ହାଇଦ୍ରାବାଦ: ସାରା ଦେଶରେ ଆଜି ହୋଲିର ଉତ୍ସାହ ଦେଖିବାକୁ ମିଳିଛି । ଏହାରି ମଧ୍ୟରେ ଓଲିଉଡ ଜଗତରେ ଏକ ଭିନ୍ନ କ୍ରେଜ୍ ଦେଖିବାକୁ ମିଳିଛି । ଓଲିଉଡ ତାରକାମାନେ ହୋଲିର ଖୁବ ମଜା ନେଇଥିବା ବେଳେ ଫ୍ୟାନ୍ସଙ୍କୁ ମଧ୍ୟ ହୋଲିର ଶୁଭେଚ୍ଛା ଜଣାଇଛନ୍ତି। ସୋସିଆଲ ମିଡିଆରେ ଫଟୋ ସେୟାର କରି ଫ୍ୟାନ୍ସଙ୍କୁ ହୋଲି ଶୁଭେଚ୍ଛା ଜଣାଇଛନ୍ତି । ଏହାକୁ ଦେଖି ଫ୍ୟାନ୍ସମାନେ ମଧ୍ୟ ଲାଇକ କରିବା ସହ ହାପି ହୋଲି ୱିସ କରିଛନ୍ତି ।
ଓଲିଉଡ ସୁନ୍ଦରୀ ତଥା ଲୋକପ୍ରିୟ ଅଭିନେତ୍ରୀ ଅର୍ଚ୍ଚିତା ସାହୁ ନିଜ ଫ୍ୟାନ୍ସଙ୍କୁ ହୋଲି ଶୁଭେଚ୍ଛା ଜଣାଇଛନ୍ତି । ନିଜ ଅଫିସିଆଲ ଇନଷ୍ଟାଗ୍ରାମରେ ବାପାଙ୍କ ସହ ଏକ ଫଟୋ ସେୟାରି କ୍ୟାପସନରେ ଲେଖିଛନ୍ତି, ବାପା ଏବଂ ମୋ ତରଫରୁ ହୋଲିର ଅଭିନନ୍ଦନ। ଏହି ପୋଷ୍ଟକୁ ଅନେକ ଫ୍ୟାନ୍ସ ଲାଇକ କରିବା ସହ ଅଭିନେତ୍ରୀଙ୍କୁ ମଧ୍ୟ ହୋଲି ୱିସ୍ କରିଛନ୍ତି । ଅଭିନେତା ସବ୍ୟସାଚୀ ମିଶ୍ର ମଧ୍ୟ ଏକ ଭିଡିଓ ସେୟାର କରି ହୋଲି ଶୁଭେଚ୍ଛା ଜଣାଇଛନ୍ତି ।
ସେହିପରି ଅଭିନେତ୍ରୀ ଏଲିନା ସାମନ୍ତରାୟ ମଧ୍ୟ ନିଜ ଇନଷ୍ଟାଗ୍ରାମରେ ଏକ ଫଟୋ ଏବଂ ଏକ ଭିଡିଓ ମଧ୍ୟ ସେୟାର କରି ଫ୍ୟାନ୍ସଙ୍କୁ ହୋଲି ଶୁଭକାମନା ଜଣାଇଛନ୍ତି । ଭିଡିଓରେ ଏଲିନାଙ୍କୁ ୟେଲୋ ଏବଂ ୱାଇଟ ସାଲୱାର ସୁଟରେ ଦେଖିବାକୁ ମିଳିଛି । ସେ ଏହି ଭିଡିଓ ସେୟାର କରି କ୍ୟାପସନରେ ଲେଖିଛନ୍ତି, ହୋଲିର ରଙ୍ଗରେ ସହ ସବୁ ରଙ୍ଗର ହାର୍ଟ ଇମୋଜି ଦେଇଛନ୍ତି । ଏବଂ ଇନଷ୍ଟା ଷ୍ଚୋରୀରେ ମଧ୍ୟ ନିଜର ଏକ ଫଟୋ ସେୟାର କରିଛନ୍ତି । ଯେଉଁଥିରେ ତାଙ୍କ ମୁହଁରେ ରଙ୍ଗ ଖେଳିଥିବା ନଜର ଆସିଛନ୍ତି ।
ଅଭିନେତ୍ରୀ ରିୟା ମଧ୍ୟ ଏକ ଭିଡିଓ ଫୋଷ୍ଟ କରି ଫ୍ୟାନ୍ସଙ୍କୁ ହୋଲି ଶୁଭେଚ୍ଛା ଜଣାଇଛନ୍ତି । ଯେଉଁଥିରେ ଆକାଶିଆ ନୀଳ ରଙ୍ଗର ଆଉଟଫିଟ୍ରେ ନଜର ଆସିବା ସହ ଡ୍ୟାନ୍ସ କରୁଥିବାର ଦେଖିବାକୁ ମିଳିଛି । ତେବେ ସେ ନିକଟରେ ବିବାହ କରିଥିବା ବେଳେ ବିବାହ ପରେ ଏହା ତାଙ୍କର ପ୍ରଥମ ହୋଲି ଅଟେ ।
ସେହିପରି ବିବାହିତା ଅଭିନେତ୍ରୀ ଲିପ୍ସା ମିଶ୍ର ମଧ୍ୟ ନିଜ ସ୍ବାମୀ ଓ ଶଶୁର ଘର ପରିବାର ସହ ହୋଲି ଖେଳିବା ସହ ଫ୍ୟାନ୍ସଙ୍କୁ ଶୁଭେଚ୍ଛା ଜଣାଇଛନ୍ତି । ଚଳିତ ବର୍ଷ ଫେବୃୟାରୀ 27ରେ ବ୍ୟବସାୟୀ ଆକାଶ ଆଚାର୍ଯ୍ୟଙ୍କ ବିବାହ କରିଥିଲେ। ତେବେ ବିବାହ ପରେ ତାଙ୍କର ଏହା ପ୍ରଥମ ହୋଲି ଅଟୋ ।