ହାଇଦ୍ରାବାଦ: 'ପ୍ରିନ୍ସ ଅଫ୍ ଟଲିଉଡ' ମହେଶ ବାବୁ 9 ଅଗଷ୍ଟରେ ତାଙ୍କର 48 ତମ ଜନ୍ମଦିନ ପାଳନ କରୁଛନ୍ତି । ମହେଶ ବାବୁ 9 ଅଗଷ୍ଟ 1975ରେ ଚେନ୍ନାଇରେ ଜନ୍ମଗ୍ରହଣ କରିଥିଲେ । ଏହି ଅବସରରେ ମହେଶ ବାବୁଙ୍କ ପ୍ରଶଂସକମାନେ ତାଙ୍କୁ ଜନ୍ମଦିନର ଶୁଭେଚ୍ଛା ଓ ଶୁଭକାମନା ଜଣାଇଛନ୍ତି । ମହେଶ ବାବୁ ମଧ୍ୟ ତାଙ୍କ ଜନ୍ମଦିନରେ ପ୍ରଶଂସକଙ୍କ ପାଇଁ ଏକ ବଡ଼ ସରପ୍ରାଇଜ ରଖିଥିଲେ, ଯାହା ବର୍ତ୍ତମାନ ପ୍ରଶଂସକଙ୍କ ସାମ୍ନାକୁ ଆସିଛି । ମହେଶ ବାବୁ ତାଙ୍କର ଆଗାମୀ ଆକ୍ସନ୍-ଡ୍ରାମା ଚଳଚ୍ଚିତ୍ର ‘ଗୁଣ୍ଟୁର କାରମ’ରୁ ଏକ ନୂଆ ପୋଷ୍ଟର ସେୟାର କରିଛନ୍ତି । ଏହା ସହିତ ଫିଲ୍ମର ରିଲିଜ ତାରିଖ ଖୁଲାସା କରିଛନ୍ତି ।
ଗୁଣ୍ଟୁର କାରମ ଏକ ଆକ୍ସନ୍ ଥ୍ରୀଲର ଫିଲ୍ମ, ଯାହା ତ୍ରିଭିକ୍ରମଙ୍କ ଦ୍ୱାରା ଲିଖିତ ଏବଂ ନିର୍ଦ୍ଦେଶିତ ହେବ । ଏହି ଚଳଚ୍ଚିତ୍ରରେ ମହେଶ ବାବୁଙ୍କ ସହ ଶ୍ରୀଲୀଲା ଏବଂ ମୀନାକ୍ଷୀ ଚୌଧୁରୀ ଅଭିନୟ କରିଛନ୍ତି । ‘ଗୁଣ୍ଟୁର କାରମ’ ପୋଷ୍ଟରରେ ମହେଶ ବାବୁ ସାର୍ଟ ଏବଂ ଲୁଙ୍ଗି ପିନ୍ଧି ବସିଥିବାର ନଜର ଆସିଛନ୍ତି । ଫିଲ୍ମର ରିଲିଜ୍ ତାରିଖ ମଧ୍ୟ ପୋଷ୍ଟରରେ ଲେଖାଯାଇଛି ।
କେବେ ମୁକ୍ତିଲାଭ କରିବ ଫିଲ୍ମ
ଫିଲ୍ମ ଗୁଣ୍ଟୁର କାରମର ନିର୍ମାତା ମହେଶ ବାବୁଙ୍କୁ ଜନ୍ମଦିନର ଶୁଭେଚ୍ଛା ଜଣାଇ ଫିଲ୍ମର ଏହି ନୂଆ ପୋଷ୍ଟର ରିଲିଜ କରିଛନ୍ତି । ଏହା ମଧ୍ୟ କୁହାଯାଇଛି ଯେ ଫିଲ୍ମ 12 ଜାନୁଆରୀ 2024ରେ ମୁକ୍ତିଲାଭ କରିବ । ମହେଶ ବାବୁଙ୍କ ପ୍ରଶଂସକମାନେ ତାଙ୍କ ଫିଲ୍ମକୁ ଉତ୍ସାହର ସହିତ ଅପେକ୍ଷା କରିଛନ୍ତି । ଏହି ଚଳଚ୍ଚିତ୍ରକୁ ନିର୍ଦ୍ଦେଶକ ତ୍ରିଭିକ୍ରମ ଶ୍ରୀନିବାସ ନିର୍ଦ୍ଦେଶନା ଦେଇଛନ୍ତି, ଯିଏ ସାଉଥ ସୁପରଷ୍ଟାର ଆଲୁ ଅର୍ଜୁନଙ୍କ ସହ ବ୍ଲକବଷ୍ଟର ଫିଲ୍ମ ଆଲା ବୈକୁଣ୍ଠପୁରମୁଲୋ ନିର୍ମାଣ କରିଥିଲେ ।
ଏହା ମଧ୍ୟ ପଢନ୍ତୁ: ରେକର୍ଡ ଭାଙ୍ଗିଲା ସନ୍ନି ଦେଓଲଙ୍କ Gadar 2, ଗୋଟିଏ ଦିନରେ 76 ହଜାର ଟିକେଟ୍ ବିକ୍ରି
ଏହାପୂର୍ବରୁ ମହେଶ ଏବଂ ତ୍ରିଭିକ୍ରମଙ୍କ ଯୋଡି ଚିତା ଦି ପାୱାର ଅଫ୍ ୱାନ (2005) ଏବଂ ଖାଲେଜା (2010) ଚଳଚ୍ଚିତ୍ରରେ ଘମାଲ କରିଥିଲେ। । ମହେଶ ଏବଂ ତ୍ରିଭିକ୍ରମ ଦୀର୍ଘ ସମୟ ପରେ ପୁଣି ଥରେ ଏକାଠି ହୋଇଛନ୍ତି । ଏହି ଚଳଚ୍ଚିତ୍ରରେ ମହେଶ ବାବୁଙ୍କ ସହ ନବାଗତ ଅଭିନେତ୍ରୀ ଶ୍ରୀଲୀଲା ମୁଖ୍ୟ ଭୂମିକାରେ ନଜର ଆସିବେ । ଏହି ଚଳଚ୍ଚିତ୍ରରେ ଥାମନର ସଂଗୀତ ରହିବ । ବର୍ତ୍ତମାନ ପ୍ରଶଂସକମାନେ ଉତ୍ସାହର ସହିତ ଫିଲ୍ମକୁ ଅପେକ୍ଷା କରିଛନ୍ତି ।
ଦକ୍ଷିଣର ସୁପରଷ୍ଟାର ମହେଶ ବାବୁ ଦମଦାର ଅଭିନୟ ଆଧାରରେ ସେ ନିଜ ପାଇଁ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି । ଦକ୍ଷିଣ ଚଳଚ୍ଚିତ୍ରର ଅନ୍ୟତମ ସଫଳ ଅଭିନେତା ହେଉଛନ୍ତି ମହେଶ ବାବୁ । ତାଙ୍କୁ ଟଲିଉଡର ପ୍ରିନ୍ସ ଭାବରେ ଜଣାଯାଏ । ମହେଶ ବାବୁଙ୍କ କ୍ରେଜ କେବଳ ଦକ୍ଷିଣ ଭାରତରେ ନୁହେଁ ସମଗ୍ର ଦେଶରେ ଦେଖିବାକୁ ମିଳେ । ସେ ଅନେକ ବ୍ଲକବଷ୍ଟର ଚଳଚ୍ଚିତ୍ର ଦେଇଛନ୍ତି । ପ୍ରଶଂସକମାନେ ତାଙ୍କ ଚଳଚ୍ଚିତ୍ର ପାଇଁ ଉତ୍ସାହର ସହିତ ଅପେକ୍ଷା କରନ୍ତି । ଯେତେବେଳେ ବି ସେ ବଡ ପରଦାରେ ଏଣ୍ଟ୍ରି କରନ୍ତି, ପୁରା ଥିଏଟର କରତାଳି ଏବଂ ହ୍ୱିସିଲରେ କମ୍ପି ଉଠେ । ତେବେ ମହେଶ ବାବୁଙ୍କ ଆଗାମୀ ଫିଲ୍ମ ‘ଗୁଣ୍ଟୁର କାରମ’ ବକ୍ସ ଅଫିସରେ କେତେ ଧମାଲ ମଚାଇବ ତାହା ଦେଖିବାକୁ ବାକି ରହିଲା ।
