ହାଇଦ୍ରାବାଦ:ବାଲେଶ୍ବର ବାହାନଗାରେ କରମଣ୍ଡଳ ଏକ୍ସପ୍ରେସ ଦୁର୍ଘଟଣା ଘଟଣାରେ ସ୍ତବ୍ଧ ସାରା ବିଶ୍ବ । ଶୁକ୍ରବାର ସନ୍ଧ୍ୟାର ଘଟଣାରେ ସମସ୍ତଙ୍କୁ କନ୍ଦାଇ ଦେଇଛି କରମଣ୍ଡଳ । ତିନୋଟି ଟ୍ରେନ ଧକ୍କାରେ 238ଜଣଙ୍କ ମୃତ୍ୟୁ ହୋଇଥିବା ବେଳେ ପାଖାପାଖି 900ଜଣ ଆହତ ହୋଇଥିବା ଜଣାପଡିଛି । ତେବେ ଅନେକ ଯାତ୍ରୀ ଏବେ ମଧ୍ୟ ଫସି ରହିଥିବା ବେଳେ ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ ଜାରି ରହିଛି । ମୃତ୍ୟୁ ବୀଭିଷିକା ଦେଖି ସମସ୍ତଙ୍କ ଆଖି ଛଳଛଳ ହୋଇଥିବା ବେଳେ ରାଜ୍ୟରେ ଶୋକ ପାଳନ କରାଯାଉଛି । ବିଭିନ୍ନ ଦେଶର ପ୍ରଧାନମନ୍ତ୍ରୀ ରାଷ୍ଟ୍ରପତିଙ୍କ ଠାରୁ ଆରମ୍ଭ କରି ବଲିଉଡ ଷ୍ଟାର ମଧ୍ୟ ଦୁଃଖପ୍ରକାଶ କରିଛନ୍ତି । ଚଳଚ୍ଚିତ୍ର ଜଗତର ତାରକାମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିବା ବେଳେ ମୃତକଙ୍କ ପରିବାର ପ୍ରତି ସମବେଦନା ଜଣାଇଛନ୍ତି ।
ଦବଙ୍ଗ ଷ୍ଟାର ସଲମାନ ଖାନ୍ ଦୁଃଖପ୍ରକାଶ କରି ଟ୍ବିଟ କରି ଲେଖିଛନ୍ତି," ଓଡିଶାର ଏହି ଟ୍ରେନ ଦୁର୍ଘଟଣା ବିଷୟରେ ଶୁଣି ମୁଁ ସ୍ତବ୍ଧ। ପ୍ରାଣ ହରାଇଥିବା ବ୍ୟକ୍ତିଙ୍କ ଆତ୍ମାକୁ ଭଗବାନ ଶାନ୍ତି ଦିଅନ୍ତୁ । ଆହତ ହୋଇଥିବା ବ୍ୟକ୍ତିଙ୍କ ପରିବାର ପରିଜନଙ୍କୁ ଦୁଃଖ ସହିବା ପାଇଁ ଧୌର୍ଯ୍ୟ ଦିଅନ୍ତୁ। "
ଅନ୍ୟପଟେ ଖିଲାଡି ଷ୍ଟାର ଅକ୍ଷୟ କୁମାର କହିଛନ୍ତି, "ଓଡିଶାରେ ହୋଇଥିବା ଟ୍ରେନ ଦୁର୍ଘଟଣାର ଭିଡିଓ ଦେଖି ମୁଁ ପୁରା ସ୍ତବ୍ଧ। ଆହତଙ୍କ ଶୀଘ୍ର ଆରୋଗ୍ୟ ପାଇଁ ପ୍ରାର୍ଥନା କରୁଛି । ପ୍ରାଣ ହରାଇଥିବା ପରିବାରଙ୍କୁ ଏଭଳି ସ୍ଥିତି ସାମ୍ନା କରିବା ପାଇଁ ଧୌର୍ଯ୍ୟ ଦିଅନ୍ତୁ । ଓମ ଶାନ୍ତି।"
ସାଉଥ୍ ସୁପରଷ୍ଟାର ଜୁନିଅର NTR ଦୁଃଖ ଜଣାଇ ଲେଖିଛନ୍ତି, "ଟ୍ରେନ ଦୁର୍ଘଟଣାରେ ପ୍ରାଣ ହରାଇ ପରିବାର ପ୍ରତି ମୁଁ ସମବେଦନା ଜଣାଉଛି । ଏହି ଭୟଙ୍କର ଟ୍ରେନ ଦୁର୍ଘଟଣାରେ ପ୍ରାଣ ହରାଇଥିବା ପରିବାରକୁ ଏହି ସ୍ଥିତିର ସାମ୍ନା କରିବା ପାଇଁ ଭଗବାନ ସାହାସ ଦିଅନ୍ତୁ।