ମୁମ୍ବାଇ: ଦୀପିକା ପାଦୁକୋନ ଏବଂ ହ୍ରିତିକ ରୋଶନଙ୍କ ବହୁ ପ୍ରତିକ୍ଷୀତ ଫିଲ୍ମ 'ଫାଇଟର' ରିଲିଜ ହେବାକୁ ପ୍ରସ୍ତୁତ । ନିକଟରେ ଫିଲ୍ମର ସହ ଟିଜର ଏବଂ ୩ଟି ଗୀତ ରିଲିଜ ହୋଇଥିଲା । ଯାହା ଫ୍ୟାନ୍ସଙ୍କୁ ବେଶ ପସନ୍ଦ ଆସିଥିଲା । ଫିଲ୍ମର ଟ୍ରେଲର ରିଲିଜ ଡେଟ୍ ମଧ୍ୟ ସାମ୍ନାକୁ ଆସିଛି । ଏନେଇ ଟିମ୍ ଫିଲ୍ମ ରିଲିଜ ହେବାକୁ ନେଇ ଯେତିକି ଉତ୍ସାହିତ ଅଛନ୍ତି ସେତିକି ଫ୍ୟାନ୍ସ ମଧ୍ୟ ସେମାନଙ୍କ ସୁପରଷ୍ଟାରଙ୍କୁ ପରଦାରେ ଦେଖିବା ପାଇଁ ଅପେକ୍ଷାରେ ଅଛନ୍ତି । ଏହାରି ମଧ୍ୟରେ ସୋସିଆଲ ମିଡିଆରେ ଏକ ଭିଡିଓ ବେଶ ଭାଇରାଲ ହେବାରେ ଲାଗିଛି । ଯେଉଁଥିରେ ଦୀପିକା ପାଦୁକୋନ ଏବଂ ରଣବୀର ସିଂଙ୍କ ସାମ୍ନାରେ 'ଶେର ଖୁଲ ଗୟେ' ଗୀତରେ ଜଣେ ପାପାରାଜି ନାଚୁଥିବାର ନଜର ଆସିଛନ୍ତି ।
ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି । ଯେଉଁଥିରେ ଦୀପିକା ପାଦୁକୋନ ଏବଂ ରଣବୀର ସିଂ ବିମାନବନ୍ଦରକୁ ଯାଉଛନ୍ତି । ଏହି ସମୟରେ ଜଣେ ପାପାରାଜି ଫାଇଟର ଫିଲ୍ମର ଗୀତ 'ଶେର୍ ଖୁଲ୍ ଗୟେ'ରେ ନାଚିବା ଆରମ୍ଭ କରିଥିଲେ । ତାଙ୍କର ନୃତ୍ୟ ଦେଖି କାରରେ ବସିଥିବା ରଣବୀର ସିଂ ଏବଂ ଦୀପିକା ପାଦୁକୋନ ମଧ୍ୟ ଡ୍ୟାନ୍ସ ଷ୍ଟେପ୍ କରିବା ଆରମ୍ଭ କରିଥିଲେ । ଫାଇଟର ଗୀତରେ ପାପାରାଜିଙ୍କ ଡ୍ୟାନ୍ସ ଆଉ ତାକୁ ନେଇ ଅଭିନେତାଙ୍କ ପ୍ରତିକ୍ରିୟା ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି ।