେଷରେ ଭାରତରେ 60.75 କୋଟି ଟଙ୍କା (ହିନ୍ଦୀ 58.5 କୋଟି, ସମସ୍ତ ନାମିତ ସଂସ୍କରଣ 2.25 କୋଟି) ରେକର୍ଡ କରିଛି । ଏଥିରେ ଭାରତ ମୋଟ 70 କୋଟି ଟଙ୍କା ଆୟ କରିଥିଲା । ମୁକ୍ତିଲାଭ କରିବାର ଚତୁର୍ଥ ଦିନରେ ସମୁଦାୟ ସଂଗ୍ରହକୁ 112 କୋଟି ଟଙ୍କା ନେଇ ପଞ୍ଚମ ଦିନରେ ୫୪୨ କୋଟି ଟଙ୍କା ଆୟ କରିଛି ।