ହାଇଦ୍ରାବାଦ: ବଲିଉଡ ଅଭିନେତ୍ରୀ ଦୀପିକା ପାଦୁକୋନ ଆଜି ତାଙ୍କ ୩୮ ତମ ଜନ୍ମଦିନ ପାଳନ କରୁଛନ୍ତି । ଏହି ଅବସରରେ ଅଭିନେତ୍ରୀଙ୍କ ପାଖକୁ ଛୁଟୁଛି ଶୁଭେଚ୍ଛାର ସୁଅ । ଅଭିନେତ୍ରୀ ଚଳିତ ବର୍ଷ 'ଫାଇଟର' ଏବଂ 'କଲ୍କି ୨୮୯୮AD' ସହ ପୁଣି ପରଦାରେ ଧମାକା କରିବାକୁ ପ୍ରସ୍ତୁତ ରହିଛନ୍ତି । ତେବେ ତାଙ୍କ ଜନ୍ମଦିନରେ ଉଭୟ ଫିଲ୍ମର ନିର୍ମାତା ତାଙ୍କୁ ଖାସ୍ ଅନ୍ଦାଜରେ ଶୁଭେଚ୍ଛା ଜଣାଇଛନ୍ତି । ପୂର୍ବରୁ ତାଙ୍କ ଆଗାମୀ ଫିଲ୍ମ ଫାଇଟର ନିର୍ମାତା ତାଙ୍କର BTS ଭିଡିଓ ସେୟାର କରି ଜନ୍ମଦିନ ଶୁଭେଚ୍ଛା ଜଣାଇଥିବା ବେଳେ ବର୍ତ୍ତମାନ 'କଲ୍କି ୨୮୯୮AD'ରୁ ଫିଲ୍ମରୁ ଏକ ନୂଆ ପୋଷ୍ଟର ସେୟାର କରି ଦୀପିକାଙ୍କ ପ୍ରଥମ ଝଲକ ଦେଖାଇଛନ୍ତି ।
ନିର୍ମାତା ବୈଜୟନ୍ତ ମୁଭିସ ଏବଂ 'କଲ୍କି ୨୮୯୮AD' ନିଜ ଇନଷ୍ଟାଗ୍ରାମରେ ଦୀପିକାଙ୍କ ଆକର୍ଷଣୀୟ ପୋଷ୍ଟର ରିଲିଜ କରିଛନ୍ତି । ଏହି ଫଟୋରେ ଦୀପିକା ପ୍ରଥମ ଝଲକ ଦେଖିବାକୁ ମିଳିଛି । ଫଟୋ ସେୟାର କରି ନିର୍ମାତା କ୍ୟାପସନରେ ଲେଖିଛନ୍ତି, ଆମର ସୁନ୍ଦର ଦୀପିକା ପାଦୁକୋନଙ୍କୁ ଜନ୍ମଦିନର ଅନେକ ଶୁଭେଚ୍ଛା । ସେ ଆହୁରି ଲେଖିଛନ୍ତି, ଅପେକ୍ଷା ଅଧିକ ସମୟ ହୋଇପାରେ, କିନ୍ତୁ ଆଲୋକ ସାଇନିଂ କରିବ । 'କଲ୍କି ୨୮୯୮AD' । ଏହା ପୂର୍ବରୁ 'କଲ୍କି ୨୮୯୮AD'ସହ ତାରକା ପ୍ରଭାସ ଦୀପିକାଙ୍କୁ ଜନ୍ମଦିନ ଶୁଭେଚ୍ଛା ଜଣାଇଛନ୍ତି । ସେ ଇନଷ୍ଟାଗ୍ରାମ ଷ୍ଟୋରୀରେ ଦୀପିକାଙ୍କ ଏକ ଫଟୋ ସେୟାର କରିଛନ୍ତି । ସେ କ୍ୟାପସନରେ ଲେଖିଛନ୍ତି, ଦୀପିକା ପାଦୁକୋନଙ୍କୁ ଜନ୍ମଦିନର ଶୁଭେଚ୍ଛା । ଆପଣଙ୍କ ବର୍ଷ ଆପଣଙ୍କ ଭଳି ସର୍ବଦା ଚମତ୍କାର ହେଉ ।'