ହାଇଦ୍ରାବାଦ: ସୋସିଆଲ ମିଡିଆରେ ହଇଚଇ ସୃଷ୍ଟି କରିଥିବା 'କଚ୍ଚା ବାଦାମ' ଗୀତର କ୍ରେଜ ଏବେ ବି କମିନି । ଭୁବନ ବାଦ୍ୟକରଙ୍କ ଗୀତ 'କଚ୍ଚା ବାଦାମ' ବିଦେଶରେ ମଧ୍ୟ ଲୋକପ୍ରିୟ ହେବାରେ ଲାଗିଛି । କେବଳ ସେତିକି ନୁହେଁ, ଏହି ଭାଇରାଲ୍ ଗୀତରେ ନାଚିବା ପାଇଁ ସବୁଠି ଯେମିତି ଏକ ପ୍ରତିଯୋଗିତା ଚାଲିଛି । ନିକଟରେ ବଲିଉଡର ଧକ୍-ଧକ୍ ଗର୍ଲ ମାଧୁରୀ ଦୀକ୍ଷିତ ମଧ୍ୟ ଏହି ଭାଇରାଲ୍ ଗୀତ "କଚ୍ଚା ବାଦାମ"ରେ ଡ୍ୟାନ୍ସ କରିଛନ୍ତି । ଏପରିକି ରିତେଶ ଦେଶମୁଖ ମଧ୍ୟ ମାଧୁରୀଙ୍କ ଡ୍ୟାନ୍ସ ଦେଖି ନିଜକୁ ଅଟକାଇ ପାରିନଥିଲେ । ଏହି ଗୀତରେ ଦୁହେଁ ଜୋରଦାର ଡ୍ୟାନ୍ସ କରିଛନ୍ତି ।
ମାଧୁରୀ ଦୀକ୍ଷିତ ନିଜ ଇନଷ୍ଟାଗ୍ରାମରେ ରିତେଶ ଦେଶମୁଖଙ୍କ ସହ ଡ୍ୟାନ୍ସର ଭିଡିଓ ସେୟାର କରିଛନ୍ତି । ଭିଡିଓରେ, ମାଧୁରୀ ଏକ ସିଲଭର ରଙ୍ଗର ଲେହେଙ୍ଗା ପିନ୍ଧିଛନ୍ତି । ଏଥିସହିତ ରିତେଶ କଳା ରଙ୍ଗର ସୁଟ ପିନ୍ଧିଛନ୍ତି । ମାଧୁରୀ ଏବଂ ରିତେଶଙ୍କ ଡ୍ୟାନ୍ସ ଭାଇରାଲ୍ ଗୀତ 'କଚ୍ଚା ବାଦାମ' ସହିତ ମେଳ ଖାଉଥିବା ନଜର ଆସିଛି ।