ଭୁବନେଶ୍ବର: ଓଡ଼ିଶା ପାଇଁ ଇତିହାସ ରଚିଲା ସର୍ଟ ଡକ୍ୟୁମେଣ୍ଟାରୀ ଫିଲ୍ମ ଅଦ୍ବିତୀୟ । ଇଣ୍ଡିଆନ୍ ଓସେନ୍ ଇଣ୍ଟରନ୍ୟାସନାଲ୍ ଫିଲ୍ମ ଫେଷ୍ଟିଭାଲ୍ ଆୱାର୍ଡ ସମାରୋହରେ ପୁରସ୍କୃତ ହୋଇଛି ଓଡ଼ିଆ ସର୍ଟ ଫିଲ୍ମ ଅଦ୍ବିତୀୟ । ବେଷ୍ଟ୍ ଡକ୍ୟୁମେଣ୍ଟାରୀ ସର୍ଟ ଫିଲ୍ମ ମେକର୍ ଓ ବେଷ୍ଟ ଫିଲ୍ମ ଷ୍ଟୋରୀ ରାଇଟର୍ ଭାବେ ପୁରସ୍କାର ହାସଲ କରିଛି । ଏହି ଐତିହାସିକ ସଫଳତା ହାସଲ କରି ନିଜ ଅଞ୍ଚଳ ଏବଂ ଓଡ଼ିଶା ପାଇଁ ଗୌରବ ଆଣିଛି ଫିଲ୍ମ । ଏହି ଅବସରରେ ଫିଲ୍ମର ଏହି ସଫଳତା ପାଇଁ ଟିମକୁ ଧନ୍ୟବାଦ ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।
ମୁଖ୍ୟମନ୍ତ୍ରୀ ନିଜ ଟ୍ବିଟରରେ ଫିଲ୍ମକୁ ଧନ୍ୟବାଦ ଜଣାଇ ଏକ ପୋଷ୍ଟ ସେୟାର କରିଛନ୍ତି। ଯେଉଁଥିରେ ସେ ଲେଖିଛନ୍ତି, "ମରିସିୟସରେ ଚାଲିଥିବା ଇଣ୍ଡିଆନ୍ ଓସେନ୍ ଅନ୍ତର୍ଜାତୀୟ ଫିଲ୍ମ ମହୋତ୍ସବରେ ଡକ୍ୟୁମେଣ୍ଟାରୀ ସର୍ଟ ଫିଲ୍ମ 'ଅଦ୍ବିତୀୟ' ସଫଳତା ହାସଲ କରିଛି । ଏଥିପାଇଁ ନିର୍ମାତା ହିଞ୍ଜିଳିକାଟୁର କୃଷ୍ଣ ଡି.କେ ଏବଂ ସିମାଞ୍ଚଳ ମହାରଣାଙ୍କୁ ଶୁଭେଚ୍ଛା ଜଣାଉଛି । ସେମାନେ ଫିଲ୍ମ କ୍ୟାରିୟରରେ ବଡ଼ ମାଇଲଖୁଣ୍ଟ ହାସଲ କରନ୍ତୁ ମୋର ଶୁଭକାମନା ।"
ଇଣ୍ଡିଆନ୍ ଓସିନ୍ ଇଣ୍ଟରନ୍ୟାସନାଲ୍ ଫିଲ୍ମ ଫେଷ୍ଟିଭାଲରେ ଫିଲ୍ମ 'ଅଦ୍ବିତୀୟ' ପୁରସ୍କୃତ
ଏଥିସହ ଦୁହେଁ ନିଜ ସହଯୋଗୀଙ୍କ ସହ ଭୁବନେଶ୍ଵରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ୫ଟି ସଚିବ ଭି.କେ.ପାଣ୍ଡିଆନଙ୍କୁ ଭେଟିଛନ୍ତି । କ୍ରିଷ୍ଣା ଓ ସିମାଞ୍ଚଳ ପୂର୍ବ ଆଫ୍ରିକୀୟ ଦେଶ ମରିସିୟସ୍ରେ ଗତ ମାସ ୨୮ ତାରିଖରେ ଅନୁଷ୍ଠିତ ଇଣ୍ଡିଆନ୍ ଓସେନ୍ ଇଣ୍ଟରନ୍ୟାସନାଲ୍ ଫିଲ୍ମ ଫେଷ୍ଟିଭାଲ୍ ପୁରସ୍କାର ସମାରୋହରେ ପୁରସ୍କୃତ ହୋଇଥିଲେ । ଡକ୍ୟୁମେଣ୍ଟାରୀ ଫିଲ୍ମ 'ଅଦ୍ବିତୀୟ' ପାଇଁ କ୍ରିଷ୍ଣା ଓ ସିମାଞ୍ଚଳ ଯଥାକ୍ରମେ ବେଷ୍ଟ ଡକ୍ୟୁମେଣ୍ଟାରୀ ସର୍ଟ ଫିଲ୍ମ ମେକର୍ ଓ ବେଷ୍ଟ ଫିଲ୍ମ୍ ଷ୍ଟୋରୀ ରାଇଟର୍ ପୁରସ୍କାର ହାସଲ କରିଥିଲା । ସେପଟେ ଏହି ସଫଳତା ପାଇଁ ତାଙ୍କୁ ସବୁଆଡୁ ଛୁଟୁଛି ଶୁଭେଚ୍ଛାର ସୁଅ ।
ସୂଚନା ଥାଉ କି, ଏହି ଡକ୍ୟୁମେଣ୍ଟାରୀ ଫିଲ୍ମର ବିଷବୟବସ୍ତୁ ଆସିକା ଥାନା ଉପରେ ଆଧାରିତ ଥିଲା । ୨୦୨୨ ମସିହାରେ ଦେଶର ସର୍ବଶ୍ରେଷ୍ଠ ଥାନା ଭାବେ ପୁରସ୍କୃତ ହେବା ପର୍ଯ୍ୟନ୍ତ ଆସିକା ଥାନାର ଗୌରବମୟ ଯାତ୍ରା ଉପରେ ଏହା ଆଧାରିତ ଥିଲା । ମୁଖ୍ୟମନ୍ତ୍ରୀଙ୍କୁ ସାକ୍ଷାତକାର ବେଳେ ଦୁହିଁଙ୍କ ସହଯୋଗୀ ଇ.ସଞ୍ଚିତା ପାତ୍ର, କାଜଲ ବେହେରା, ନୃତ୍ୟମ୍ ସଭାପତି ନୀଳମଣି ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ । ତେବେ ଇଣ୍ଡିଆନ୍ ଓସେନ୍ ଇଣ୍ଟରନ୍ୟାସନାଲ୍ ଫିଲ୍ମ ଫେଷ୍ଟିଭାଲରେ ପୁରସ୍କାର ହାସଲ କରି ରାଜ୍ୟ ତଥା ନିଜ ଅଞ୍ଚଳ ପାଇଁ ଗୌରବ ଆଣିଛନ୍ତି ଉଭୟ । ତାଙ୍କ ଅହି ସଫଳତା ପାଇଁ ଦର୍ଶକ ତାଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
