ହାଇଦ୍ରାବାଦ:ବଲିଉଡ ଅଭିନେତା ରାଜପାଲ ଯାଦବ ଇଣ୍ଡଷ୍ଟ୍ରିର ଏକ ଚର୍ଚ୍ଚିତ ନାମ । ସେ ଚଳଚ୍ଚିତ୍ରରେ ହାସ୍ୟ ଅଭିନେତା ଭାବେ ଲୋକଙ୍କ ହୃଦୟରେ ନିଜ ପାଇଁ ଏକ ସ୍ୱତନ୍ତ୍ର ସ୍ଥାନ ତିଆରି କରିଛନ୍ତି । ବର୍ତ୍ତମାନ ତାଙ୍କ ନାଁରେ ଏକ ଗୁରୁତର ଅଭିଯୋଗ ଆସିଛି । 20 ଲକ୍ଷ ଟଙ୍କା ଠକେଇ ଅଭିଯୋଗରେ ଇନ୍ଦୋର ପୋଲିସ ଅଭିନେତା ରାଜପାଲ ଯାଦବଙ୍କୁ ନୋଟିସ ଜାରି କରିଛି । ତାଙ୍କୁ 15 ଦିନ ମଧ୍ୟରେ ପୋଲିସ ନିକଟରେ ହାଜର ହେବାକୁ ପଡିବ।
20 ଲକ୍ଷ ଠକେଇ ଅଭିଯୋଗ
ବିଲଡର ସୁରିନ୍ଦର ସିଂ ପୋଲିସକୁ ଅଭିଯୋଗ କରିଛନ୍ତି ଯେ, ରାଜପାଲ ଯାଦବ ତାଙ୍କ ପୁଅକୁ ଫିଲ୍ମ ଇଣ୍ଡଷ୍ଟ୍ରିରେ ସପୋର୍ଟ ତଥା ପ୍ରମୋଟ କରାଇବା ପାଇଁ 20 ଲକ୍ଷ ଟଙ୍କା ନେଇଥିଲେ । କିନ୍ତୁ ବର୍ତ୍ତମାନ ପର୍ଯ୍ୟନ୍ତ ରାଜପାଲ ଯାଦବ ତାଙ୍କ ପୁଅକୁ କୌଣସି କାମ କିମ୍ବା ସାହାଯ୍ୟ କରିନାହାଁନ୍ତି। ଯେତେବେଳେ ତାଙ୍କୁ ଟଙ୍କା ଫେରାଇବାକୁ କୁହାଗଲା, ସେ ଫେରାର୍ ହୋଇଗଲେ । ବର୍ତ୍ତମାନ ସେ ଫୋନ୍ ଉଠାଉ ନାହାଁନ୍ତି କିମ୍ବା ଟଙ୍କା ଫେରସ୍ତ କରୁନାହାଁନ୍ତି । ଏସବୁକୁ ନେଇ ବିବ୍ରତ ହୋଇ ବିଲଡର୍ ତୁକୋଗଞ୍ଜ ପୋଲିସକୁ ଅଭିଯୋଗ କରିଥିଲେ।