ହାଇଦ୍ରାବାଦ:କିଙ୍ଗ ଖାନଙ୍କ ଫିଲ୍ମ ଜବାନ ସେପ୍ଟେମ୍ବର 7ରେ ହିନ୍ଦୀ, ତେଲୁଗୁ ଏବଂ ତାମିଲ ଭାଷାରେ ରିଲିଜ ହୋଇଛି । ଦର୍ଶକଙ୍କଠାରୁ ଫିଲ୍ମକୁ ନେଇ ଭଲ ପ୍ରତିକ୍ରିୟା ମିଳୁ୍ଛି । ଏହାରି ମଧ୍ୟରେ ବଲିଉଡ୍ରୁ ସାଉଥ ଅନେକ ସେଲିବ୍ରିଟି ମଧ୍ୟ ଫିଲ୍ମ ଦେଖିବାକୁ ପ୍ରେକ୍ଷାଳୟରେ ପହଞ୍ଚିଛନ୍ତି । ଫିଲ୍ମକୁ ନେଇ ପ୍ରତିକ୍ରିୟା ମଧ୍ୟ ଦେଉଛନ୍ତି । ପୂର୍ବରୁ ବଲିଉଡ ସେଲିବ୍ରିଟିଙ୍କ ପ୍ରତିକ୍ରିୟା ଆସିଥିବା ବେଳେ ଏବେ ସାଉଥ ସେଲିବ୍ରିଟି ଫିଲ୍ମକୁ ନେଇ ପ୍ରଶଂସା କରିଛନ୍ତି ।
ତେଲୁଗୁ ସୁପରଷ୍ଟାର ମହେଶ ବାବୁ ଏବଂ ନିର୍ଦ୍ଦେଶକ ଏସ୍ ଏସ୍ ରାଜାମୌଲି ବର୍ତ୍ତମାନ ଜବାନ ଫିଲ୍ମ ଦେଖି ପ୍ରତିକ୍ରିୟା ଦେଇଛନ୍ତି । ଉଭୟ ଫିଲ୍ମ ସହ ଶାହାରୁଖ ଏବଂ ଅଟଲିଙ୍କ ଭୂୟଶୀ ପ୍ରଶଂସା କରିଛନ୍ତି । ମହେଶ ବାବୁ ଶାହାରୁଖ ଖାନ ଏବଂ ନୟନତାରାଙ୍କ ଫିଲ୍ମ 'ଜବାନ' ଦେଖିଥିଲେ । ଶାହାରୁଖ ଖାନ ଏବଂ ଟିମ୍କୁ ଶୁଭେଚ୍ଛା ଜଣାଇ ସେ ଟ୍ୱିଟ୍ କରି କହିଛନ୍ତି, "ଜବାନ ଟାଇମ' କିଙ୍ଗ ସହ କିଙ୍ଗ ସାଇଜ ଏଣ୍ଟରଟେନମେଣ୍ଟ ।" ନିର୍ଦ୍ଦେଶକ ଅଟଲିଙ୍କୁ ପ୍ରଶଂସା କରି ମହେଶ ବାବୁ ଲେଖିଛନ୍ତି, "ଜବାନ ବ୍ଲକବଷ୍ଟର ଫିଲ୍ମ । ଫିଲ୍ମକୁ ନେଇ ତୁଳନା ନାହିଁ । ସବୁକିଛି ଦମଦାର ରହିଛି । ଫିଲ୍ମ ନିଜେ ନିଜର ହିଁ ରେକର୍ଡ ଭାଙ୍ଗିବ।" ମହେଶ ଟ୍ୱିଟ୍ ସେୟାର କରିବାର କିଛି ସମୟ ପରେ ଶାହାରୁଖ ମଧ୍ୟ ଅଭିନେତାଙ୍କୁ ଧନ୍ୟବାଦ ଜଣାଇଛନ୍ତି । ଶାହାରୁଖ ତାଙ୍କ ଟ୍ବିଟକୁ ରିଟ୍ବିଟ କରି ଲେଖିଛନ୍ତି, "ଆପଣଙ୍କୁ ବହୁତ ଧନ୍ୟବାଦ । ଆପଣ ଏହାକୁ ପସନ୍ଦ କରିଥିବାରୁ ମୁଁ ଅତ୍ୟଧିକ ଖୁସି । ଆପଣଙ୍କୁ ଏବଂ ପରିବାରକୁ ବହୁତ ଭଲ ପାଇବା । ଆପଣଙ୍କ ଏହି କଥା ଶୁଣି ମୁଁ ବହୁତ ଉତ୍ସାହିତ । ଧନ୍ୟବାଦ ।